1941-1945-yillardagi urushda fashizm ustidan qozonilgan Gʻalabaning 50 yilligiga tayyorgarlik koʻrish va uni nishonlashga oid chora-tadbirlar toʻgʻrisida (380-son)

22.07.1994

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “1941 — 1945-yillardagi urushda fashizm ustidan qozonilgan Gʻalabaning 50 yilligiga tayyorgarlik koʻrish va uni nishonlash toʻgʻrisida” 1994-yil 16-martdagi Farmonini ijro etish maqsadida Vazirlar Mahkamasi qaror qiladi:

1. 1941 — 1945-yillardagi urushda fashizm ustidan qozonilgan Gʻalabaning 50 yilligiga bagʻishlangan chora-tadbirlarini oʻtkazish boʻyicha Respublika tashkiliy qoʻmitasining Dasturi ilovaga muvofiq tasdiqlansin.

2. Oʻzbekiston Respublikasi Moliya vazirligi:

1995-yilgi budjetni shakllantirishda dasturiy chora-tadbirlarni oʻtkazish bilan bogʻliq boʻlgan zarur mablagʻlarni nazarda tutsin;

33 jildli “Xotira kitobi”ni nashr etish uchun Oʻzbekiston Respublikasi Davlat matbuot qoʻmitasi taqdim etgan hisob-kitoblar asosida zarur mablagʻlar ajratsin.

3. Oʻzbekiston Respublikasi Markaziy banki Moliya vazirligi bilan birgalikda Faxriylar tashkilotlari uyushmasi Kengashi huzurida urush faxriylariga, halok boʻlgan jangchilarning oilalariga va urush yillari front orqasidagi mehnatchilarga moddiy yordam koʻrsatish boʻyicha maxsus schyot ochsin.

Vazirliklar va idoralar, korporatsiyalar, konsernlar, uyushmalar, korxonalar, diniy tashkilotlar, xususiy shaxslarning pul ulushlari va xayr-ehsonlari maxsus schyotga oʻtkazilsin.

4. “Oʻzdavkinokompaniya”, Oʻzbekiston kinematografchilar uyushmasi ijodiy tashkilotlar bilan birgalikda 1995-yilning aprel oyigacha “Oʻzbekiston 1941 — 1945-yillardagi fashizmga qarshi urushda” nomli xronikal hujjatli publitsistik film yaratsinlar.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar Gʻalabaning 50 yilligiga bagʻishlangan chora-tadbirlarning oʻz vaqtida bajarilishi uchun amaliy choralar koʻrsinlar.

6. Mazkur qarorning bajarilishini nazorat qilish 1941 — 1945-yillardagi urushda fashizm ustidan qozonilgan Gʻalabaning 50 yilligiga tayyorgarlik koʻrish va uni nishonlash boʻyicha Respublika tashkiliy qoʻmitasi zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1994-yil 22-iyul,

380-son

Vazirlar Mahkamasining 1994-yil 22-iyuldagi 380-sonli qaroriga ILOVA

1941 — 1945-yillardagi urushda fashizm ustidan qozonilgan Gʻalabaning 50 yilligiga tayyorgarlik koʻrish va uni oʻtkazish boʻyicha tashkiliy qoʻmitaning

DASTURI

№ Tadbirlar Muddati Masʼullar Izoh 1 2 3 4 1. Gʻalabaning 50 yilligini nishonlash yuzasidan tadbirlar ishlab chiqish 1994-y. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, vazirliklar, idoralar va muassasalar, jamoat tashkilotlari 2. Gʻalabaning 50 yilligiga bagʻishlangan tantanali yigʻilish oʻtkazish (“Turkiston” saroyi) 1995-y., may Tashkiliy qoʻmita, Toshkent shahar hokimligi, Madaniyat ishlari vazirligi, Faxriylar kengashi, Mudofaa vazirligi 3. Gʻalabaning 50 yilligiga bagʻishlab harbiy parad oʻtkazish 1995-y., may Mudofaa vazirligi 4. Gʻalabaning 50 yilligi oldidan tantanali yigʻilishlar oʻtkazish 1995-y., aprel- may Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 5. Frontda halok boʻlgan oʻzbekistonlik jangchilarning qabrlarini aniqlash, sarishtalash yuzasidan Mustaqil Davlatlar Hamdoʻstligi mamlakatlari va chet davlatlarning hukumat rahbarlariga va Faxriylar tashkilotlariga murojaatnoma qabul qilish 1994 1995 yy. Tashqi ishlar vazirligi, Faxriylar kengashi, Mudofaa vazirligi 6. Ikkinchi jahon urushida qozonilgan Gʻalabada oʻzbekistonliklar koʻrsatgan jasoratning tarixiy ahamiyati mavzuida ilmiy konferensiya va joylarda lektorlarning chiqishlarini uyushtirish 1995-y., aprel Oʻzbekiston Fanlar akademiyasi, Faxriylar tashkilotlari uyushmasining kengashi, hokimliklar, Mudofaa vazirligi, Yoshlar Ittifoqi 7. Moskvadagi “Poklonnaya gora” tepaligida bunyod etilayotgan xalqlarning Ikkinchi jahon urushi davridagi qahramonligi va jasoratini aks ettiruvchi memorial kompleksda oʻzbekistonlik jangchilarning Buyuk Gʻalabaga qoʻshgan hissasi oʻz ifodasini topishi borasidagi chora-tadbirlarni amalga oshirish 1994-y Mudofaa vazirligi, Madaniyat ishlari vazirligi, Faxriylar kengashi, Tashqi ishlar vazirligi, Moliya vazirligi 8. Maktabgacha tarbiya muassasalari, maktablar, hunar-texnika bilim yurtlari, oliy va oʻrta maxsus taʼlim muassasalari harbiy bilim yurtlarida, qismlarda fashizm ustidan qozonilgan Gʻalabada Oʻzbekistonning tutgan oʻrni, uning farzandlari koʻrsatgan jasorati, Gʻalabaning tarixiy ahamiyati haqida maxsus darslar oʻtkazish 1994- 1995 yillar Xalq taʼlimi vazirligi, Oliy va oʻrta maxsus taʼlim vazirligi, Faxriylar kengashi, Mudofaa vazirligi, Yoshlar Ittifoqi 9. Respublika teatrlarida, madaniyat uylarida, kutubxonalarda, kinoteatrlarda fashizm ustidan qozonilgan Gʻalabada oʻzbekistonliklar koʻrsatgan jasoratlarni namoyish etuvchi, Gʻalabaning tarixiy ahamiyatini ochib beruvchi sahna asarlari, kitobxonlar konferensiyalari, hujjatli va badiiy filmlar namoyishini tashkil etish 1994- 1995 yillar Madaniyat ishlari vazirligi, Oʻzdavkinokompaniya, Rassomlar uyushmasi 10. Alisher Navoiy nomidagi milliy bogʻda teatrlashtirilgan tomoshalar tashkil etish 1995-y., may Toshkent shahar hokimligi, Madaniyat ishlari vazirligi 11. Respublika viloyati markazlarida “Fashizm ustidan qozonilgan Gʻalabaning 50 yilligiga” bagʻishlangan teatrlashtirilgan tomoshalar tashkil etish 1995-y., may Qoraqalpogʻiston Respublikasi Vazirlar Kengashi, viloyatlar hokimliklari, Madaniyat ishlari vazirligi 12. Gʻalabaning 50 yilligi munosabati bilan bayram ramzi tushirilgan esdalik sovgʻalari, suvenirlar va nishonlar, xalq isteʼmol mollari, chinni buyumlarini chiqarish 1994- 1995 yillar. “Mahalliy sanoat”, Oʻzbekbirlashuv, “Oʻzbekyengilsanoat,” “Oʻzbeksavdo” 13. Fashizm ustidan qozonilgan Gʻalabada front va front ortida jasorat koʻrsatgan faxriylarga sovgʻa-salomlar berish va ularni moddiy-maʼnaviy ragʻbatlantirish choralarini belgilash 1995-y., aprel- may QQR Vazirlar Kengashi, viloyatlar va Toshkent shahar hokimliklari, Faxriylar Kengashi, “Mahalla” jamgʻarmasi 14. Ommaviy axborot vositalarida Gʻalabaning tarixiy ahamiyati, oʻzbek xalqi vakillari koʻrsatgan jasoratni targʻib etuvchi eng yaxshi publitsistik asar, koʻrsatuv va eshittirish uchun tanlov eʼlon qilish 1994- 1995 yillar. Oʻz.A, “Oʻzteleradiokompaniya” va boshqa ommaviy axborot vositalari 15. Xotira kitobini nashr etish 1994- 1995 yillar, aprel Oʻzdavmatbuotqoʻm, Faxriylar kengashi 16. 1941 — 1945-yillardagi urushda qozonilgan Gʻalabaning 50 yilligi medalini topshirish tartibi va nizomini ishlab chiqish hamda taqdim etiladiganlarning roʻyxatini tuzish va medallarga buyurtma berish 1994-y. Mudofaa vazirligi, Faxriylar kengashi, Ijtimoiy taʼminot vazirligi, hokimliklar, vazirliklar 17. Hokimliklar hamda vazirliklar, idora va muassasalarning buyurtmasi asosida Gʻalabaning 50 yilligiga bagʻishlangan plakatlar,bukletlar, kitobchalar, kalendarlar, marka va boshqa matbaa mahsulotlarini chiqarish 1994- 1995 yillar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Faxriylar kengashi,Oʻzdavmatbuotkum, Aloqa vazirligi 18. Joylarda Gʻalabaning 50 yilligini oʻtkazish boʻyicha tavsiyanomalar ishlab chiqish 1994-y. Hokimliklar, Mudofaa vazirligi, Faxriylar kengashi, “Mahalla” jamgʻarmasi 19. Gʻalabaning 50 yilligiga tayyorgarlik koʻrish va uni oʻtkazish, urush faxriylariga, front ortida mehnat qilganlarga yordam beradigan maxsus hisob ochish 1994-y. Qoraqalpogʻiston Respublikasi Vazirlar kengashi, hokimliklar, Markaziy bank, Faxriylar kengashi 20. Gʻalabaning 50 yilligi munosabati bilan urush nogironlarini sanatoriy va dam olish uylarida bepul davolashni, urush qatnashchilarini esa imtiyozli yoʻllanmalar bilan taʼminlashni hamda ularni tashkilotlarga biriktirish ishlarini tashkil qilish 1994- 1995 yillar Oʻzbekiston Respublikasi Kasaba uyushmalari Federatsiyasi Kengashi, Oʻzbekiston Qizil Yarim Oy jamiyati, hokimliklar, korxona va muassasalar, Sogʻliqni saqlash vazirligi 21. Urush nogironlarini protez anjomlar hamda aravachalar bilan taʼminlash ishlarini tashkil etish 1995-y., aprel Ijtimoiy taʼminot, Moliya vazirliklari, xayriya jamgʻarmalari, Oʻzbekiston Qizil yarim oy jamiyati 22. Urush faxriylarining transport, kommunal xarajatlarini va sanatoriylarda dam olish imtiyozlarini qayta koʻrib chiqish 1994-y., III chorak Ijtimoiy taʼminot vazirligi, Moliya vazirligi 23. Yordamga muhtoj va qarovchisiz qolgan urush faxriylarini aniqlash,ularning taʼminotini nazoratga olishni tashkil qilish 1994- 1995 yillar Ijtimoiy taʼminot vazirligi, hokimliklar, Respublika Qizil yarim oy jamiyati 24. Urush faxriylarining uy-joy sharoitini, oziq-ovqat bilan taʼminlash ishlarini takomillashtirish borasidagi ishlarni tashkil qilish 1994-y. IV chorak Ijtimoiy taʼminot vazirligi, Moliya vazirligi, Faxriylar kengashi, Oʻzbekiston Qizil yarim oy jamiyati, “Oʻzbeksavdo”. Oʻzbekbirlashuv 25. Urush qatnashchilari uchun yakka tartibda uy-joy qurilishiga ajratilgan yer maydonlarini oʻzlashtirish muddati hokimliklar tomonidan cheklanmasligi va ularni qurilish materiallari bilan taʼminlash masalalarini hal etish 1994-y Hokimliklar, Adliya vazirligi, “Oʻzqurilishmateriallari” konserni 26. 1941 — 1945-yillardagi urushda qozonilgan Gʻalabaning 50 yilligi yubiley medalining Nizomiga koʻra taqdirlanadigan har bir urush qatnashchisi va front ortida mehnat qilganlarning hamda “Jasorat” va “Shuhrat” medallari bilan mukofotlanadiganlarning aniq hisobini va roʻyxatini tayyorlash 1995-y., yanvar Mudofaa vazirligi, Ijtimoiy taʼminot vazirligi, Faxriylar kengashi, Adliya vazirligi, Moliya vazirligi 27. Urushdan qaytib kelmagan shahid ketganlarni va urushdan keyin olamdan oʻtganlarni xotirlash, ularning nomlarini abadiylashtirish bilan bogʻliq tashkiliy ishlarni oʻtkazish 1995-y., may Hokimliklar, Diniy ishlar qoʻmitasi, “Mahalla” jamgʻarmasi, Faxriylar kengashi 28. Rassomlar uyushmasining koʻrgazmalar zalida “Tasviriy sanʼat orqali 1941 — 1945-yillardagi fashizmga qarshi Oʻzbekiston xalqining kurashi va mehnati ifodasi” mavzuida koʻrgazma oʻtkazish 1995-y., may Madaniyat ishlari vazirligi, Rassomlar uyushmasi, Viloyat hokimliklari 29. Fashizm ustidan qozonilgan Gʻalabaning 50 yilligiga bagʻishlangan filmlar, pyesalar, asarlar uchun tanlov eʼlon qilishni va oʻtkazishni tashkil etish 1994- 1995 yillar Madaniyat ishlari vazirligi, yozuvchilar, rassomlar va boshqa uyushmalar, Davkinokompaniya, Davteleradiokompaniya 30. Urush davrida Oʻzbekistonda barpo etilgan ishlab chiqarish muassasalari, korxonalari huzurida kichik muzeylar tashkil qilish va eshittirishlar uyushtirish 1995-y., aprel Vazirliklar, konsernlar, hokimliklar, Teleradiokompaniya, jurnalistlar va yozuvchilar uyushmalari 31. Respublika muzeylarida “Oʻzbekiston xalqining fashizmga qarshi kurashda koʻrsatgan jasorati” turkumida ekspozitsiyalar tashkil qilish 1995-y., mart Madaniyat ishlari vazirligi, hokimliklar, Fanlar akademiyasi 32. Gʻalaba kuniga bagʻishlab mahallalarda sportning besh turi boʻyicha spartakiadalar oʻtkazish, shahar va tumanlarda “Gʻalaba kubogi” uchun ommaviy sport musobaqalarini tashkil qilish va oʻtkazish 1995-y., aprel- may Davlat sport qoʻmitasi, “Mahalla” jamgʻarmasi, hokimliklar, Yoshlar Ittifoqi “Vatanparvar” Respublika tashkiloti 33. Televideniye, radio, milliy axborot agentligi,gazeta va jurnallar tahririyatlari tomonidan Gʻalabaning 50 yilligiga tayyorgarlikning borishi hamda uning oʻtkazilishini keng yoritish 1994- 1995 yillar Oʻzdavteleradiokompaniya. Milliy axborot agentligi, Oʻzdavmatbuotqoʻm