Hukumatlararo bitimlarni tasdiqlash toʻgʻrisida (86-son)

11.03.1996

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq, Vazirlar Mahkamasi qaror qiladi:

1. Tasdiqlansin:

a) 1996-yil 10-yanvarda Toshkent shahrida imzolangan Oʻzbekiston Respublikasi Hukumati bilan Tojikiston Respublikasi Hukumati oʻrtasida erkin savdo toʻgʻrisidagi Bitim;

b) Oʻzbekiston Respublikasi Hukumati bilan Turkmaniston Hukumati oʻrtasida investitsiyalarni oʻzaro ragʻbatlantirish va himoya qilish toʻgʻrisidagi Bitim;

Oʻzbekiston Respublikasi Hukumati bilan Turkmaniston Hukumati oʻrtasida uzoq muddatli savdo-iqtisodiy hamkorlikning asosiy yoʻnalishlari toʻgʻrisidagi bitim;

Oʻzbekiston Respublikasi Hukumati bilan Turkmaniston Hukumati oʻrtasida xalqaro avtomobilda yoʻlovchi va yuk tashish aloqasi toʻgʻrisidagi bitim;

Oʻzbekiston Respublikasi Hukumati bilan Turkmaniston Hukumati oʻrtasida moliya-sanoat guruhlarini tashkil etishning asosiy prinsiplari toʻgʻrisidagi bitim;

1996-yil 16-yanvarda Chorjoʻy shahrida imzolangan Oʻzbekiston Respublikasi Hukumati bilan Turkmaniston Hukumati oʻrtasida ishlab chiqarish kooperatsiyasi toʻgʻrisidagi Bitim;

v) 1995-yil 1-noyabrda Hindistonning Nyu-Dehli shahrida imzolangan Osiyo va Tinch okeani mintaqasi uchun koinot fanlar va texnologiyalari boʻyicha taʼlim markazini taʼsis etish toʻgʻrisidagi Bitim (BMT shafeligida).

2. Bosh vazir oʻrinbosarlari, tashqi ishlar vaziri Oʻzbekiston Respublikasining mazkur bitimlarda nazarda tutilgan majburiyatlari oʻz vaqtida bajarilishi ustidan nazoratni taʼminlasinlar.

Vazirlar Mahkamasining Raisi I. KARIMOV

Toshkent sh.,

1996-yil 11-mart,

86-son