Islom taraqqiyot banki ishtirokida “Xorazm viloyati Toshsokin tizimining magistral sugʻorish kanallarini tiklash” loyihasini amalga oshirish chora-tadbirlari toʻgʻrisida (PQ-1849-son)
06.11.2012
Oʻzbekiston Respublikasi Prezidentining
qarori
Xorazm viloyatida sugʻoriladigan yerlarda qishloq xoʻjaligini barqaror rivojlantirishni taʼminlash, suv va yer resurslaridan foydalanish samaradorligini oshirish hamda Islom taraqqiyot banki bilan hamkorlikni kengaytirish maqsadida:
1. Maʼlumot uchun qabul qilinsinki:
Islom taraqqiyot banki (keyingi oʻrinlarda — ITB) Ijrochi direktorlar kengashi tomonidan “Xorazm viloyatining Toshsoqa tizimidagi magistral sugʻorish kanallarini reabilitatsiya qilish” investitsiya loyihasini 90,37 mln AQSH dollari miqdorida, shu jumladan oddiy “Istisna” shartlari boʻyicha 70,35 mln AQSH dollari va Jidda deklaratsiyasi boʻyicha “Istisna” shartlari boʻyicha 20,02 mln AQSH dollari miqdorida moliyalashtirish maʼqullandi;
ITB mablagʻlarini taqdim etish muddati — 19 yil, shu jumladan toʻrt yillik imtiyozli davr;
koʻrsatib oʻtilgan loyihani amalga oshirishda Oʻzbekiston Respublikasi Hukumatining ulushi ekvivalentda 53,83 mln AQSH dollarini tashkil etadi, shundan 20,5 mln AQSH dollari — soliq imtiyozlari berish shaklida;
loyihani amalga oshirish davri 2013 — 2019-yillar mobaynida belgilangan.
2. Belgilab qoʻyilsinki:
Oʻzbekiston Respublikasi Suv xoʻjaligi vazirligi ITBning moliyaviy mablagʻlaridan maqsadli foydalanish va koʻrsatib oʻtilgan loyihani samarali amalga oshirish uchun masʼul boʻlgan ijro etuvchi organ hisoblanadi;
ITB mablagʻlarini qaytarish bilan bogʻliq xarajatlar, shu jumladan ustama haq Oʻzbekiston Respublikasi Davlat budjeti mablagʻlari hisobidan amalga oshiriladi.
3. Tasdiqlansin:
“Xorazm viloyati Toshsoqa tizimidagi magistral sugʻorish kanallarini tiklash” loyihasini komponentlar, manbalar va yillar boʻyicha moliyalashtirish rejasi 2-ilovaga muvofiq;
ustama haqni hisobga olgan holda ITBning moliyaviy mablagʻlarini qaytarish jadvallari 3 va 4-ilovalarga muvofiq tasdiqlansin.
4. Oʻzbekiston Respublikasi Moliya vaziri “Xorazm viloyatining Toshsoqa tizimi magistral sugʻorish kanallarini tiklash” loyihasini moliyalashtirish boʻyicha Oʻzbekiston Respublikasi Hukumati nomidan Istisna shartnomasi va Istisna agentlik bitimini imzolashga vakil qilinsin.”.
5. Oʻzbekiston Respublikasi Adliya vazirligi “Xorazm viloyatining Toshsoqa tizimi magistral sugʻorish kanallarini reabilitatsiya qilish” loyihasini moliyalashtirish boʻyicha Oʻzbekiston Respublikasi bilan ITB oʻrtasidagi Istisna shartnomasi va Istisna agentligi bitimi yuzasidan yuridik xulosa bersin.
6. Oʻzbekiston Respublikasi suv xoʻjaligi vaziri va Xorazm viloyati hokimi zimmasiga loyiha tadbirlarini amalga oshirish uchun zarur shart-sharoitlarni taʼminlash, shuningdek ITB tartib-taomillariga va Oʻzbekiston Respublikasi qonun hujjatlari talablariga muvofiq zarur hisobotlar va hujjatlarning oʻz vaqtida tayyorlanishi va taqdim etilishini tashkil etish yuzasidan shaxsiy javobgarlik yuklansin.
7. Belgilab qoʻyilsin:
loyihani amalga oshirish, muvofiqlashtirish va boshqarish Suv xoʻjaligi vazirligi tomonidan amalga oshiriladi;
ushbu loyiha mablagʻlari bilan bank operatsiyalari ushbu loyiha uchun Oʻzbekiston Respublikasi banklaridan birida ochilgan alohida talab qilib olinguncha depozit (ikkilamchi) hisobvaraqlari orqali amalga oshiriladi, ushbu hisobvaraqlar orqali ish haqi, soliqlarni toʻlash, shuningdek loyiha doirasidagi boshqa xarajatlarni toʻlash huquqiga ega va Suv xoʻjaligi vazirligining boshqa loyihalari boʻyicha majburiyatlarni qoplash uchun ushbu hisobvaraqlardan mablagʻlarni hisobdan chiqarishga yoʻl qoʻyilmaydi.;
8. Oʻzbekiston Respublikasi Iqtisodiyot vazirligi Moliya vazirligi va Investitsiyalar boʻyicha davlat qoʻmitasi bilan birgalikda Oʻzbekiston Respublikasining har yilgi Investitsiya dasturini shakllantirishda 2013-yildan boshlab Oʻzbekiston Respublikasining mazkur loyihani amalga oshirishga qoʻshadigan hissasini mablagʻ bilan taʼminlashni nazarda tutsin.
9. “Xorazm viloyati Toshsoqa tizimidagi magistral sugʻorish kanallarini tiklash” loyihasini amalga oshirish davrida:
loyihani amalga oshirish doirasida ITBning moliyaviy mablagʻlari hisobiga olib kiriladigan va xarid qilinadigan tovarlar (ishlar va xizmatlar), asbob-uskunalar va transport vositalari bojxona toʻlovlari (bojxona rasmiylashtiruvi yigʻimlaridan tashqari), qoʻshilgan qiymat soligʻi va davlat maqsadli jamgʻarmalariga majburiy ajratmalardan ozod etilsin;
loyihani amalga oshirish doirasida Oʻzbekiston Respublikasi Davlat budjeti mablagʻlari hisobidan olib kelinadigan va sotib olinadigan tovarlar (ishlar va xizmatlar), asbob-uskunalar va transport vositalari qoʻshilgan qiymat soligʻidan ozod etilsin.
10. Oʻzbekiston Respublikasi Davlat arxitektura va qurilish qoʻmitasi “Xorazm viloyati Toshsoqa tizimidagi magistral sugʻorish kanallarini tiklash” loyihasini amalga oshirish doirasida loyiha hujjatlari ekspertizadan oʻtkazilishini taʼminlasin hamda qurilish-montaj ishlarining oʻz vaqtida va sifatli bajarilishi ustidan davlat arxitektura-qurilish nazoratini oʻrnatsin.
11. Tashqi ishlar vazirligi Suv xoʻjaligi vazirligining buyurtmanomalariga binoan koʻrsatib oʻtilgan loyihani amalga oshirishda ishtirok etadigan xorijiy mutaxassislarga kirish vizalari konsullik va boshqa yigʻimlar undirilmasdan rasmiylashtirilishini taʼminlasin.
12. Ichki ishlar vazirligi Suv xoʻjaligi vazirligining buyurtmanomalari boʻyicha koʻrsatib oʻtilgan loyihani amalga oshirishda ishtirok etadigan xorijiy mutaxassislarga davlat boji toʻlashdan ozod qilgan holda koʻp martalik vizalar berilishi va muddati uzaytirilishini, shuningdek, ularning turgan joyi boʻyicha roʻyxatdan oʻtkazilishini va roʻyxatdan oʻtkazish muddati uzaytirilishini taʼminlasin.
13. Oʻzbekiston Respublikasi Bandlik va mehnat munosabatlari vazirligi Suv xoʻjaligi vazirligining buyurtmanomalari boʻyicha mazkur loyihani amalga oshirishda ishtirok etadigan malakali mutaxassislarni Oʻzbekiston Respublikasiga jalb etishga belgilangan tartibda ruxsatnomalar berilishini muddati uzaytirilishini taʼminlasin..
14. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2012-yil 6-noyabr,
PQ-1849-son
Oʻzbekiston Respublikasi Prezidentining 2012-yil 6-noyabrdagi PQ-1849-son qaroriga 2-ILOVA
“Xorazm viloyati Toshsoqa tizimidagi magistral sugʻorish kanallarini tiklash” loyihasini komponentlar, manbalar va yillar boʻyicha moliyalashtirish
rejasi
* Oʻzbekiston Respublikasining soliq toʻlovlaridan ozod qilish tarzidagi hissasi.
** Oʻzbekiston Respublikasining soliq toʻlovlaridan ozod qilish tarzidagi ulushi.
Oʻzbekiston Respublikasi Prezidentining 2012-yil 6-noyabrdagi PQ-1849-son qaroriga 3-ILOVA
“Xorazm viloyati Toshsoqa tizimidagi magistral sugʻorish kanallarini reabilitatsiya qilish” loyihasi boʻyicha ITBning moliyaviy mablagʻlarini qaytarish (Istisna oddiy resurslari)
jadvali
* Loyihani amalga oshirish davrida ITBning moliyaviy mablagʻlari kapitallashtiriladi.
** Toʻlovlarning amaldagi summasi amaldagi tanlov sanasi va summasiga, LIBOR stavkasining oʻzgarishiga (imtiyozli davrdagi ustama boʻyicha), shuningdek imtiyozli davr tugashi bilan qayd etiladigan amaldagi ustama stavkasiga qarab aniqlanadi.
Oʻzbekiston Respublikasi Prezidentining 2012-yil 6-noyabrdagi PQ-1849-son qaroriga 4-ILOVA
“Xorazm viloyati Toshsoqa tizimidagi magistral sugʻorish kanallarini tiklash” loyihasi boʻyicha itbning moliyaviy mablagʻlarini qaytarish (Istisna resurslari (Jidda deklaratsiyasi)”
jadvali
* Loyihani amalga oshirish davrida ITBning moliyaviy mablagʻlari kapitallashtiriladi.
** Toʻlovlarning amaldagi summasi amaldagi tanlov sanasi va summasiga, LIBOR stavkasining oʻzgarishiga (imtiyozli davrdagi ustama boʻyicha), shuningdek imtiyozli davr tugashi bilan qayd etiladigan amaldagi ustama stavkasiga qarab aniqlanadi.