Oʻzbekiston Respublikasi Ichki ishlar vazirligi xodimlari va ularning oila aʼzolari yashash sharoitlarini yaxshilash toʻgʻrisida (12-son)

14.01.2011

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Ichki ishlar vazirligining moddiy-texnika bazasini mustahkamlash hamda ichki ishlar idoralari xodimlari va ularning oila aʼzolarini yashash sharoitlarini yaxshilash maqsadida Vazirlar Mahkamasi qaror qiladi:

1. Oʻzbekiston Respublikasi Ichki ishlar vazirligi va Toshkent shahar hokimligining Toshkent shahar, Chilonzor tumani, 20-dahada joylashgan Toshkent shahar hududiy kommunal-foydalanish birlashmasi balansidagi 19/6 hamda 19/7-uy manzildagi toʻqqiz qavatli binolarni Oʻzbekiston Respublikasi Ichki ishlar vazirligi balansiga tasarruf etish huquqisiz bepul oʻtkazish toʻgʻrisidagi taklifi maʼqullansin.

2. Toshkent shahar hokimligi mazkur qarorning 1-bandida koʻrsatib oʻtilgan binolarni belgilangan tartibda topshirilishini, Oʻzbekiston Respublikasi Ichki ishlar vazirligi qabul qilib olinishini taʼminlasin.

3. Oʻzbekiston Respublikasi Ichki ishlar vazirligi qabul qilib olingan binolarda ichki ishlar idoralari xodimlari va ularning oila aʼzolari yashashlari uchun shart-sharoit yaratgan holda ulardan maqsadli foydalansin.

4. Belgilansinki, binolarni rekonstruksiya qilish uchun xarajatlar Oʻzbekiston Respublikasi Ichki ishlar vazirligi uchun har yili ajratiladigan mablagʻlar doirasida amalga oshiriladi.

5. Oʻzbekiston Respublikasi Vazirlar Mahkamasining 2009-yil 30-avgustdagi “Toshkent shahar hokimligining munitsipal mulk obyektlari sotilishi jarayonlarini jadallashtirish boʻyicha qoʻshimcha choralar toʻgʻrisida”gi 253-son qarorining ilovasidagi 83- va 84-satrlar chiqarib tashlansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.A. Xoʻjayev zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2011-yil 14-yanvar,

12-son