Tuman hududidagi yuridik va jismoniy shaxslarga tegishli avtotransport vositalari hamda tirkamalarini majburiy texnik koʻrikdan oʻtkazish toʻgʻrisida (309/1-Q-son)

20.03.2012

Samarqand viloyati Samarqand tumani hokimining

Qarori

Oʻzbekiston Respublikasi Vazirlar Mahkamasining 2003-yil 31-yanvardagi 54-sonli qarori bilan tasdiqlangan “Transport vositalarini majburiy texnik koʻrikdan oʻtkazish toʻgʻrisida”gi nizomiga asosan qaror qilaman:

1. Tuman hududidagi mulkchilik shaklidan qatʼi nazar, yuridik va jismoniy shaxslarga tegishli avtotransport vositalari va tirkamalari majburiy texnik koʻrigidan oʻtkazilsin.

2. Majburiy texnik koʻrikdan oʻtkazish boʻyicha komissiya tarkibi aʼzolari 1-ilovaga* muvofiq tasdiqlansin.

3. Yuridik shaxslarga tegishli boʻlgan avtotransport vositalari joriy yilning 1-martidan 30-iyunigacha 2-ilovadagi* jadvalga asosan oʻtkazilsin.

*1 va 2-ilovalar berilmaydi.

Jismoniy shaxslarga tegishli boʻlgan avtotransport vositalarini majburiy texnik koʻrigi 2012-yil 1-yanvardan boshlangan deb hisoblansin va 31-avgustgacha davom etilsin.

4. Mulkchilik shakli va sigʻimidan qatʼi nazar, tijorat asosida yoʻlovchilar tashish uchun foydalaniladigan transport vositalarining majburiy texnik koʻrigi:

birinchi marta 1-martdan 30-iyungacha;

ikkinchi marta 1-sentabrdan 31-oktabrgacha oʻtkazilishi belgilansin.

5. Oʻzbekiston Respublikasi Vazirlar Mahkamasining 2003-yil 31-yanvardagi 54-sonli “Transport vositalarini majburiy texnik koʻrikdan oʻtkazish toʻgʻrisidagi nizomini tasdiqlash haqida”gi qarori 3-bandi talablaridan kelib chiqib, tuman mudofaa boʻlimi, ichki ishlar boʻlimi va Milliy xavfsizlik xizmati harbiy boʻlinmalari transport vositalari majburiy texnik koʻriklari oʻz yuqori tashkilotlarining qarori va ish-rejasi asosida amalga oshirilishi nazarda tutilsin.

6. Majburiy texnik koʻrik davomida komissiya tarkibida ish olib borgan xodimlarni doimiy ish joylaridagi oylik ish haqlari saqlanib qolinsin.

7. Ishlab chiqarilganligiga besh yildan koʻp boʻlmagan (ishlab chiqarilgan ham shu jumlaga kiradi) transport vositalari (“Transport vositalarini majburiy texnik koʻrikdan oʻtkazish tartibi toʻgʻrisida”gi nizomining 5-bandi kichik bandida koʻrsatilgan transport vositalaridan tashqari) ikki yilda bir marotaba texnik koʻrikdan oʻtkazilsin.

8. Mazkur qarorning ijrosini nazorat qilish tuman hokimining birinchi oʻrinbosari B. Qodirov zimmasiga yuklansin.

Hokim B. SADULLAYEV

Samarqand t.,

2012-yil 20-mart,

309/1-Q-son