Yangiyer shahrida 2014-yilda kasanachilik uy mehnatini tashkil qilish toʻgʻrisidagi shahar dasturini tasdiqlash haqida (503-son)

31.08.2013

Sirdaryo viloyati Yangiyer shahar hokimining

Qarori

Oʻzbekiston Respublikasi Prezidentining 2006-yil 5-yanvardagi “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar oʻrtasida kooperatsiyani kengaytirishni ragʻbatlantirish chora-tadbirlari toʻgʻrisida”gi PF-3706-sonli Farmonini amalga oshirish maqsadida, Oʻzbekiston Respublikasi Vazirlar Mahkamasining 2006-yil 11-yanvardagi 4-sonli qarori hamda Oʻzbekiston Respublikasi Prezidentining 2007-yil 6-apreldagi “Aholi bandligini oshirish hamda mehnat va aholini ijtimoiy muhofaza qilish organlari faoliyatini takomillashtirish chora-tadbirlari toʻgʻrisida”gi PQ-616-sonli qarorlari ijrosini taʼminlashda birinchi navbatda tayyor mahsulot ishlab chiqarishga ixtisoslashtirilgan kichik sanoat korxonalariga nisbatan kasanachilik ish oʻrinlari joriy etish maqsadida, shaharda ish bilan band boʻlmagan aholini uyda mahsulotlar ishlab chiqarish, xizmatlar koʻrsatish ishlarini bajarishga jalb etish uchun ish beruvchilarga real sharoitlar yaratish, kasanachilarning qonun hujjatlarida belgilangan ijtimoiy va mehnat kafolatlarini yanada yaxshilash maqsadida qaror qilaman:

1. Shaharda 2014-yilda kasanachilik uy mehnatini tashkil qilish dasturi 1-ilovaga* muvofiq tasdiqlansin.

2. Shaharda korxonalar bilan uyda mahsulotlar ishlab chiqariladigan va xizmatlar koʻrsatadigan fuqarolar oʻrtasida kooperatsiyani muvofiqlashtirish, qoʻllab quvvatlash va rivojlantirish boʻyicha ishchi komissiya tuzilsin va uning tarkibi 2-ilovaga* muvofiq tasdiqlansin.

* 1 va 2-ilovalar berilmaydi.

3. Shahar ishchi komissiyasi raisiga:

belgilangan rejani bajarilishini qatʼiy ravishda nazorat qilish;

har oy yakuni bilan dastur ijrosi boʻyicha ishchi guruhi yigʻilishlarini oʻtkazib korxonalar kesimida tahlil olib borish;

kasanachilarning doimiy ish bilan taʼminlanishi bilan bogʻliq boʻlgan muammolarni, yaʼni xomashyo ishlab chiqarish jihozlari bilan taʼminlanishini, oylik ish haqlarining oyma-oy belgilanishini nazoratga olish topshirilsin.

4. 2014-yilda kasanachilik uy mehnatini tashkil qilish boʻyicha shahar dasturiga kiritilgan korxona rahbarlariga:

dasturda belgilangan reja topshiriqlarning bajarilishi boʻyicha shaxsan javobgar ekanliklari uqtirilsin;

har oy yakuni bilan kasanachilik ish oʻrinlarini tashkil qilish boʻyicha amalga oshirilgan ishlar yuzasidan (yaratilgan kasanachilik ish oʻrinlari, ishga qabul qilish toʻgʻrisidagi buyruqdan nusxa, kasanachiga ochilgan mehnat daftarchasi nusxasi, kasanachiga toʻlangan ish haqi toʻlov varaqasi nusxasi, kasanachiga yetkazib berilgan xomashyo va kasanachilar tomonidan ishlab chiqarilayotgan mahsulotlar toʻgʻrisidagi maʼlumotlarni shahar ishchi guruhiga taqdim qilish vazifasi topshirilsin.

5. Bandlikka koʻmaklashish va aholini ijtimoiy muxofaza qilish markazi direktori (E. Botirov)ga:

kasanachilik mehnati bilan shugʻullanayotgan fuqarolarga nisbatan mehnat toʻgʻrisidagi qonunlarga rioya qilinishi ustidan nazoratni taʼminlash;

qaror ijrosini taʼminlash boʻyicha har oylik monitoring natijalari 2 nusxada shahar hokimligiga topshirilsin.

6. Shahar statistika boʻlimi (J. Kuchmurodov)ga:

shahar hokimligiga korxonalarning kasanachilik mehnati bilan band boʻlgan xodimlari soni toʻgʻrisidagi maʼlumotlarni belgilangan muddatlarda taqdim etish;

korxonalar tomonidan statistika boʻlimiga topshiriladigan 1-T va 1-MB mehnat xisobotiga yaratilgan kasanachilik ish oʻrinlari kiritilishini nazorat qilish vazifasi topshirilsin.

7. Mazkur qarorning bajarilishini nazorat qilishni oʻz zimmamda qoldiraman.

8. Mazkur qaror rasmiy nashrda eʼlon qilingan kundan eʼtiboran kuchga kiradi.

Hokim v. v. b. B.ASOMOV

Yangiyer sh.,

2013-yil 31-avgust,

503-son