Oʻzbekiston Badiiy akademiyasiga joy ajratish toʻgʻrisida (55-son)

04.02.2005

Oʻzbekiston Respublikasi Vazirlar Mahkamasining

qarori

Oʻzbekiston tasviriy sanʼatini yanada rivojlantirish hamda Badiiy akademiya faoliyatini qoʻllab-quvvatlash maqsadida Vazirlar Mahkamasi qaror qiladi:

1. Oʻzbekiston Respublikasi Davlat mulki qoʻmitasi, Toshkent shahar hokimligi hamda Oʻzbekiston Badiiy akademiyasining Badiiy koʻrgazmalar direksiyasi fondining “Oʻzbekiston” milliy bogʻi hududida buziladigan binolar roʻyxatiga kirgan Toshkent shahri, Baynalmilal koʻchasi, 2-uy manzilidagi binolari oʻrniga Toshkent shahri, Lutfiy koʻchasi 10a-uy manzilidagi binolarni Badiiy akademiya balansiga begʻaraz berish toʻgʻrisidagi taklifiga rozilik berilsin.

2. Oʻzbekiston Badiiy akademiyasi bir oy muddatda:

Toshkent shahri, Lutfiy koʻchasi 10a-uy manzilidagi binolarni belgilangan tartibda oʻz balansiga qabul qilib olsin;

Badiiy koʻrgazmalar direksiyasi fondini saqlash uchun zarur shart-sharoitni taʼminlash chora-tadbirlarini koʻrsin.

3. Vazirlar Mahkamasining “2003-2004-yillarda korxonalarni davlat tasarrufidan chiqarish va xususiylashtirish dasturi toʻgʻrisida” 2003-yil 17-apreldagi 185-son qaroriga 2-ilovadan 195-qator (“RASSOM” Toshkent badiiy kombinati) chiqarib tashlansin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R. Qosimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2005-yil 4-fevral,

55-son