Oʻzbekistonda BMT vakolatxonasini va Yevropa Ittifoqi Komissiyasining texnikaviy yordamni muvofiqlashtirish Byurosini joylashtirish uchun bino ajratish toʻgʻrisida (582-son)

18.12.1992

Oʻzbekiston Respublikasi Prezidenti huzuridagi Vazirlar Mahkamasining

qarori

Birlashgan Millatlar Tashkilotining Oʻzbekistondagi vakolatxonasi va YIKning Texnik koʻmaklashish boʻyicha muvofiqlashtirish byurosi faoliyati uchun shart-sharoitlar yaratish maqsadida Vazirlar Mahkamasi qaror qiladi:

1. BMT vakolatxonasi va YIKning Oʻzbekistondagi texnik koʻmaklashishni muvofiqlashtirish byurosini joylashtirish uchun T. Shevchenko koʻchasi, 4-uyda Oʻqituvchilarni takomillashtirish instituti binosi topshirilsin.

2. Toshkent shahar hokimligi, Xalq taʼlimi vazirligi Oʻqituvchilarni takomillashtirish institutini Furqat koʻchasi, 1-uydagi maʼmuriy binoga joylashtirsin.

3. Binoni taʼmirlash va rekonstruksiya qilish boʻyicha buyurtmachi etib Oʻzbekiston Respublikasi TIV, Bosh pudratchi — “Toshremstroy” tresti belgilansin.

4. Oʻzbekiston Respublikasi Moliya vazirligi T. Shevchenko koʻchasi, 4-uydagi binoni taʼmirlash va rekonstruksiya qilish uchun zarur mablagʻlar ajratsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari K.N. Toʻlaganov, M.K. Qorabayev zimmasiga yuklansin.

Oʻzbekiston Respublikasining Bosh vaziri A. MUTALOV

Toshkent sh.,

1992-yil 18-dekabr,

582-son