Viloyatdagi bozorlar va savdo komplekslarida undirib olinadigan bir martalik yigʻimlar, ijara toʻlovi va koʻrsatiladigan xizmatlar miqdorlarini belgilash toʻgʻrisida (34-son)
24.01.2013
Buxoro viloyati hokimining
Qarori
Oʻzbekiston Respublikasi Prezidentining 2010-yil 26-apreldagi “Dehqon bozorlari va savdo komplekslari faoliyatini tashkil qilishni yanada takomillashtirish chora-tadbirlari toʻgʻrisida”gi PQ-1326-sonli hamda Oʻzbekiston Respublikasi Moliya vazirligi va Davlat soliq qoʻmitasining 2013-yil 7-yanvardagi 1, 2013-1-sonli “Bozorlar va savdo komplekslarining maʼmuriyati tomonidan undirib olinadigan bir martalik yigʻimlar, ijara toʻlovi va koʻrsatiladigan xizmatlar qiymatining minimal miqdorlarini belgilash toʻgʻrisida”gi (roʻyxat raqami 2412, 2013-yil 16-yanvar), (Oʻzbekiston Respublikasi qonun hujjatlari toʻplami, 2013-yil, 3-son, 37-modda) qarorlari ijrosini taʼminlash maqsadida qaror qilaman:
1. Viloyatdagi barcha bozorlar va savdo komplekslarining maʼmuriyati tomonidan undirib olinadigan bir martalik yigʻimlar, ijara toʻlovlari va koʻrsatiladigan xizmatlarning yangi miqdorlari ilovaga muvofiq tasdiqlansin va 2013-yil 28-yanvardan boshlab joriy etilsin.
2. Viloyat Davlat soliq boshqarmasi (B. Normirzayev) hamda bozorlar va savdo komplekslari faoliyatini nazorat qilish viloyat boʻlimi (B. Muxamedov)ga viloyatdagi barcha bozorlar va savdo komplekslarining maʼmuriyati tomonidan undirib olinadigan bir martalik yigʻimlar, ijara toʻlovlari, koʻrsatiladigan xizmatlar toʻlovlarining toʻgʻri va toʻliq undirilishi hamda tegishli qismini mahalliy budjetga oʻz vaqtida oʻtkazilishi ustidan doimiy nazorat olib borish topshirilsin.
3. Viloyat hokimining 2012-yil 16-martdagi “Viloyatdagi bozorlar va savdo komplekslarida undirib olinadigan bir martalik yigʻimlar, ijara toʻlovi va koʻrsatiladigan xizmatlar miqdorlarini belgilash toʻgʻrisida”gi 106-sonli qarori (3-bandidan tashqari) oʻz kuchini yoʻqotgan deb hisoblansin.
4. Ushbu qaror “Buxoronoma” va “Buxarskiy vestnik” gazetalarida eʼlon qilinsin.
5. Mazkur qarorning bajarilishini nazorat qilish viloyat hokimining oʻrinbosari H. Gʻoyirov zimmasiga yuklatilsin.
Hokim v. b. M. ESANOV
Buxoro sh.,
2013-yil 24-yanvar,
34-son
Viloyat hokimining 2013-yil 24-yanvardagi 34-sonli qaroriga ILOVA
Bozorlar va savdo komplekslarining maʼmuriyati tomonidan undirib olinadigan bir martalik yigʻimlar, ijara toʻlovi va koʻrsatiladigan xizmatlar
miqdorlari
Izoh:
1. Qishloq xoʻjaligi mahsulotlari va xalq isteʼmoli mollari bilan savdo qilinganda, bir joy (savdo oʻrni) oʻlchami 1-1,2 pogon metr deb belgilanadi va shu oʻlchamdan ortiq oʻrin uchun qoʻshimcha ravishda har bir savdo oʻrni uchun belgilangan toʻlov miqdorida joy haqi undiriladi.
2. Qishloq xoʻjaligi mahsulotlari va xalq isteʼmoli mollari aralash holda sotilganda, toʻlov sotiladigan mahsulot turlari boʻyicha belgilangan eng yuqori stavka boʻyicha undiriladi.