2013-2017-yillar davrida sugʻoriladigan yerlarning meliorativ holatini yaxshilash va suv resurslaridan oqilona foydalanish boʻyicha Davlat dasturining soʻzsiz bajarilishini taʼminlashga doir qoʻshimcha chora-tadbirlar toʻgʻrisida (39-son)
24.02.2014
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “2013 — 2017-yillar davrida sugʻoriladigan yerlarning meliorativ holatini yanada yaxshilash va suv resurslaridan oqilona foydalanish chora-tadbirlari toʻgʻrisida” 2013-yil 19-apreldagi PQ-1958-son qarorini, shuningdek Oʻzbekiston Respublikasi Vazirlar Mahkamasi majlisining 2014-yil 17-yanvardagi 1-son protokolini bajarish yuzasidan Vazirlar Mahkamasi qaror qiladi:
1. 2013 — 2017-yillar davrida sugʻoriladigan yerlarning meliorativ holatini yaxshilash va suv resurslaridan oqilona foydalanish boʻyicha Davlat dasturi (keyingi oʻrinlarda Davlat dasturi deb ataladi) doirasidagi chora-tadbirlarning 2013-yilda amalga oshirilishi 264,0 ming gektar sugʻoriladigan yerlarning meliorativ holatini yaxshilash va 163,7 ming gektarning suv taʼminotini oshirish imkonini berganligi maʼlumot uchun qabul qilinsin.
2. Qoraqalpogʻiston Respublikasi Vazirlar Kengashi Raisiga, Buxoro, Qashqadaryo, Namangan, Sirdaryo va Xorazm viloyatlari hokimlariga tomchilatib sugʻorish tizimini joriy etishning, gʻoʻzalarni polietilen plyonka bilan qoplangan egatlar va koʻchma egiluvchan quvurlar orqali sugʻorishning prognoz koʻrsatkichlari taʼminlanmaganligi koʻrsatib oʻtilsin.
3. Quyidagilar:
Davlat dasturida nazarda tutilgan kompleks chora-tadbirlarning soʻzsiz bajarilishini taʼminlashga doir qoʻshimcha tadbirlar 1-ilovaga muvofiq;
Davlat dasturiga kiritilgan meliorativ obyektlarni dizel yoqilgʻisi bilan taʼminlashning 2014-yil uchun jadvali 2-ilovaga* muvofiq;
2014 — 2017-yillar davrida tuproqlarning shoʻrlanganligini aniq oʻrganish va planga olishning prognoz parametrlari 3-ilovaga* muvofiq;
2014 — 2017-yillar davrida tabiiy suv oqimlaridagi gidrologik postlarni modernizatsiyalashning prognoz parametrlari 4-ilovaga* muvofiq;
2014 — 2017-yillar davrida suv isteʼmolchilari uyushmalari va fermer xoʻjaliklarining suv olish joylarini suvni boshqarish va hisobga olish vositalari bilan jihozlashning prognoz parametrlari 5-ilovaga* muvofiq;
2014 — 2017-yillar davrida qishloq xoʻjaligi ekinlarini koʻchma egiluvchan sugʻorish quvurlari va polietilen plyonka bilan qoplangan egatlar orqali sugʻorishning suvni tejaydigan sugʻorish texnologiyalarini joriy etishning prognoz parametrlari 6 va 6a-ilovalarga* muvofiq tasdiqlansin.
4. Belgilansinki, Oʻzbekiston Respublikasi Qishloq va suv xoʻjaligi vazirligi (Teshayev, Hamrayev), Moliya vazirligi huzuridagi Sugʻoriladigan yerlarning meliorativ holatini yaxshilash jamgʻarmasini boshqarish departamenti (Yusupov), Qoraqalpogʻiston Respublikasi Vazirlar Kengashi, viloyatlar va tumanlar hokimliklari, Oʻzbekiston Fermerlari kengashi (Turdiyev) rahbarlari ustuvor irrigatsiya-melioratsiya obyektlarining manzilli roʻyxatlari sifatli shakllantirilishi, shuningdek Davlat dasturiga kiritilgan chora-tadbirlarning oʻz vaqtida amalga oshirilishi yuzasidan shaxsan javob beradilar.
5. Oʻzbekiston Respublikasi Qishloq va suv xoʻjaligi vazirligi (Hamrayev), Oʻzbekiston Fermerlari kengashi (Turdiyev), Moliya vazirligi huzuridagi Sugʻoriladigan yerlarning meliorativ holatini yaxshilash jamgʻarmasini boshqarish departamenti (Yusupov), Qoraqalpogʻiston Respublikasi Vazirlar Kengashi, viloyatlar va tumanlar hokimliklari 2014-yildan boshlab hududiy va tuman fermerlar kengashlari rahbarlarining hududiy manzilli dasturlarni shakllantirish boʻyicha ishchi guruhlar, shuningdek sugʻoriladigan yerlarning meliorativ holatini yaxshilash boʻyicha tugallangan loyihalarni qabul qiluvchi komissiyalar tarkibida majburiy qatnashishini taʼminlasinlar.
6. “Oʻzbekneftgaz” milliy-xolding kompaniyasi (Fayzullayev), “Oʻzneftmahsulot kompaniyasi (Sultonov) Qoraqalpogʻiston Respublikasi Vazirlar Kengashi, viloyatlar hokimliklari va neft mahsulotlari hududiy unitar korxonalari rahbarlari bilan birgalikda Oʻzbekiston Respublikasi Qishloq va suv xoʻjaligi vazirligi hamda Moliya vazirligi huzuridagi Sugʻoriladigan yerlarning meliorativ holatini yaxshilash jamgʻarmasini boshqarish departamenti buyurtmanomalariga qatʼiy muvofiq holda, Davlat dasturiga kiritilgan obyektlarni dizel yoqilgʻisi bilan oʻz vaqtida taʼminlash boʻyicha aniq chora-tadbirlar koʻrsinlar.
7. “Oʻzmeliomashlizing” davlat lizing kompaniyasi (Sulaymonov), Oʻzbekiston Respublikasi Qishloq va suv xoʻjaligi vazirligi (Hamrayev) Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda zamonaviy melioratsiya texnikasini mukammal taʼmirlash boʻyicha mintaqaviy markazlarni, shuningdek “Oʻzmeliomashlizingservis” shuʼba korxonasi filiallarini 7-ilovaga* muvofiq topshiriqqa muvofiq ikki oy muddatda tashkil etsinlar.
8. “Davarxitektqurilish” qoʻmitasi raisining oʻrinbosari Sh.Xoshimov Oʻzbekiston Respublikasi Qishloq va suv xoʻjaligi vazirligi bilan birgalikda 8-ilovaga* muvofiq normativ hujjatlarni oʻz vaqtida ishlab chiqish va belgilangan tartibda tasdiqlash boʻyicha suv xoʻjaligi loyihalash hamda ilmiy-tadqiqot muassasalari ishlarining muvofiqlashtirilishini taʼminlasin.
9. Oʻzbekiston Respublikasi Qishloq va suv xoʻjaligi vazirligi (Hamrayev) Davlat raqobat qoʻmitasi (Abduhakimov), tegishli loyihalash va ilmiy-tadqiqot tashkilotlari bilan birgalikda sugʻorish novlari ishlab chiqarishning ilgʻor texnologiyalarini ikki oy muddatda oʻrganib chiqsin va ularni Oʻzbekiston Respublikasida joriy etish boʻyicha Vazirlar Mahkamasiga takliflar kiritsin.
10. Belgilab qoʻyilsinki, tuproqlarning shoʻrlanganligini aniq oʻrganish va planga olish, shuningdek tabiiy suv obyektlaridagi gidrologik postlarini modernizatsiyalash ishlarini moliyalashtirish har yili tegishli vazirliklar va idoralarga ajratiladigan budjet mablagʻlari doirasida Oʻzbekiston Respublikasi Davlat budjeti mablagʻlari hisobiga amalga oshiriladi.
11. Qoraqalpogʻiston Respublikasi Vazirlar Kengashi hamda viloyatlar hokimliklari Oʻzbekiston Respublikasi Qishloq va suv xoʻjaligi vazirligi, Oʻrta maxsus, kasb-hunar taʼlimi markazi bilan birgalikda suv xoʻjaligi va suv isteʼmolchilari uyushmalari, shuningdek Davlat dasturini amalga oshirishda qatnashuvchi tashkilotlar mutaxassislari uchun 9-ilovaga* muvofiq kasb-hunar kollejlarida yiliga bir marta malaka oshirish kurslarini tashkil etsinlar.
12. Toshkent irrigatsiya va melioratsiya instituti (Hamidov) Oʻrta maxsus, kasb-hunar taʼlimi markazi (Salimov), Oʻzbekiston Respublikasi Moliya vazirligi huzuridagi Sugʻoriladigan yerlarning meliorativ holatini yaxshilash jamgʻarmasini boshqarish departamenti (Yusupov), “Oʻzmeliomashlizing” davlat lizing kompaniyasi (Sulaymonov), suv xoʻjaligi boʻyicha loyihalash va ilmiy-tadqiqot muassasalari bilan birgalikda:
malaka oshirish kurslari uchun ikki oy muddatda dastur, jadvallar va oʻquv-namoyish etish materiallarini ishlab chiqsin hamda ularni suv xoʻjaligidagi va suv xoʻjaligi qurilishidagi eng yangi yutuqlar bilan muntazam ravishda yangilab borsin;
suv xoʻjaligi uchun kadrlar tayyorlashga ixtisoslashtirilgan kasb-hunar kollejlari oʻqituvchilarini har yili qayta tayyorlashni taʼminlasin.
13. Oʻzbekiston Respublikasi Moliya vazirligi huzuridagi Sugʻoriladigan yerlarning meliorativ holatini yaxshilash jamgʻarmasini boshqarish departamenti (Yusupov), “Oʻzmeliomashlizing” davlat lizing kompaniyasi (Sulaymonov) har yili, ijro etuvchi apparatlarni saqlash uchun xarajatlar smetalarini tuzishda malaka oshirish kurslarini tashkil etish uchun zarur boʻlgan oʻquv-namoyish etish materiallarini tayyorlash boʻyicha xarajatlarni moliyalashtirish uchun mablagʻlarni nazarda tutsinlar.
14. “Davarxitektqurilish” qoʻmitasi (Xoshimov) Oʻzbekiston Respublikasi Oliy va oʻrta maxsus taʼlim vazirligi (Xodiyev), Qishloq va suv xoʻjaligi vazirligi (Hamrayev) bilan birgalikda:
har yili suv xoʻjaligi loyihalash tashkilotlarining rahbarlari va mutaxassislari uchun malaka oshirish kurslarini tashkil etsin;
ikki oy muddatda malaka oshirish kurslari uchun dasturni, ularni oʻtkazish jadvallarini va zarur materiallarni ishlab chiqsin, keyinchalik ularni suv xoʻjaligi obyektlarini loyihalash va qurishning zamonaviy texnologiyalari toʻgʻrisidagi maʼlumotlar bilan toʻldirib borsin.
15. Oʻzbekiston Respublikasi Oliy va oʻrta maxsus taʼlim vazirligi (Xodiyev) Qishloq va suv xoʻjaligi vazirligi (Hamrayev), Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda:
Davlat universitetlarida va sohaga oid oliy oʻquv muassasalarida 10-ilovaga* muvofiq, qishloq va suv xoʻjaligi sohasidagi olimlar va yuqori malakali mutaxassislarni jalb etgan holda, Davlat dasturi amalga oshirilishini maqsadli oʻrganish hamda irrigatsiya-melioratsiya tadbirlari samaradorligini oshirishda, suv resurslari va suv xoʻjaligi obyektlari boʻylab joylashgan yer uchastkalaridan oqilona foydalanishda metodik yordam koʻrsatish boʻyicha Ilmiy-amaliy Kengashlar tashkil etsin;
* 2—10-ilovalar rus tilidagi matnda berilgan.
Ilmiy-amaliy Kengashlar tarkiblari, nizomlari va ish rejalarining tasdiqlanishini taʼminlasin hamda ularning samarali faoliyat koʻrsatishi yuzasidan nazorat oʻrnatsin.
16. Mazkur qarorning bajarilishini nazorat qilishni oʻz zimmamda qoldiraman.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2014-yil 24-fevral,
39-son
Vazirlar Mahkamasining 2014-yil 24-fevraldagi 39-son qaroriga 1-ILOVA
2013 — 2017-yillar davrida sugʻoriladigan yerlarning meliorativ holatini yaxshilash va suv resurslaridan oqilona foydalanish Davlat dasturida nazarda tutilgan kompleks chora-tadbirlarning soʻzsiz bajarilishini taʼminlashga doir qoʻshimcha
tadbirlar
T/r Tadbirlar Tadbirlarni amalga oshirish mexanizmi va shakli Bajarish muddati Masʼul bajaruvchilar I. Sugʻoriladigan yerlarning holatini meliorativ jihatdan yaxshilash, irrigatsiya va suv resurslaridan oqilona foydalanishga doir normativ-huquqiy bazani takomillashtirish 1. Deklaratsiya qilingan narxlar boʻyicha polimer granulalarni ajratish hamda tomchilatib sugʻorish tizimi, qishloq xoʻjaligi ekinlarini egatlarni polietilen plyonka bilan qoplash va koʻchma egiluvchan quvurlar orqali, shuningdek sugʻorishning boshqa suvni tejaydigan texnologiyalari orqali sugʻorish uchun butlovchi buyumlarni ixtisoslash-tirilgan tashkilotlar va korxonalar tomonidan ishlab chiqarish uchun ularni hisobga olish tartibi toʻgʻrisidagi nizom loyihasini ishlab chiqish. Deklaratsiyalangan narxlar boʻyicha polimer granulalar ajratishning va ularni hisobga olishni yuritishning mavjud tartibini tahlil qilish. Nizom loyihasini ishlab chiqish va belgilangan tartibda kelishish hamda Sugʻoriladigan yerlarning meliorativ holatini yaxshilash jamgʻarmasi Kengashi tomonidan tasdiqlash. 2014-yil 10-martgacha 2014-yil 1-aprelgacha Qishloq va suv xoʻjaligi vazirligi (Hamrayev), Iqtisodiyot vazirligi (Mirzamahmudov), Moliya vazirligi (Abdullayev), “Oʻzbekneftgaz” MXK (Fayzullayev), Sugʻoriladigan yerlarning meliorativ holatini yaxshilash jamgʻarmasi (Yusupov) 2. Suv xoʻjaligi ishlarini tadqiq qilish, loyihalash, amalga oshirish va qabul qilib olishni tashkil etish, suv xoʻjaligi obyektlaridan foydalanish boʻyicha normativ-huquqiy bazani takomillashtirish. Qurilish normalari va qoidalari (KMK) loyihalarini ishlab chiqish va tasdiqlash: 2014-yilda — 4 ta; 2015-yilda — 6 ta. Idoraviy qurilish normalari loyihalarini ishlab chiqish va tasdiqlash: 2014-yilda — 9 ta; 2015-yilda — 11 ta. Nizomlar loyihalarini ishlab chiqish va tasdiqlash: 2014-yilda — 2 ta. 2014-2015-yillar “Davarxitektqurilish” qoʻmitasi (Xoshimov), Qishloq va suv xoʻjaligi vazirligi (Hamrayev), Moliya vazirligi (Abdullayev), Sugʻoriladigan yerlarning meliorativ holatini yaxshilash jamgʻarmasi (Yusupov), “Davsuvxoʻjaliknazorat” (Ern�zarov), “Oʻzsuvloyiha” OAJ (Primov), “OʻzGIP” MChJ (Abdullayev), “Gidroloyiha” OAJ, (Jigarev), “Suvloyiha” birlashmasi (Qobilov), Toshkent irrigatsiya va melioratsiya instituti huzuridagi Irrigatsiya va suv muammolari III (Rahimov) 3. Sugʻoriladigan yerlarning meliorativ holatini, shuningdek sugʻoriladigan yerlarda amalga oshiriladigan irrigatsiya-melioratsiya tadbirlari samaradorligini baholash boʻyicha normativ-huquqiy bazani takomillashtirish. Quyidagilarni: sugʻoriladigan yerlarning meliorativ holatini; meliorativ tadbirlarning samaradorligini baholash boʻyicha nizomlar loyihalarini ishlab chiqish. Qishloq va suv xoʻjaligi vazirligi tomonidan nizomlar loyihalarini tasdiqlash. 2014-yil dekabr Qishloq va suv xoʻjaligi vazirligi (Hamrayev), “Davarxitektqurilish” qoʻmitasi (Arabov), Iqtisodiyot vazirligi (Abdullayev), Irrigatsiya va suv muammolari III (Raximov), boshqa ilmiy-tadqiqot institutlari 4. 2025-yilgacha boʻlgan davrda mintaqalarda sugʻoriladigan yerlarning meliorativ holatini kompleks yaxshilash va suv resurslaridan oqilona foydalanish konsepsiyasi (sxemasi)ni ishlab chiqish. Asoslovchi materiallar bilan mustahkamlagan ha�da manfaatdor vazirliklar va idoralar bilan belgilangan tartibda kelishilgan holda konsepsiya (sxema) loyihasi asosiy qoidalarini ishlab chiqishni tugallash. 2025-yilgacha boʻlgan davrda mintaqalarda sugʻoriladigan yerlarning meliorativ holatini kompleks yaxshilash va suv resurslaridan oqilona foydalanish konsepsiyasi (sxemasi)ni ishlab chiqish va Sugʻoriladigan yerlarning meliorativ holatini yaxshilash jamgʻarmasi Kengashida koʻrib chiqish. 2014-yil 2015-yil oktyabr Qishloq va suv xoʻjaligi vazirligi (Hamrayev), Iqtisodiyot vazirligi (Xoʻjayev), Moliya vazirligi (Yusupov), Davlat geologiya qoʻmitasi (Turamuratov), “Oʻzkommunxizmat” agentligi (Xolmuhammedov), “Davarxitektqurilish” qoʻmitasi (Toxtayev), “Suvloyiha” birlashmasi (Qobilov), “Oʻzsuvloyiha” OAJ (Primov), “OʻzGIP” MChJ (Abdullayev), Irrigatsiya va suv muammolari III (Rahimov), Sugʻoriladigan yerlarning meliorativ holatini yaxshilash jamgʻarmasi (Yusupov) II. Melioratsiya va irrigatsiya obyektlarini, sugʻorish tarmogʻini qurish, rekonstruksiya qilish, taʼmirlash va tiklash sifatini oshirish, shuningdek suv resurslarini boshqarish tizimlarini takomillashtirish 5. Sugʻoriladigan yerlarning meliorativ holatini yaxshilash va suv resurslaridan oqilona foydalanish Davlat dasturida nazarda tutilgan loyihalardan har birining soʻzsiz bajarilishini taʼminlash. Har bir loyihani amalga oshirishning tarmoq jadvalini ishlab chiqish va tasdiqlash. Tasdiqlangan tarmoq jadvallari ijrosi monitoringini olib borish va: Qoraqalpogʻiston Respublikasi Vazirlar Kengashi, viloyatlar va tumanlar hokimliklari; Vazirlar Mahkamasining Qishloq va suv xoʻjaligi, qishloq xoʻjaligi mahsulotlarini qayta ishlash hamda isteʼmol tovarlari kompleksi majlislarida koʻrib chiqish. pudrat tashkilotlari bilan shartnomalar tuzilgandan keyin uch kun muddatda har oyda har chorakda Qoraqalpogʻiston Respublikasi Vazirlar Kengashi (Yangiboyev), viloyatlar va tumanlar hokimliklari, Sugʻoriladigan yerlarning meliorativ holatini yaxshilash jamgʻarmasi (Yusupov), Qishloq va suv xoʻjaligi vazirligi (Hamrayev) Vazirlar Mahkamasi Qishloq va suv xoʻjaligi, qishloq xoʻjaligi mahsulotlarini qayta ishlash hamda isteʼmol tovarlari masalalari axborot-tahlil departamenti (Uzoqov, Ishanov) 6. Melioratsiya obyektlarini qurish, rekonstruksiya qilish, taʼmirlash va tiklash boʻyicha loyihalarni bajarish sifatini oshirish. Bajariladigan meliorativ ishlarning loyihadagi talablariga va sifatiga rioya etilishi yuzasidan qatʼiy, tizimli mualliflik va davlat arxitektura-qurilish nazoratini taʼminlash. tasdiqlangan jadvalga muvofiq “Davarxitektqurilish” qoʻmitasi (Shodiyev), Sugʻoriladigan yerlarning meliorativ holatini yaxshilash jamgʻarmasi (Yusupov), Qishloq va suv xoʻjaligi vazirligi qurilayotgan korxonalarining birlashgan direksiyasi, loyihalash tashkilotlari 7. Sugʻoriladigan yerlarning meliorativ holatini yaxshilash loyihalarini amalga oshirishda qatnashuvchi pudrat tashkilotlariga dizel yonilgʻisining uzluksiz yetkazib berilishini taʼminlash. Olinayotgan mahsulot uchun oldindan toʻlovni amalga oshirgan holda pudrat tashkilotlarining neft omborlarida dizel yonilgʻisining bir oylik zaxirasini yaratish. har oyda jadval boʻyicha “Oʻzneftmahsulot” kompaniyasi (Sultanov), Qishloq va suv xoʻjaligi vazirligi (Hamrayev), Sugʻoriladigan yerlarning meliorativ holatini yaxshilash jamgʻarmasi (Yusupov), Qoraqalpogʻiston Respublikasi Vazirlar Kengashi (Yangiboyev) va viloyatlar hokimliklari 8. Sugʻoriladigan yerlarning meliorativ holatini yaxshilash loyihalari boʻyicha tugallangan obyektlarni (bosqichlarni) qabul qilib olish tartibini qatʼiylashtirish, kollektor-drenaj tarmogʻidan ishonchli foydalanilishini taʼminlash. Hududiy va tuman ferm�rlar kengashlarining, shuningdek manfaatdor fermer xoʻjaliklari rahbarlarining tugallangan obyektlarini (bosqichlarni) qabul qilib olish davlat komissiyalaridagi ishtirokini taʼminlash. tugallangan obyektlarni (bosqichlarni) qabul qilib olishda Oʻzbekiston Fermerlari kengashi (Turdiyev), Qoraqalpogʻiston Respublikasi Vazirlar Kengashi (Yangiboyev), viloyatlar va tumanlar hokimliklari, hududiy va tumanlar fermerlar kengashi 9. Ochiq kollektor-drenaj tarmogʻi boʻylab joylashgan yer uchastkalaridan oqilona foydalanish. Meliorativ obyektlarni qurish, rekonstruksiya qilish, taʼmirlash va tiklash loyihalarida nazarda tutiladigan tadbirlar tarkibiga kollektor-drenaj tarmogʻi kavallerlarini (atroflarini) tekislashni kiritish. Ochiq kollektor-drenaj tarmogʻi boʻylab joylashgan kavallerlarni tekislashni va yer uchastkalarini obodonlashtirishni hisobga olgan holda loyihalashtirish topshiriqlarini rasmiylashtirish. 2015-yildan boshlab loyihalash yuzasidan shartnomalar tuzish bosqichida Qishloq va suv xoʻjaligi vazirligi (Hamrayev), Sugʻoriladigan yerlarning meliorativ holatini yaxshilash jamgʻarmasi (Yusupov), Qishloq va suv xoʻjaligi vazirligi qurilayotgan korxonalarining birlashgan direksiyasi 10. Ochiq kollektor-drenaj tarmogʻi boʻylab joylashgan yer uchastkalarini obodonlashtirish. Ochiq kollektor-drenaj tarmogʻi boʻylab joylashgan yer uchastkalarida tut, terak va boshqa yogʻochbop daraxtlarni, qishloq xoʻjaligi ekinlarini oʻstirishni tashkil etish. har yili 1-maygacha Qishloq va suv xoʻjaligi vazirligi (Hamrayev), Oʻzbekiston Fermerlari kengashi (Turdiyev), Qoraqalpogʻiston Respublikasi Vazirlar Kengashi (Yangiboyev), viloyatlar va tumanlar hokimliklari, hududiy va tuman fermerlar kengashlari, fermer xoʻjaliklari 11. Suv isteʼmolchilari va fermer xoʻjaliklari uyushmalarining suv ayirish joylarini sugʻorish suvini boshqarish va hisobga olish vositalari bilan jihozlashni taʼminlash. Melioratsiya va boshqa suv xoʻjaligi ishlarini bajarishga ixtisoslashtirilgan pudrat tashkilotlarida sugʻorish suvini boshqarish va hisobga olish vositalarini tayyorlashni tashkil etish. Suv isteʼmolchilari va fermer xoʻjaliklari uyushmalari tomonidan melioratsiya va boshqa suv xoʻjaligi ishlarini bajarishga ixtisoslashtirilgan pudrat tashkilotlari bilan ularni suv ayirish joylarini sugʻorish suvini boshqarish va hisobga olish vositalari bilan jihozlash boʻyicha shart�omalar tuzilishini taʼminlash. Suv ayirish joylarini jihozlash jadvallarini tasdiqlash va ularning bajarilishi yuzasidan har oʻn kunlik monitoring olib borish. 2014-yil 1-aprelgacha 2014-yil 20-martgacha 2014-yil 1-aprelgacha, har oʻn kunda Qishloq va suv xoʻjaligi vazirligi (Hamrayev), Oʻzbekiston Fermerlari kengashi (Turdiyev), Qoraqalpogʻiston Respublikasi Vazirlar Kengashi (Yangiboyev), viloyatlar va tumanlar hokimliklari, hududiy va tuman fermerlar kengashlari, fermer xoʻjaliklari 12. Sugʻorishning aniqlashtirilgan rejimlari dala tadqiqotlarini oʻtkazishni, shuningdek hududlarning tuproq-iqlim sharoitlarini hisobga olgan holda sugʻoriladigan yerlarni gidromodul rayonlashtirishni tashkil etish. Jizzax viloyati sugʻoriladigan yerlarini sugʻorishning aniqlashtirilgan rejimlarini, shuningdek gidromodul rayonlashtirishning dala tadqiqotlarini oʻtkazish va ishlab chiqish dasturini tasdiqlash, keyinchalik Sugʻoriladigan yerlarning meliorativ holatini yaxshilash jamgʻarmasi Kengashida koʻrib chiqish. 2014-yil 1-aprelgacha 2014-2015-yillar Qishloq va suv xoʻjaligi vazirligi (Teshayev), Moliya vazirligi (Yusupov), Oʻzbekiston qishloq xoʻjaligi ilmiy-ishlab chiqarish markazi (N�rmatov), Irrigatsiya va suv muammolari III (Rahimov), boshqa ilmiy-tadqiqot institutlari 13. Sugʻorish novlarini hamda suv xoʻjaligi qurilishining boshqa temir-beton buyumlarini va konstruksiyalarini ishlab chiqarishning zamonaviy texnologiyalarini joriy etish. Sugʻorish novlari hamda suv xoʻjaligi qurilishi uchun boshqa temir-beton buyumlar va konstruksiyalarni ishlab chiqarishning zamonaviy tajribasini oʻrganish. Sugʻorish novlarini hamda suv xoʻjaligi qurilishining boshqa temir-beton buyumlarini va konstruksiyalarini ishlab chiqarishning zamonaviy texnologiyalarini joriy etish boʻyicha kompleks chora-tadbirlarni ishlab chiqish va tasdiqlash. 2014-yil 1-maygacha 2014-yil 1-iyungacha Qishloq va suv xoʻjaligi vazirligi (Hamrayev), Davlat raqobat qoʻmitasi (Abduhakimov), tegishli loyiha va ilmiy-tadqiqot tashkilotlari 14. Janubiy Mirzachoʻl kanali (JMK) sugʻorish tizimini takomillashtirish va texnologik jihatdan yangilash. Janubiy Mirzachoʻl kanali boshqaruv tizimini kompleks oʻrganish. JMKni boshqarish tizimini takomillashtirish va texnologik jihatdan yangilash boʻyicha loyihaning DTIIni ishlab chiqish va �asdiqlash, shuningdek moliyalashtirish manbalarini aniqlash. JMK boshqarish tizimini takomillashtirish va texnologik jihatdan yangilash chora-tadbirlarini amalga oshirish. 2014-yil 1-aprelgacha 2014-yil 1-dekabrgacha 2015 — 2017-yillar Qishloq va suv xoʻjaligi vazirligi (Hamrayev), Moliya vazirligi (Yusupov), Iqtisodiyot vazirligi (Xoʻjayev), Tashqi iqtisodiy aloqalar, investitsiyalar va savdo vazirligi (Toʻlaganov), “Davarxitektqurilish” qoʻmitasi (Shodiyev), “OʻzGIP” MChJ (Abdullayev), Axborot texnologiyalari va kommunikatsiyalarini rivojlantirish vazirligi (Mirzoxidov) III. Tomchilatib sugʻorish tizimini va sugʻorishning boshqa suvni tejaydigan texnologiyalarini joriy etish 15. Qabul qilingan hududiy dasturlar doirasida tomchilatib sugʻorish tizimini va sugʻorishning boshqa suvni tejaydigan texnologiyalarini joriy etish boʻyicha loyihalar roʻyxatlarini ishlab chiqish va tasdiqlash. 2014-yilda amalga oshiriladigan ustuvor loyihalarni tanlab olish hamda tomchilatib sugʻorish tizimini, qishloq xoʻjaligi ekinlarini koʻchma egiluvchan quvurlar va polietilen plyonka bilan qoplangan egatlar orqali sugʻorishni joriy etishning tumanlar va hududlar loyihalari roʻyxatlarini ishlab chiqish hamda Qishloq va suv xoʻjaligi vazirligiga kiritish. 2014-yilda amalga oshiriladigan tomchilatib sugʻorish tizimini, qishloq xoʻjaligi ekinla�ini koʻchma egiluvchan quvurlar va polietilen plyonka bilan qoplangan egatlar orqali sugʻorishni joriy etish boʻyicha hududiy manzilli dasturlarni koʻrib chiqish va umumlashtirish hamda belgilangan tartibda tasdiqlash. 2014-yil 10-martgacha 2014-yil 1-aprelgacha Qoraqalpogʻiston Respublikasi Vazirlar Kengashi (Yangiboyev), viloyatlar va tumanlar hokimliklari hududiy va tumanlar fermerlar kengashlari va fermer xoʻjaliklari Qishloq va suv xoʻjaligi vazirligi (Hamrayev), Moliya vazirligi (Abdullayev), Iqtisodiyot vazirligi (Shermatov), Sugʻoriladigan yerlarning meliorativ holatini yaxshilash jamgʻarmasi Kengashi 16. Fermer va dehqon xoʻjaliklari tomonidan qishloq xoʻjaligi ekinlarini sugʻorishning suvni tejaydigan texnologiyalarini joriy etish uchun koʻchma egiluvchan sugʻorish quvurlari va polietilen plyonka komplektlarini sotish punktlari tarmogʻini tashkil etish. “Qishloqxoʻjalikkimyo” hududiy aksiyadorlik birlashmalarining tuman filiallarida koʻchma egiluvchan sugʻorish quvurlari va polietilen plyonka komplektlarini sotish tarmoqlarini tashkil etish. 2014-yil 1-apreldan boshlab “Oʻzkimyosanoat” kompaniyasi (Shermatov), Qoraqalpogʻiston Respublikasi Vazirlar Kengashi (Yangiboyev), viloyatlar hokimliklari 17. Xalqaro moliya institutlarining uzoq muddatli imtiyozli kredit resurslarini tomchilatib sugʻorish tizimini va sugʻorishning boshqa suvni tejaydigan texnologiyalarini joriy etish boʻyicha loyihalarni amalga oshirishga jalb etish. Xalqaro moliya institutlari bilan uzoq muddatli imtiyozli kredit liniyalarini jalb etish masalalarini belgilangan tartibda ishlab chiqish va Vazirlar Mahkamasiga takliflar kiritish. 2014-yil 1-oktabrgacha Tashqi iqtisodiy aloqalar, investitsiyalar va savdo vazirligi (Toʻlaganov), Qishloq va suv xoʻjaligi vazirligi (Hamrayev), Iqtisodiyot vazirligi (Xoʻjayev), Moliya vazirligi (Yusupov), Sugʻoriladigan yerlarning meliorativ holatini yaxshilash jamgʻarmasi (Yusupov), Markaziy bank (Mustafayev) 18. Gʻoʻzani va boshqa chopiq ekinlarini polietilen plyonka bilan qoplangan egatlar orqali sugʻorish uchun plyonka qoplagichning tajriba partiyasini yaratish va ishlab chiqarish. Plyonka qoplagichni yaratish hamda gʻoʻza va boshqa chopiq ekinlari qatorlari orasini polietilen plyonka bilan qoplashni m�xanizatsiya vositasida sinab koʻrish. Plyonka qoplagichlarning tajriba partiyasini ishlab chiqarishni tashkil etish. Sanoat asosida ishlab chiqarishni tashkil etish kompleks chora-tadbirlarini ishlab chiqish va tasdiqlash. 2014-yil aprelgacha 2014-yil 1-iyungacha 2014-yil 1-avgustgacha Qishloq va suv xoʻjaligi vazirligi (Teshayev), “VMKV-Agromash” OAJ (Ibragimov), Oʻzbekiston qishloq xoʻjaligi ilmiy-ishlab chiqarish markazi (Nurmatov), Qishloq xoʻjaligini mexanizatsiyalash va elektrlashtirish ilmiy-tadqiqot instituti (Ravshanov) 19. Tomchilatib sugʻorish tizimini va sugʻorishning suvni tejaydigan boshqa texnologiyalarini loyihalash va pudrat tashkilotlari, shuningdek ulardan foydalanish boʻyicha fermer xoʻjaliklari mutaxassislarining malakasini oshirish. Tomchilatib sugʻorish tizimini va sugʻorishning suvni tejaydigan boshqa texnologiyalarini loyihalash va pudrat tashkilotlari, shuningdek ulardan foydalanish boʻyicha fermer xoʻjaliklari mutaxassislari uchun: loyihalash tashkilotlariga; qurilish tashkilotlariga; fermer xoʻjaliklariga moʻljallangan amaliy seminarlar tashkil etish. 2014-yil mart 2014-yil may jadval boʻyicha “Davarxitektqurilish” qoʻmitasi (Xoshimov), Qishloq va suv xoʻjaligi vazirligi (Hamrayev), Qoraqalpogʻiston Respublikasi Vazirlar Kengashi (Yangiboyev) va viloyatlar hokimliklari, “SANIPLAST” QK (Aliyev), “Shoʻrtangaz GKK” UK (Mansurov), “Oʻzsuvloyiha” OAJ (Primov), “Suvloyiha” birlashmasi (Qobilov) IV. Suv resurslari, sugʻoriladigan yerlarning meliorativ holati va tuproqlar unumdorligi, meliorativ texnikaga servis xizmati koʻrsatish monitoringi tizimlarini takomillashtirish 20. Tabiiy suv oqimlaridagi gidrologik postlarni modernizatsiyalash hamda suv resurslari monitoringi va prognozi sifatini oshirish. Ularni bajarishning aniq muddatlarini, moliyalashtirish hajmlari va manbalarini koʻrsatgan holda tabiiy suv oqimlaridagi 66 ta gidrologik postlarni modernizatsiyalash tadbirlarini ishlab chiqish va tasdiqlash. Gidrologik postlarni modernizatsiyalash: shu jumladan: 2014-yilda —10 ta; 2015-yilda — 14 ta; 2016-yilda — 20 ta; 2017-yilda — 22 ta. 2014-yil 1-aprelgacha 2014 — 2017-yillar. “Oʻzgidromet” (Chub), Moliya vazirligi (Yusupov), Iqtisodiyot vazirligi (Xoʻjayev) 21. Sugʻoriladigan yerlarning meliorativ holati monitoringi boʻyicha laboratoriyalarni va meliorativ ekspeditsiyalarning dala xizmatlarini; “Yergeodezkadastr” davlat qoʻmitasining sugʻoriladigan yerlar tuprogʻining unumdorligini nazorat qilish boʻyicha laboratoriyalari va tuproqqa oid xizmatlari uchun zamonaviy laboratoriya anjomlarini sotib olish va ular bilan jihozlash yoʻli bilan tuproqlarning meliorativ holati va unumdorligi monitoringi, shuningdek baholash sifati nazorati tezkorligini oshirish. Qishloq va suv xoʻjaligi vazirligining meliorativ ekspeditsiyalari, shuningdek “Yergeodezkadastr” davlat qoʻmitasining tuproqqa oid xizmatlari uchun zamonaviy laboratoriya va dala anjomlarini sotib olish va ular bilan jihozlash boʻyicha chora-tadbirlar kompleksini ishlab chiqish va tasdiqlash. 2014-yil 1-iyulgacha Qishloq va suv xoʻjaligi vazirligi (Hamrayev), “Yergeodezkadastr” davlat qoʻmitasi (Arabov), Moliya vazirligi (Yusupov) 22. 2014 — 2017-yillarda tuproqlarning shoʻrlanganligini planga olish boʻyicha Kompleks dasturni ishlab chiqish va tasdiqlash. 2014 — 2017-yillarda tuproqlarning shoʻrlanganligini planga olish boʻyicha Kompleks dastur loyihasini kelishish va tasdiqlash. 2435,2 ming gektar sugʻoriladigan yerlarda tuproqlarning shoʻrlanganligini planga olish boʻyicha dala tadqiqotlarini tashkil etish. Viloyatlar, tumanlar va suv isteʼmolchilari uyushmalari tuproqlarining shoʻrlanish materiallarini tahl�l qilish va xaritalarini ishlab chiqish: shu jumladan: 2014-yilda — 266,6 ming gektarda, 2015-yilda — 663,3 ming gektarda, 2016-yilda — 706,4 ming gektarda, 2017-yilda — 798,9 ming gektarda. 2014-yil 10-martgacha 2014 — 2017-yillar “Yergeodezkadastr” davlat qoʻmitasi (Arabov), Qishloq va suv xoʻjaligi vazirligi (Teshayev), Moliya vazirligi (Yusupov), Iqtisodiyot vazirligi (Xoʻjayev), Sugʻoriladigan yerlarning meliorativ holatini yaxshilash jamgʻarmasi (Yusupov) 23. Hududlarning suv xoʻjaligi obyektlari joylashgan sxemalari boʻyicha maʼlumotlarning elektron bazasini yaratish. Suv xoʻjaligi obyektlari va boshqa ijtimoiy infratuzilmaning asosiy obyektlari joylashish sxemalari boʻyicha maʼlumotlarning elektron bazasini yaratish tadbirlarini ishlab chiqish hamda Sugʻoriladigan yerlarning meliorativ holatini yaxshilash jamgʻarmasi Kengashi tomonidan tasdiqlash. 2014-yil 1-maygacha “Yergeodezkadastr” davlat qoʻmitasi (Arabov), “Oʻzdaverloyiha” instituti (Joʻrayev), Sugʻoriladigan yerlarning meliorativ holatini yaxshilash jamgʻarmasi (Yusupov), Qishloq va suv xoʻjaligi vazirligi (Hamrayev), Davlat aloqa qoʻmitasi (Mirzoxidov) 24. Qoraqalpogʻiston Respublikasida, Buxoro, Qashqadaryo, Samarqand, Toshkent va Fargʻona viloyatlarida faoliyat koʻrsatayotgan korxonalar va tashkilotlar negizida meliorativ mashinalar va mexanizmlarni mukammal taʼmirlash boʻyicha mintaqaviy markazlar tashkil etish. Meliorativ mashinalar va mexanizmlarni mukammal taʼmirlash boʻyicha mintaqaviy markazlarni tashkil etish va jihozlash boʻyicha chora-tadbirlar dasturini ishlab chiqish va tasdiqlash. Sugʻoriladigan yerlarning meliorativ holatini yaxshilash jamgʻarmasi Kengashi qarori, “Oʻzmeliomashlizing” DLK, Qishloq va suv xoʻjaligi vazirligi buyruqlari. 2014-yil 1-maygacha 2014-2015-yillar “Oʻzmeliomashlizing” DLK (Sulaymonov), Qishloq va suv xoʻjaligi vazirligi (Hamrayev), Qoraqalpogʻiston Respublikasi Vazirlar Kengashi (Yangiboyev), Buxoro (Esonov), Qashqadaryo (Roʻziyev), Samarqand (Mirzayev), Toshkent (Usmonov) va Fargʻona (Gʻaniyev) viloyatlari hokimliklari 25. Zamonaviy meliorativ texnika operatorlarining, shuningdek “Meliomashlizingservis” ShK, uning mintaqaviy markazlari va filiallari mutaxassislarining malakasini oshirish. Kasb-hunar kollejlarida zamonaviy meliorativ texnika operatorlarining, shuningdek “Meliomashlizingservis” ShK, uning mintaqaviy markazlari va filiallari mutaxassislarining malakasini oshirish oʻquv kurslarini tashkil etish. yil mobaynida jadval boʻyicha “Oʻzmeliomashlizing” DLK (Sulaymonov), Qishloq va suv xoʻjaligi vazirligi (Hamrayev), Toshkent irrigatsiya va melioratsiya instituti (Xamidov), Oʻrta maxsus, kasb-hunar taʼlimi markazi (Salimov) 26. Zamonaviy meliorativ texnika operatorlarini, suv xoʻjaligi, suv isteʼmolchilari va fermerlar uyushmalari mutaxassislarini ragʻbatlantirish. Quyidagilarni: zamonaviy meliorativ texnikadan samarali foydalanish boʻyicha eng yaxshi operatorlarni; suv isteʼmolchilari uyushmalarining suv ayirish joylarini boshqarish va hisobga olish vositalari bilan jihozlash, shuningdek sugʻorish suvlaridan oqilona foydalanish boʻyicha eng yaxshi ijrochi direktorlarini; eng yaxshi suvchilarni; sugʻorishning suvni tejaydigan texnologiyalarini joriy etish boʻyicha eng yaxshi fermerlarni; meliorativ obyektlarni obodonlashtirish va ulardan ishonchli foydalanish boʻyicha eng yaxshi fermerlarni aniqlash yuzasidan hududiy va respublika tanlovlarini tashkil etish. har chorakda Qishloq va suv xoʻjaligi vazirligi (Hamrayev), “Oʻzmeliomashlizing” DLK (Sulaymonov), Sugʻoriladigan yerlarning meliorativ holatini yaxshilash jamgʻarmasi (Yusupov), Oʻzbekiston Fermerlari kengashi (Turdiyev), Qoraqalpogʻiston Respublikasi Vazirlar Kengashi (Yangiboyev), viloyatlar va tumanlar hokimliklari 27. 2013 — 2017-yillar davrida sugʻoriladigan yerlarning meliorativ holatini yaxshilash va suv resurslaridan oqilona foydalanish Davlat dasturini amalga oshirish natijalarini targʻib qilish. Meliorativ ishlarni bajarish hamda kollektor-drenaj tarmoqlari boʻylab joylashgan yer uchastkalarini obodonlashtirish boʻyicha seminarlar oʻtkazish va ularni ommaviy axborot vositalarida keng yoritish. Davlat dasturining amalga oshirilishi boʻyicha erishilgan yutuqlar toʻgʻrisida qisqa metrajli filmlar va roliklar yaratish hamda ularni televideniye orqali namoyish etish. yil mobaynida jadval boʻyicha 2014-2015-yillarda jadval boʻyicha Qishloq va suv xoʻjaligi vazirligi (Hamrayev), Sugʻoriladigan yerlarning meliorativ holatini yaxshilash jamgʻarmasi (Yusupov), “Davarxitektqurilish” qoʻmitasi (Shodiyev), qishloq va suv xoʻjaligi vazirligi qurilayotgan korxonalarining birlashgan direksiyasi, Oʻzbekiston Fermerlari kengashi (Turdiyev), loyihalash tashkilotlari, Qoraqalpogʻiston Respublikasi Vazirlar Kengashi (Yangiboyev), viloyatlar va tumanlar hokimliklari Oʻzbekiston milliy teleradiokompaniyasi (Xodjayev), Qishloq va suv xoʻjaligi vazirligi (Teshayev, Hamrayev), Sugʻoriladigan yerlarning meliorativ holatini yaxshilash jamgʻarmasi (Yusupov), Oʻzbekiston Fermerlari kengashi (Turdiyev), Qoraqalpogʻiston Respublikasi Vazirlar Kengashi (Yangiboyev), viloyatlar va tumanlar hokimliklari
Izoh. Tadbirlarni moliyalashtirish Oʻzbekiston Respublikasi Moliya vazirligi huzuridagi Sugʻoriladigan yerlarning meliorativ holatini yaxshilash jamgʻarmasidan, respublika budjetidan va mahalliy budjetlardan belgilangan tartibda ajratiladigan mablagʻlar, shuningdek vazirliklar, idoralar, xoʻjalik birlashmalari, korxonalar, tijorat banklari va boshqa bajaruvchi tashkilotlarning mablagʻlari hisobiga amalga oshiriladi.