Oʻzbekiston qattiq qotishmalar va oʻtga chidamli metallar kombinatining moliyaviy ahvolini mustahkamlash chora-tadbirlari toʻgʻrisida (123-son)

04.04.2000

Oʻzbekiston Respublikasi Vazirlar Mahkamasining

qarori

[Koʻchirma]

Oʻzbekiston qattiq qotishmalar va oʻtga chidamli metallar kombinatining moliyaviy holatini sogʻlomlashtirish, volfram, molibden hamda ularning qotishmalaridan tayyorlangan mahsulotlar ishlab chiqarish texnologiyasini qoʻllab-quvvatlash orqali eksportbop mahsulot ishlab chiqarishni koʻpaytirish maqsadida Vazirlar Mahkamasi qaror qiladi:

1. Oʻzbekiston Respublikasi Makroiqtisodiyot va statistika vazirligi huzuridagi Iqtisodiy nochor korxonalar qoʻmitasiga bir oy muddatda Oʻzbekiston qattiq qotishmalar va oʻtga chidamli metallar kombinatini (OʻzQQOʻCHMK) qayta tashkil etish boʻyicha takliflarni hukumatning bankrotlik va sogʻlomlashtirish masalalari komissiyasiga kiritishi topshirilsin.

2. Oʻzbekiston Respublikasining tashqi iqtisodiy faoliyat Milliy bankiga:

import jihozlarni oʻrnatish uchun 3 yillik oʻrta muddatli kredit ajratish;

kombinatning hisob-kitoblariga muvofiq aylanma mablagʻlarni toʻldirish uchun bosqichma-bosqich kredit liniyasi ochish vazifasi yuklatilsin.

3. Belgilab qoʻyilsinki:

mazkur kreditlar Oʻzbekiston Respublikasi tashqi iqtisodiy faoliyat Milliy banki tomonidan OʻzQQOʻCHMKning mol-mulki garovi asosida ajratiladi;

ajratiladigan kreditlar xomashyo, materiallar xaridi va import jihozlarni oʻrnatish uchun yoʻnaltiriladi;

“Maxsusqotishma” RT va OʻzQQOʻCHMK rahbariyati ajratilgan kreditlardan maqsadli foydalanish va ularning oʻz vaqtida qaytarilishi uchun shaxsan javobgar boʻladilar.

Agar qarz mablagʻlari qaytarilmasa, shu jumladan kombinatning garovga qoʻyilgan mol-mulki hisobidan ham, Milliy bank “Bankrotlik toʻgʻrisida” Qonun va Oʻzbekiston Respublikasi Prezidentining 1999-yil 23-iyuldagi PF-2342-sonli Farmoniga asosan xoʻjalik sudiga kombinatni bankrot deb eʼlon qilish haqida ariza bilan murojaat qilish huquqiga ega.

4. OʻzQQOʻCHMK balansidagi ijtimoiy soha obyektlarini hozirgi holatida Chirchiq shahri va Toshkent viloyati hokimliklari balansiga oʻtkazish 1-ilovaga muvofiq topshirilsin.

Oʻzbekiston Respublikasi Moliya vazirligiga Davlat budjetiga 2001-yildan boshlab oʻtkazilgan obyektlarning keyingi taʼminoti uchun mablagʻ ajratishni nazarda tutish topshirilsin.

5. Oʻzbekiston Respublikasi Makroiqtisodiyot va statistika vazirligi, Moliya vazirligi “Ingichka” volfram konidagi shaxtalarni konservatsiya qilish uchun kapital qoʻyilmalar va qurilish-montaj ishlarini amalga oshirish uchun tegishli moliyalashtirish manbalarini nazarda tutgan holda 2-ilovada koʻrsatilgan obyektlarni respublikaning 2000-yil va keyingi yillar uchun moʻljallangan Investitsiya dasturiga kiritsin.

6. “Maxsusqotishma” respublika tashkiloti:

Oʻzbekiston Respublikasi Mehnat vazirligi, Makroiqtisodiyot va statistika vazirligi hamda Samarqand viloyati hokimligi bilan hamkorlikda ikki oy muddatda “Ingichka” volfram koni ishchilarini ishga joylashtirish, shu jumladan amaldagi ishlab chiqarish korxonalarini qurilish materiallari va boshqa mahsulotlar chiqarishga qayta ixtisoslashtirish boʻyicha dastur ishlab chiqsin va tasdiqlasin;

“Ingichka koni” korxonasini taʼsis etib, uning nizomini tasdiqlasin va belgilangan tartibda davlat roʻyxatidan oʻtkazsin.

10. Ushbu qaror ijrosini nazorat qilish Oʻzbekiston Respublikasi Bosh vaziri U.T. Sultanov zimmasiga yuklatilsin.

Vazirlar Mahkamasining Raisi I. KARIMOV

Toshkent sh.,

2000-yil 4-aprel,

123-son

Vazirlar Mahkamasining 2000-yil 4-apreldagi 123-sonli qaroriga 1-ILOVA

Oʻzbekiston qattiq qotishmalar va oʻtga chidamli metallar kombinatining ijtimoiy obyektlarini Chirchiq shahri va Toshkent viloyati hokimliklari balansiga oʻtkazish

ROʻYXATI

Izohlar:

1. I va II boʻlimlarda koʻrsatilgan obyektlar Chirchiq shahri hokimligi balansiga oʻtkaziladi.

2. III boʻlimda koʻrsatilgan obyektlar Toshkent viloyati hokimligi balansiga oʻtkaziladi.

Vazirlar Mahkamasining 2000-yil 4-apreldagi 123-sonli qaroriga 2-ILOVA

Ingichka volfram kon obyektlarini 2000 — 2002-yillarda Oʻzbekiston Respublikasining Investitsiya dasturiga kiritish uchun

ROʻYXAT