Saxalin aholisiga yordam koʻrsatish toʻgʻrisida (193-son)

31.05.1995

Oʻzbekiston Respublikasi Vazirlar Mahkamasining

qarori

1995-yil 27-mayda Saxalin orolida roʻy bergan tabiiy ofat — vayron qiluvchi kuchga ega boʻlgan zilzila munosabati bilan Vazirlar Mahkamasi qaror qiladi:

1. Oʻzbekiston Respublikasi Moliya vazirligi Saxalinning zilziladan zarar koʻrgan aholisiga begʻaraz moddiy yordam koʻrsatish uchun Respublika valyuta fondi mablagʻlari hisobidan 100 ming AQSh dollari ajratsin.

2. Oʻzbekiston Respublikasi Tashqi iqtisodiy faoliyat milliy banki koʻrsatib oʻtilgan summani Respublika valyuta fondining 79470404-son “Xalq xoʻjaligi boʻyicha boshqa xarajatlar” schyotidan Rossiya Federatsiyasi Tashqi savdo bankidagi 07604001-son “Saxalinga muruvvat yordami maxsus schyoti”ga oʻtkazsin.

Vazirlar Mahkamasining Raisi I. KARIMOV

Toshkent sh.,

1995-yil 31-may,

193-son