Respublika iqtisodiyoti tarmoqlarini 2006-2007-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida (PQ-329-son)

20.04.2006

Oʻzbekiston Respublikasi Prezidentining

Qarori

Respublika tarmoqlari, korxonalari va muassasalarini 2006-2007-yillar kuz-qish davrida barqaror ishlashga oʻz vaqtida tayyorlashni taʼminlash maqsadida:

1. Quyidagilar:

respublika iqtisodiyoti tarmoqlarini 2006-2007-yillar kuz-qish davrida barqaror ishlashga tayyorlash boʻyicha tadbirlar 1-ilovaga* muvofiq;

asosiy muhandislik kommunikatsiyalarini hamda texnologik asbob-uskunalarni hududlar boʻyicha 2006-2007-yillar kuz-qish davrida barqaror ishlashga tayyorlash va taʼmirlash topshiriqlari 2* va 3-ilovalarga* muvofiq;

asosiy yoqilgʻi-energetika resurslarini va texnik tuzni hududlar boʻyicha 2006-2007-yillar kuz-qish davri uchun tayyorlash topshirigʻi 4-ilovaga* muvofiq;

Respublika iqtisodiyoti tarmoqlarini 2006-2007-yillar kuz-qish davrida barqaror ishlashga tayyorlashni muvofiqlashtirish boʻyicha Respublika komissiyasi tarkibi 5-ilovaga* muvofiq tasdiqlansin.

* 1—5-ilovalar berilmaydi.

2. Qoraqalpogʻiston Respublikasi Vazirlar Kengashi, viloyatlar Toshkent shahar hokimliklari Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining kommunal xizmat koʻrsatish masalalariga mutasaddi oʻrinbosarlari rahbarligida huddi shunday hududiy komissiyalar tuzsinlar.

3. Respublika komissiyasi respublika iqtisodiyot tarmoqlari va ijtimoiy soha muassasalarini 2006-2007-yillar kuz-qish davriga tayyorlash va ularning barqaror ishlashini taʼminlash boʻyicha zarur tashkiliy chora-tadbirlar kompleksini taʼminlasin.

4. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Ushbu qarorning bajarilishi har chorakda Vazirlar Mahkamasi majlislarida koʻrib chiqilsin.

Oʻzbekiston Respublikasi Prezidenti I. KARIMOV

Toshkent sh.,

2006-yil 20-aprel,

PQ-329-son