Yangidan tashkil etilayotgan fuqarolik ishlari boʻyicha tumanlararo (tumanlar) sudlari faoliyatini tashkil etish, shuningdek umumiy yurisdiksiya tumanlararo, tumanlar (shaharlar) sudlarining moddiy-texnika bazasini mustahkamlash toʻgʻrisida (342-son)
25.12.2013
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Tuman va shahar umumiy yurisdiksiya sudlari faoliyatini takomillashtirish va uning samaradorligini oshirish chora-tadbirlari toʻgʻrisida” 2013-yil 4-oktabrdagi PF-4570-son Farmonini bajarish yuzasidan Vazirlar Mahkamasi qaror qiladi:
1. Fuqarolik ishlari boʻyicha 12 ta tumanlararo (tumanlar) sudlari qoʻshimcha ravishda tashkil etilganligi, yangidan tashkil etilayotgan fuqarolik ishlari boʻyicha tumanlararo (tumanlar) sudlarini taʼminlash hamda faoliyat koʻrsatayotgan, ish hajmlari eng koʻp boʻlgan tumanlararo (shahar) sudlari xodimlari sonini koʻpaytirish uchun fuqarolik ishlari boʻyicha sudlar sudyalarining soni 71 nafarga koʻpaytirilganligi maʼlumot uchun qabul qilinsin.
2. Jizzax, Samarqand, Surxondaryo va Toshkent viloyatlari hokimliklari, Oʻzbekiston Respublikasi Adliya vazirligi bir oy muddatda yangidan tashkil etilayotgan fuqarolik ishlari boʻyicha sudlarni 1-ilovaga muvofiq joylashtirish va faoliyat koʻrsatishga tayyorlash chora-tadbirlarini koʻrsinlar.
3. Oʻzbekiston Respublikasi Adliya vazirligi, Oliy sud hamda Aloqa, axborotlashtirish va telekommunikatsiya texnologiyalari davlat qoʻmitasi bilan birgalikda 2-ilovaga muvofiq jadval boʻyicha umumiy yurisdiksiya tumanlararo, tumanlar (shaharlar) sudlarining moddiy-texnika bazasini mustahkamlashni, ularni zamonaviy axborot-kommunikatsiya vositalari va tizimlari bilan jihozlashni taʼminlasin.
4. Ushbu qarorni amalga oshirish bilan bogʻliq xarajatlar Sudlarni va adliya organlarini rivojlantirish jamgʻarmasi mablagʻlari hisobiga amalga oshirilsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi adliya vaziri N.T. Yoʻldoshev zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2013-yil 25-dekabr,
342-son
Vazirlar Mahkamasining 2013-yil 25-dekabrdagi 342-sonli qaroriga 1-ILOVA
Yangidan tashkil etilayotgan fuqarolik ishlari boʻyicha sudlarni joylashtirish va faoliyat koʻrsatishga tayyorlash
JADVALI
Vazirlar Mahkamasining 2013-yil 25-dekabrdagi 342-sonli qaroriga 2-ILOVA
Umumiy yurisdiksiya tumanlararo, tumanlar (shaharlar) sudlarining moddiy-texnika bazasini mustahkamlash, ularni zamonaviy axborot-kommunikatsiya vositalari va tizimlari bilan jihozlash
JADVALI
T/r Tadbirlar nomi Bajarish muddatlari Bajarish uchun masʼullar I. Yangidan tashkil etilayotgan fuqarolik ishlari boʻyicha sudlarni moddiy-texnika bazasi bilan jihozlash (avtomashinalar, kompyuterlar, nusxa koʻchirish qurilmalari, konditsionerlar, telefon apparatlari, fakslar, idora mebellari, metall shkaflar, stellajlar sotib olish) 1. Jizzax viloyatidagi fuqarolik ishlari boʻyicha Forish tuman sudi. Samarqand viloyatidagi fuqarolik ishlari boʻyicha Payariq tumanlararo sudi. Qashqadaryo viloyatidagi fuqarolik ishlari boʻyicha Kasbi tumanlararo sudi. Toshkent viloyatidagi fuqarolik ishlari boʻyicha Quyi Chirchiq tumanlararo sudi. 2014-yil mart Adliya vazirligi, Oliy sud 2. Surxondaryo viloyatidagi fuqarolik ishlari boʻyicha Boysun tuman sudi. Toshkent viloyatidagi fuqarolik ishlari boʻyicha Yuqori Chirchiq tumanlararo sudi. 2014-yil iyun Adliya vazirligi, Oliy sud 3. Buxoro viloyatidagi fuqarolik ishlari boʻyicha Peshku tumanlararo sudi. Qashqadaryo viloyatidagi fuqarolik ishlari boʻyicha Yakkabogʻ tumanlararo sudi. Samarqand viloyatidagi fuqarolik ishlari boʻyicha Nurobod tuman sudi. 2014-yil sentabr Adliya vazirligi, Oliy sud 4. Qoraqalpogʻiston Respublikasidagi fuqarolik ishlari boʻyicha Amudaryo tuman sudi. Jizzax viloyatidagi fuqarolik ishlari boʻyicha Gʻallaorol tumanlararo sudi. Navoiy viloyatidagi fuqarolik ishlari boʻyicha Uchquduq tuman sudi. 2014-yil dekabr Adliya vazirligi, Oliy sud II. Faoliyat koʻrsatayotgan umumiy yurisdiksiya sudlarining moddiy-texnika bazasini mustahkamlash 5. Umumiy yurisdiksiya sudlari moddiy-texnika taʼminotining amaldagi holatini oʻrganish. 2014-yil fevral Adliya vazirligi, Oliy sud 6. Umumiy yurisdiksiya sudlarining foydalanish muddati oʻtgan tovar-moddiy boyliklarini roʻyxatdan chiqarish chora-tadbirlarini koʻrish, shuningdek ularning ehtiyojini aniqlash. 2014-yil mart Adliya vazirligi 7. Zarur tovar-moddiy vositalar sotib olish summalarini Sudlarni va adliya organlarini rivojlantirish jamgʻarmasi xarajatlarining manzilli dasturiga va smetasiga kiritish. 2014-yil mart Adliya vazirligi, Moliya vazirligi, Sudlarni va adliya organlarini rivojlantirish jamgʻarmasi 8. Sudlarni va adliya organlarini rivojlantirish jamgʻarmasi mablagʻlari doirasida tovar-moddiy vositalar sotib olish. Tovar-moddiy boyliklarni, toʻliq moddiy javobgarlik toʻgʻrisidagi shartnomalarni majburiy tuzgan holda, tegishli sudlar raislariga topshirish. 2014-yil may — sentabr Adliya vazirligi, Oliy sud III. Zamonaviy axborot-kommunikatsiya vositalari va tizimlari bilan jihozlash 9. Umumiy yurisdiksiya sudlari binolarida lokal hisoblash tarmoqlari (LHT) qurish boʻyicha texnik topshiriqni ishlab chiqish. 2013-yil dekabr Oliy sud, Aloqa, axborotlashtirish va telekommunikatsiya texnologiyalari davlat qoʻmitasi 10. Umumiy yurisdiksiya sudlari binolarida LHT qurilishini loyihalash yuzasidan tender savdolari oʻtkazish. 2014-yil fevral Adliya vazirligi 11. Umumiy yurisdiksiya sudlari binolarida LHT qurilishining loyiha-smeta hujjatlarini ishlab chiqish. Loyiha boʻyicha ekspertiza xulosasini olish. 2014-yil iyun Adliya vazirligi 12. Sudlarni va adliya organlarini rivojlantirish jamgʻarmasi xarajatlari dasturi va smetasiga umumiy yurisdiksiya sudlari binolarida LHT qurilishini moliyalashtirishni nazarda tutuvchi oʻzgartirishlar kiritish. 2014-yil iyun Adliya vazirligi, Moliya vazirligi, Sudlarni va adliya organlarini rivojlantirish jamgʻarmasi 13. Qurilish-montaj ishlari yuzasidan tender savdolari oʻtkazish. Gʻolib bilan shartnomalar tuzish. 2014-yil avgust Adliya vazirligi 14. Umumiy yurisdiksiya sudlari binolarida LHT qurish ishlari. 2014-2015-yillar Adliya vazirligi, Tender gʻolibi