Tuman hududidagi yuridik va jismoniy shaxslarga qarashli boʻlgan traktor, oʻziyurar shassilar, meliorativ, yoʻl-qurilish mashinalari va traktor tirkamalarini texnik koʻrikdan oʻtkazish toʻgʻrisida (90-q-son)

03.05.2013

Navoiy viloyati Tomdi tumani hokimining

Qarori

Oʻzbekiston Respublikasi Qishloq va suv xoʻjaligi vazirligining 2004-yil 15-noyabrdagi “Traktorlar, oʻziyurar shassilar, meliorativ, yoʻl-qurilish mashinalari va traktor tirkamalarini majburiy texnik koʻrikdan oʻtkazish tartibi toʻgʻrisidagi nizomni tasdiqlash haqida”gi 248-son buyrugʻini ijrosini taʼminlash hamda tumandagi shirkat xoʻjaliklari, tashkilotlar va kichik korxonalar hamda fuqarolarga tegishli boʻlgan traktorlar, oʻziyurar shassilar, meliorativ, yoʻl-qurilish mashinalari va traktor tirkamalarini yillik majburiy texnik koʻrikdan oʻtkazish maqsadida qaror qilaman:

1. Tuman hududidagi yuridik va jismoniy shaxslarga qarashli boʻlgan traktorlar, oʻziyurar shassilar, meliorativ, yoʻl-qurilish mashinalari va traktor tirkamalari 2013-yil 6-maydan 2013-yil 1-avgustga qadar yillik koʻrikdan oʻtkazilsin.

2. Qishloq xoʻjalik va yoʻl-qurilish mashinalarini yillik texnik koʻrikdan oʻtkazish boʻyicha komissiya tarkibi 1-ilovaga, texnik koʻrikdan oʻtkazish jadvali 2-ilovaga muvofiq tasdiqlansin.

3. Shirkat xoʻjaliklari, tashkilot va kichik korxona rahbarlari texnikalarini texnik koʻrikdan oʻtish uchun Agrosugʻirtaga tegishli boʻlgan toʻlovlarni oʻz vaqtida toʻlanishini taʼminlasin.

4. Tuman qishloq xoʻjalik texnikalari boʻyicha inspektori (N. Turmaxanov)ga texnik koʻrik natijalari boʻyicha 2013-yil 5-avgustga qadar tuman hokimligiga maʼlumot berish topshirilsin.

5. Ushbu qarorning ijrosini nazorat qilish tuman hokimining birinchi oʻrinbosari J. Asubayev zammasiga yuklatilsin.

Hokim Q. ALDABERGENOV

Tomdi t.,

2013-yil 3-may,

90-q-son

Tuman hokimining 2013-yil 3-maydagi 90-q-sonli qaroriga 1-ILOVA

Tuman hududidagi yuridik va jismoniy shaxslarga qarashli boʻlgan traktor, oʻziyurar shassilar, meliorativ, yoʻl-qurilish mashinalari va traktor tirkamalarini yillik texnik koʻrikdan oʻtkazish boʻyicha tuman komissiya

TARKIBI

Tuman hokimining 2013-yil 3-maydagi 90-q-sonli qaroriga 2-ILOVA

Tuman hududidagi yuridik va jismoniy shaxslarga qarashli boʻlgan traktor, oʻziyurar shassilar, meliorativ, yoʻl-qurilish mashinalari va traktor tirkamalarini yillik texnik koʻrikdan oʻtkazish

JADVALI