Hukumatlararo bitimlarni tasdiqlash toʻgʻrisida (251-son)

15.07.1996

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalari toʻgʻrisida” Oʻzbekiston Respublikasi Qonunining 20-moddasiga muvofiq Vazirlar Mahkamasi qaror qiladi:

1. Quyidagilar tasdiqlansin:

1996-yil 14-martda Toshkent shahrida imzolangan Oʻzbekiston Respublikasi Hukumati bilan Niderlandiya Qirolligi Hukumati oʻrtasida investitsiyalarni ragʻbatlantirish va oʻzaro muhofaza qilish toʻgʻrisidagi Bitim;

1996-yil 28-martda Xanoy shahrida imzolangan Oʻzbekiston Respublikasi Hukumati bilan Vyetnam Sotsialistik Respublikasi Hukumati oʻrtasida investitsiyalarni oʻzaro ragʻbatlantirish va muhofaza qilish toʻgʻrisidagi Bitim;

1996-yil 28-martda Xanoy shahrida imzolangan Oʻzbekiston Respublikasi Hukumati bilan Vyetnam Sotsialistik Respublikasi Hukumati oʻrtasida daromadlardan ikki tomonlama soliq olishga yoʻl qoʻymaslik va daromad soligʻi toʻlashdan bosh tortishning oldini olish toʻgʻrisidagi Bitim;

1996-yil 28-martda Xanoy shahrida imzolangan Oʻzbekiston Respublikasi Hukumati bilan Vyetnam Sotsialistik Respublikasi Hukumati oʻrtasida turizm sohasida hamkorlik toʻgʻrisidagi Bitim;

1996-yil 8-mayda Toshkent shahrida imzolangan Oʻzbekiston Respublikasi Hukumati bilan Turkiya Respublikasi Hukumati oʻrtasida daromadlardan ikki tomonlama soliq olishga yoʻl qoʻymaslik toʻgʻrisidagi Bitim;

1996-yil 8-mayda Toshkent shahrida imzolangan Oʻzbekiston Respublikasi Hukumati bilan Turkiya Respublikasi Hukumati oʻrtasida atrof muhitni muhofaza qilish sohasida hamkorlik toʻgʻrisidagi Bitim.

2. Bosh vazirning oʻrinbosarlari, Tashqi ishlar vaziri Oʻzbekiston Respublikasining koʻrsatib oʻtilgan xalqaro bitimlari boʻyicha majburiyatlarning bajarilishini nazorat qilishni taʼminlasinlar.

Vazirlar Mahkamasining Raisi I. KARIMOV

Toshkent sh.,

1996-yil 15-iyul,

251-son