Oʻzbekiston Respublikasi Vazirlar Mahkamasi huzuridagi Qoraqalpogʻiston Respublikasi Vazirlar Kengashining Doimiy Vakilligi moddiy-texnik bazasini yaxshilash toʻgʻrisida (602-son)

22.12.2004

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Vazirlar Mahkamasi huzuridagi Qoraqalpogʻiston Respublikasi Vazirlar Kengashining Doimiy Vakilligi moddiy-texnik bazasini yaxshilash maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasi huzuridagi Qoraqalpogʻiston Respublikasi Vazirlar Kengashining Doimiy Vakilligi tomonidan birja savdolarida Toshkent shahri, Shayxontohur tumani, U. Yusupov koʻchasi, 52 uyda joylashgan “V.P. Chkalov nomidagi Toshkent aviatsiya ishlab chiqarish birlashmasi” davlat-aksiyadorlik jamiyatiga qarashli bino sotib olinganligi maʼlumot uchun qabul qilinsin.

2. Qoraqalpogʻiston Respublikasi Vazirlar Kengashi, Oʻzbekiston Respublikasi Davlat mulki qoʻmitasi va Oʻzbekiston Respublikasi Moliya vazirligining 2004-yilda Qoraqalpogʻiston Respublikasi hududida davlat mulkini xususiylashtirish va davlat tasarrufidan chiqarishdan tushadigan mablagʻlardan Oʻzbekiston Respublikasi Vazirlar Mahkamasi huzuridagi Qoraqalpogʻiston Respublikasi Vazirlar Kengashining Doimiy Vakilligi binosini rekonstruksiya qilish ishlariga 100 million soʻm ajratish toʻgʻrisidagi taklifi maʼqullansin.

3. Qoraqalpogʻiston Respublikasi Vazirlar Kengashi 2004-yilda Qoraqalpogʻiston Respublikasi hududida davlat mulkini xususiylashtirish va davlat tasarrufidan chiqarishdan tushadigan mablagʻlardan Oʻzbekiston Respublikasi Vazirlar Mahkamasi huzuridagi Qoraqalpogʻiston Respublikasi Vazirlar Kengashining Doimiy Vakilligi binosini rekonstruksiya qilish ishlariga belgilangan tartibda 100 million soʻm ajratsin.

4. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Kommunal soha, transport, kapital qurilish va qurilish industriyasi masalalari axborot-tahlil departamentiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2004-yil 22-dekabr,

602-son