Boshoqli don ekinlarining xarid narxlarini oshirish toʻgʻrisida (205-son)

13.05.1998

Oʻzbekiston Respublikasi Vazirlar Mahkamasining

qarori

Gʻalla ekuvchi xoʻjaliklarni boshoqli ekinlar doni yetishtirishni koʻpaytirishga ragʻbatlantirish maqsadida va moddiy-texnika resurslariga narxlarning oshganligi munosabati bilan Vazirlar Mahkamasi qaror qiladi:

1. 1998-yilgi hosilidan boshlab boshoqli ekinlar doni uchun oʻrtacha xarid narxlari quyidagi miqdorlarda belgilansin:

bugʻdoy — 11000 soʻm./t;

javdar — 10450 soʻm./t;

arpa va suli — 8800 soʻm./t;

2. Oʻzbekiston Respublikasi Moliya vazirligi oʻn kun muddatda boshoqli ekinlar doni uchun yangi xarid narxlari preyskurantini ishlab chiqsin va tegishli vazirliklar va idoralarga yetkazsin.

3. Oʻzbekiston Respublikasi Vazirlar Mahkamasining 1997-yil 7-maydagi 231-son qarori bilan tasdiqlangan boshoqli ekinlar doni xarid narxlari oʻz kuchini yoʻqotgan deb hisoblansin.

Vazirlar Mahkamasining Raisi I. KARIMOV

Toshkent sh.,

1998-yil 13-may,

205-son