Sirdaryo tuman iqtisodiyot tarmoqlari, ijtimoiy soha va uy-joy fondi obyektlarini 2013/2014-yillar kuz-qish davrida barqaror ishlashga oʻz vaqtida tayyorlash toʻgʻrisida (1552-son)
03.08.2013
Sirdaryo viloyati Sirdaryo tumani hokimining
Qarori
Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga (Oʻzbekiston Respublikasi Oliy Kengashining Axborotnomasi, 1993-y., 9-son, 320-modda) Oʻzbekiston Respublikasi Prezidentining 2013-yil 5-iyuldagi PQ-1996-sonli “Respublika iqtisodiyoti tarmoqlarini 2013-2014-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida”gi hamda Sirdaryo viloyat hokimining 2013-yil 10-iyuldagi 185-sonli qarorlari talablari asosida Sirdaryo tuman iqtisodiyot tarmoqlari, ijtimoiy soha va uy-joy fondi obyektlarini 2013/2014-yillar kuz-qish davrida barqaror ishlashga oʻz vaqtida tayyorlash maqsadida qaror qilaman;
1. Oʻzbekiston Respublikasi Prezidentining 2013-yil iyuldagi “Respublika iqtisodiyoti tarmoqlarini 2013/2014-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida”gi PQ-1996-sonli hamda viloyat hokimining 2013-yil 10-iyuldagi 185-sonli qarori ijro va rahbarlik uchun qabul qilinsin.
2. Sirdaryo tuman iqtisodiyoti tarmoqlarini 2013/2014-yillarda kuz-qish davrida barqaror ishlashga tayyorlash boʻyicha tadbirlar 1-ilovaga* muvofiq:
a) asosiy muhandislik kommunikatsiyalarini hamda texnologik asbob-uskunalarini, shuningdek ijtimoiy soha obyektlarini hududlar boʻyicha 2013/2014-yillar kuz-qish davrida barqaror ishlashga tayyorlash hamda kapital va joriy taʼmirlash topshiriqlari 2, 3 va 4-ilovalarga* muvofiq;
b) 2013/2014-yillar kuz-qish davri uchun koʻmir, texnik tuz tayyorlash, shuningdek suyultirilgan gazni hududlar boʻyicha yetkazib berish topshirigʻi 5-ilovaga* muvofiq;
v) tuman iqtisodiyoti tarmoqlarini 2013/2014-yillarda kuz-qish davrida barqaror ishlashga tayyorlashni muvofiqlashtirish boʻyicha tuman komissiyasi tarkibi 6-ilovaga* muvofiq tasdiqlansin.
* 1—6-ilovalar berilmaydi.
3. Tuman hokimligi, mutasaddi tashkilot va korxona rahbarlari, qishloq va mahalla fuqarolar yigʻini raislariga:
a) bir hafta muddatda tuman iqtisodiyot tarmoqlari va uy-joy fondi obyektlarini 2013/2014-yil kuz-qish davriga tayyorlash masalalarini hal etish boʻyicha hududiy komissiyasini tashkil etish;
b) 2013/2014-yil kuz-qish davrida yoʻl qoʻyilgan kamchilik nuqsonlarni tanqidiy tahlil qilib, kamchiliklarni hisobga olgan holda iqtisodiyot tarmoqlari, ijtimoiy soha obyektlari hamda uy-joy fondi obyektlaridagi qozonxonalar va muhandislik inshootlarini 2013/2014-yillar kuz-qish mavsumida barqaror ishlashga tayyorlash yuzasidan chora-tadbirlar ishlab chiqish;
v) 2013-yil 1-oktabr kuniga qadar barcha qozonxonalarni joriy va mukammal taʼmirlashni yakunlash;
g) kasb-hunar kollejlari va maktablar, maktabgacha taʼlim muassasalari, shifoxonalar va koʻp qavatli turar joy binolarini uzluksiz issiqlik energiyasi bilan taʼminlashga alohida eʼtibor berish;
d) kuz-qish davrida aholi xonadonlari va ijtimoiy soha obyektlarini doimiy ravishda issiqlik energiyasi bilan taʼminlashda tashkilot, korxona va muassasalar tizimlaridagi qozonxonalarga joriy yilning 1-oktabrigacha qattiq yoki yoqilgʻi zaxiralarini yetarli miqdorda yaratish;
e) shu yilning 1-sentabr kuniga qadar tuman IIB yongʻin xavfsizligi boʻlimi bilan birgalikda ijtimoiy soha obyektlari, koʻp qavatli turar joy binolari, shaxsiy uy-joylar, mulkchilik shaklidan qatʼi nazar, korxona, tashkilot va muassasalar bino va inshootlarining texnik talab normalariga muvofiqligini toʻliq xatlovdan oʻtkazish vazifasi topshirilsin.
4. Tumangaz korxonasi (D. Begaliyev), tuman IIB YoXB (A. Rustamov) bilan birgalikda joriy yilning 1-sentabriga qadar isteʼmolchilar tomonidan, foydalanilayotgan isitish qozonlari, goryelkalar va boshqa gaz asboblarini koʻrikdan oʻtkazishni tashkillashtirsin:
a) davlat standartlariga toʻgʻri kelmaydigan va yasama gaz qozonlari, goryelkalar va boshqa gaz asboblaridan foydalanish aniqlangan hollarda ularni gaz tarmoqlaridan uzib, qoidabuzarlarga nisbatan tegishli choralar koʻrish vazifasi topshirilsin.
5. Tumangaz korxonasi (D. Begaliyev), tuman elektrtarmoq korxonasi (A. Komilov) bilan birgalikda:
a) 2013/2014-yillar kuz-qish mavsumida shartnomaga asosan isteʼmolchilarga tabiiy gaz hamda elektr energiyasini uzluksiz yetkazib berish;
b) jismoniy va yuridik shaxslarning tabiiy gaz hamda elektr energiyasi tarmoqlariga noqonuniy oʻzboshimchalik bilan ulanishiga umuman yoʻl qoʻymaslik;
v) oʻta muhim va toifalangan, shuningdek harbiy obyektlarni uzluksiz elektr energiyasi va tabiiy gaz bilan taʼminlash tadbirlarini ishlab chiqish va 10 kun muddatda ushbu obyektlarni roʻyxatini tuzib tuman hokimligiga tasdiqqa kiritish vazifasi yuklatilsin.
6. Tumangaz korxonasi (D. Begaliyev), tuman elektrtarmoq korxonasi (A. Komilov), tuman ichimlik suvi korxonasi (T. Qayumov), tuman hakimligi bilan birgalikda:
a) kuz-qish mavsumi davomida tumandagi kommunal xizmat koʻrsatuvchi korxona va tashkilotlarda 24 soatlik avariya dispetcherlik xizmatlarini tashkil etish, avariya tiklash brigadalarini tuzish va ularni texnika vositalari, zarur asbob-uskunalar hamda zaruriy materiallar bilan taʼminlash yuklatilsin.
7. Tuman elektrtarmoq korxonasi (A. Komilov) shu yilning kuz-qish mavsumiga elektr energiya bilan taʼminlovchi nimstansiyalar va transformatorlarni dastur asosida mukammal va joriy taʼmirlasin va uzluksiz elektr energiya bilan taʼminlashni tashkil etsin.
8. Tuman tibbiyot birlashmasi (Z. Ziyayev), tuman xalq taʼlimi muassasalari faoliyatini metodik taʼminlash va tashkil etish boʻlimi (D. Boboxoʻdjayev), tuman kasb-hunar kollej rahbarlari tasarrufidagi barcha qozonxona, isitish tarmoqlarini joriy yilning 1-avgust kuniga qadar kuz-qish sharoitida ishlashga tayyorlash, kasb-hunar kollejlari, maktab, maktabgacha taʼlim muassasalari, kasalxona, poliklinikalarga koʻmir yoqilgʻisi va oʻtin bilan ishlaydigan pechkalarni qurish, mavjudlarini taʼmirlash vazifalari yuklatilsin.
9. Tuman hokimligi, tuman “Mahalla” jamgʻarmasi (O. Toʻrapov)ga qishloq va mahalla fuqarolar yigʻinlari bilan birgalikda, aholi xonadonlariga koʻmir yoqilgʻisi va oʻtin bilan ishlaydigan pechkalarni oʻrnatish ishlari boʻyicha tushuntirish ishlarini olib borish va uni taʼminlash vazifasi yuklatilsin.
10. Tuman moliya boʻlimi (U. Boboyev) budjet mablagʻlaridan moliyalashtirilishi rejalashtirilgan isitish qozonlari va qozonxonalarini, issiqlik tarmoqlarini, uy-joy fondini, ichimlik suv inshootlari va boshqa muhim obyektlarni kuz-qish mavsumiga oʻz vaqtida tayyorlash,suyuq va qattiq yoqilgʻi zaxiralarini yaratish maqsadida ajratiladigan mablagʻlarning asosiy qismini isitish mavsumiga qadar moliyalashtirishni hal etsin.
11. Tuman “Sirdaryo” gazetasi (U. Ochilov)ga tuman iqtisodiyot tarmoqlarini kuz-qish mavsumida barqaror ishlashiga tayyorgarligini borishi toʻgʻrisida muntazam ravishda roʻznomada yoritib borsin.
12. Mazkur qarorning bajarilishini nazorat qilish tuman hokimining oʻrinbosarlari Gʻ. Axmedov va Sh. Komilov zimmalariga yuklatilsin.
13. Mazkur qaror rasmiy nashrda eʼlon qilingan kundan eʼtiboran qonuniy kuchga kiradi.
Hokim B. SUVANOV
Sirdaryo sh.,
2013-yil 3-avgust,
1552-son