“Sheraton Toshkent Xotel end Tauers” xalqaro klassdagi mehmonxonani foydalanishga topshirish toʻgʻrisida (108-son)

28.03.2000

Oʻzbekiston Respublikasi Vazirlar Mahkamasining

qarori

[Koʻchirma]

Toshkent shahrida joylashgan xalqaro klassdagi “Sheraton Toshkent Xotel end Tavers” mehmonxonasini oʻz vaqtida foydalanishga topshirish, uni xalqaro rezervlash tizimlariga kiritish maqsadida Vazirlar Mahkamasi qaror qiladi:

1. Maʼlumot uchun qabul qilinsinki:

Toshkent shahar hokimligi tomonidan tanlov asosida “Sheraton Toshkent Xotel end Tauers” mehmonxonasini boshqarish boʻyicha xizmatlar koʻrsatish yuzasidan “Starvud Xotels end Rizorts Uorldvayd, Ink” kompaniyasi bilan shartnoma tuzilganligi maʼlumot uchun qabul qilinsin. (Starwood Notels & Resorts Worldwide, Inc.) AQSH);

shartnomaga muvofiq boshqaruvning dastlabki davri shartnoma kuchga kirgan sanadan boshlab 20 (yigirma) yil etib belgilangan boʻlsa;

mehmonxonaning ishga tushirishdan oldingi ishlarini moliyalashtirish uchun 700 ming AQSH dollariga teng miqdordagi mahalliy budjet mablagʻlari bilan bir qatorda “Starvud Xotels end Rizorts Uorldvayd, Ink.” kompaniyasining 1,3 mln AQSH dollari miqdoridagi foizsiz uzoq muddatli krediti jalb etiladi;

“Starvud Xotels end Rizorts Uorldvayd, Ink.” kompaniyasining foizsiz kreditini qaytarish har yili ikkinchi operatsion yildan boshlab teng miqdorda 260 ming AQSH dollari miqdorida beshta toʻlov bilan amalga oshiriladi;

“Starvud Xotels end Rizorts Uorldvayd, Ink.” kompaniyasi tuzilgan shartnomaga muvofiq mehmonxona qurilishiga sarflangan qarz mablagʻlarini oʻz vaqtida qaytarish imkonini beradigan operatsion foydaning barqaror darajasini taʼminlash majburiyatini oʻz zimmasiga oldi.

2. Oʻzbekiston Respublikasi Tashqi iqtisodiy aloqalar vazirligi “Sheraton Toshkent Xotel end Tauers” mehmonxonasini boshqarish boʻyicha xizmatlar koʻrsatish shartnomasini belgilangan tartibda roʻyxatdan oʻtkazsin.

3. Toshkent shahar hokimligi “Sheraton Toshkent Xotel end Tavers” mehmonxonasining qurilishi va ishga tushirishdan oldingi ishlariga foydalangan qarz mablagʻlarining, shu jumladan, mehmonxonani ekspluatatsiya qilish natijasida olinadigan erkin almashtiriladigan valyutadagi foydadan ilovaga muvofiq oʻz vaqtida qaytarilishini taʼminlasin.

6. Oʻzbekiston Respublikasi Ichki ishlar vazirligi Toshkent shahar hokimligining buyurtmanomalari boʻyicha mehmonxonani boshqarish va undan foydalanish uchun jalb etiladigan xorijiy mutaxassislarga davlat boji undirmasdan koʻp martalik vizalar berilishini va ularning muddati uzaytirilishini, shuningdek ularning yashash joyida vaqtincha roʻyxatdan oʻtkazilishini va vaqtincha roʻyxatdan oʻtkazish muddati uzaytirilishini taʼminlasin.

7. Oʻzbekiston Respublikasi Mehnat vazirligi Toshkent shahar hokimligining buyurtmanomasi boʻyicha mehmonxonadan foydalanish va uni boshqarish uchun jalb etiladigan xorijiy xodimlarga mehnat faoliyatini amalga oshirish uchun zarur ruxsatnomalar oʻz vaqtida berilishini taʼminlasin.

8. “Starvud Xotels end Rizorts Uorldvayd, Ink” kompaniyasi mehmonxona foydalanishga topshirilgan kundan boshlab 5 yil muddatga “Sheraton Toshkent Xotel end Tauers” mehmonxonasi faoliyatida qatnashishdan olingan daromadlarga nisbatan daromad (foyda) soligʻi toʻlashdan ozod qilinsin.

9. “Sheraton Toshkent Xotel end Taers” mehmonxonasidan foydalanish va uni boshqarish munosabati bilan Oʻzbekiston Respublikasida boʻlgan xorijiy xodimlarga mahalliy xarajatlar (respublika hududida yashash, xizmatlar koʻrsatish va transportning barcha turlarida yurish) uchun Oʻzbekiston Respublikasi fuqarolari uchun belgilangan tariflar boʻyicha milliy valyutada haq toʻlash huquqi berilsin.

10. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2000-yil 28-mart,

108-son

Vazirlar Mahkamasining 2000-yil 28-martdagi 108-son qaroriga ILOVA

Toshkent shahar hokimligi tomonidan “Sheraton Toshkent Xotel end Taers” mehmonxonasi qurilishi uchun berilgan fransiyaning “Sosete jeneral” banki kreditini qaytarish jadvali