Oʻzbekiston Respublikasi Prezidentining 1992-yil 25-avgustdagi PF-458-son Farmoni amal qilishini harbiy xizmatchilar, ichki ishlar organlarining boshliqlar va oddiy xodimlar tarkibidan boʻlgan pensionyerlarga tatbiq etish toʻgʻrisida (PF-476-son)

28.09.1992

Oʻzbekiston Respublikasi Prezidentining

Farmoni

Harbiy xizmatchilar, ichki ishlar organlarining boshliqlar va oddiy xodimlar tarkibidan boʻlgan pensionyerlarni ijtimoiy himoya qilishni kuchaytirish maqsadida:

1. Oʻzbekiston Respublikasi Prezidentining “1992-yil 1-sentabrdan nafaqalar, stipendiyalar hamda budjet hisobidagi tashkilotlar xodimlarining ish haqi miqdorlarini oshirish toʻgʻrisida” 1992-yil 25-avgustdagi Farmoni 1-bandining amal qilishi ofitsyerlar tarkibidan praporshchiklardan, michmanlardan va muddatdan tashqari xizmat harbiy xizmatchilaridan, ichki ishlar organlarining boshliqlar va oddiy xodimlar tarkibidan boʻlgan pensionyerlarga, shuningdek, ularning boquvchisini yoʻqotganligi tufayli pensiya oluvchi oilalariga tatbiq etilsin.

Yuqorida koʻrsatilgan shaxslarning toifalari uchun pensiyalar hisoblab chiqish 1992-yil 1-sentabrdagi holat boʻyicha harbiy xizmatchilar tegishli toifalarining, boshliqlar va oddiy xodimlar tarkibining pul daromadlarining oʻrtacha darajasidan kelib chiqqan holda amalga oshirilsin.

2. Belgilab qoʻyilsinki, bundan keyin ushbu Farmonning 1-bandida koʻrsatilgan shaxslarning pensiyalarini qayta hisoblab chiqish harbiy xizmatchilarning, ichki ishlar organlarining xizmatdagi boshliqlar va oddiy xodimlari tarkibidagi shaxslar pul daromadlarining oʻzgarishiga muvofiq vaqti-vaqti bilan amalga oshirib boriladi.

Oʻzbekiston Respublikasining Prezidenti I. KARIMOV

Toshkent sh.,

1992-yil 28-sentabr,

PF-476-son