Respublika issiqlik va suv taʼminoti tashkilotlarini moliyaviy sogʻlomlashtirish chora-tadbirlari toʻgʻrisida (300-son)

06.11.2013

Oʻzbekiston Respublikasi Vazirlar Mahkamasining

qarori

[Koʻchirma]

Issiqlik va suv taʼminoti tashkilotlarining moliyaviy sogʻlomlashtirish, ularning isitish mavsumida barqaror ishlashga tayyorgarligini taʼminlash, energiya resurslarini yetkazib beruvchilarga kreditorlik qarzlarini kamaytirish, issiqlik energiyasini ortiqcha yetkazib berish uchun zarur shartlarni bartaraf etish, shuningdek yoʻqotishlar va samarasiz xarajatlarni kamaytirish maqsadida Vazirlar Mahkamasi qaror qiladi:

1. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan, aholini issiqlik energiyasi bilan uzluksiz taʼminlash va sifatini oshirish, aholini ortiqcha issiqlik energiyasi bilan taʼminlash uchun zarur shart-sharoitlarni tizimli ravishda bartaraf etish va issiqlik taʼminoti tashkilotlarining iqtisodiy samaradorligini oshirish;

Oʻzbekiston “Oʻzkommunxizmat” agentligining zamonaviy talablarga javob beradigan va aholiga xizmat koʻrsatish sohasida iqtisodiy islohotlarni chuqurlashtirishni taʼminlaydigan meʼyoriy-huquqiy hujjatlar va uslubiy hujjatlarni ishlab chiqish boʻyicha olib borayotgan ishlari qoniqarsiz deb hisoblansin.

2. Qoraqalpogʻiston Respublikasi Vazirlar Kengashi Raisi, viloyatlar hokimlari va Toshkent shahar hokimiga:

hududlardagi yirik shaharlarning issiqlik taʼminoti tizimini rivojlantirish sxemalari ishlab chiqilmaganligi, shunga koʻra, modernizatsiya va zamonaviy energiya tejovchi texnologiyalarni joriy etish boʻyicha ishlar boshlanmaganligi;

begona shaxslarning ruxsatsiz aralashuvidan himoyalangan, isteʼmolchilar va sotilgan issiqlik energiyasi hajmining avtomatlashtirilgan hisobini taʼminlovchi maxsus billing tizimi yaratilmaganligi;

issiqlik taʼminoti tashkilotlari tomonidan 2012-yilda ortiqcha issiqlik taʼminoti hajmi 4,4 miilion Gkal yoki tarmoqqa berilgan issiqlik energiyasining 32 foizini tashkil etganligi;

2012-yilda issiqlik taʼminoti xizmatlari boʻyicha debitorlik qarzlarining oʻsishi 2011-yilga nisbatan oʻrtacha 17,5 foizni, bunda, Qashqadaryo viloyatida — 29,8 foizni, Samarqand viloyatida — 23,6 foizni, Toshkent, Xorazm viloyatlari va Toshkent shahrida — 21 foizni tashkil etganligi;

kreditorlik qarzlari oʻtkan shu davrda oʻrtacha 21,2 foizga, bunda, Qashqadaryo viloyatida — 75 foizga, Namangan viloyatida — 36,5 foizga, Buxoro viloyatida — 34,7 foizga, Samarqand viloyatida — 30,6 foizga va Toshkent shahrida — 23,7 foizga oʻsganligi;

aholiga issiqlik energiyasini isteʼmol qilish normalari boʻyicha tariflarning belgilanishi natijasida issiqlik energiyasini ortiqcha yetkazib berishni hisobga olgan holda xarajatlarni qoplashning oʻrtacha ulushi respublika boʻyicha oʻrtacha 63,2 foizni tashkil etgan holda, viloyatlarda bu koʻrsatkich: Sirdaryo viloyatida — 22 foizni, Surxondaryo viloyatida — 32,4 foizni, Fargʻona viloyatida — 32 foizni, Jizzax, Namangan va Toshkent viloyatlarida — 35 foizni tashkil etganligi koʻrsatib oʻtilsin.

3. Issiqlik taʼminoti tizimini rivojlantirish va ushbu sohadagi korxonalar faoliyatini yaxshilash boʻyicha belgilangan chora-tadbirlarni soʻzsiz va sifatli bajarish uchun Surxondaryo (N.Chariyev), Sirdaryo (O.Ashurmatov), Toshkent (A.Usmonov), Qashqadaryo (Z. Roʻziyev), Jizzax (S. Ismoilov), Fargʻona (Sh. Gʻaniyev) viloyatlari hokimlarining shaxsiy javobgarligi toʻgʻrisida ogohlantirilsin.

4. Quyidagilar maʼlumot uchun qabul qilinsin:

Oʻzbekiston Respublikasi Vazirlar Mahkamasi tomonidan tuzilgan ishchi komissiya Toshkent shahar issiqlik taʼminoti tizimining 2012-yildagi natijalariga koʻra ortiqcha issiqlik isteʼmoli sabablarini oʻrganib chiqqanligi va oʻrganish natijalari boʻyicha tegishli xulosa va tavsiyalar bilan 2013-yil 28-martdagi texnik ekspertiza dalolatnomasi tuzilganligi;

2013-yil 1-aprel holatiga issiqlik taʼminoti tashkilotlari bilan “Oʻzbekneftgaz” MXK, “Oʻzbekenergo” DAK oʻrtasida oʻzaro qarzdorlikni solishtirish dalolatnomalari tuzilganligi, unga koʻra issiqlik taʼminoti tashkilotlarining tabiiy gaz, mazut, pech yoqilgʻisi va koʻmir uchun qarzlari 207,1 mlrd. soʻm va elektr energiyasi uchun 15,2 mlrd. soʻmni tashkil etganligi.

5. Quyidagilar:

Respublika issiqlik taʼminoti tashkilotlari faoliyati samaradorligini oshirish va moliyaviy sogʻlomlashtirish boʻyicha kompleks chora-tadbirlar (keyingi oʻrinlarda Kompleksi chora-tadbirlar deb yuritiladi) 1-ilovaga muvofiq;

2014-2015-yillarda kommunal xizmat koʻrsatish sohasidagi normativ-huquqiy hujjatlar va uslubiy hujjatlarni takomillashtirish va yangilash dasturi 2-ilovaga muvofiq tasdiqlansin.

6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

tasdiqlangan Kompleks chora-tadbirlar asosida, har bir issiqlik taʼminoti tashkiloti kesimida ularning ish samaradorligini oshirish va moliyaviy sogʻlomlashtirishga qaratilgan batafsil chora-tadbirlarni ishlab chiqish va belgilangan tartibda tasdiqlashni;

moddiy va mehnat harajatlarini asossiz oshirib yuborish, samarasiz xarajatlar va yoʻqotishlarga, energiya resurslaridan oqilona foydalanishga yoʻl qoʻyayotgan issiqlik taʼminoti tashkilotlari rahbarlariga nisbatan javobgarlik choralarini koʻrishni;

3-ilova bilan tasdiqlangan jadvalga muvofiq, 2014 — 2020-yillarda respublikaning 28 ta yirik shaharlarida issiqlik taʼminoti tizimini rivojlantirish va modernizatsiya qilish sxemalarini ishlab chiqishni taʼminlasin.

9. Oʻzbekiston Respublikasi Moliya vazirligi Oʻzbekiston Respublikasining 2014-2015-yillarga moʻljallangan Davlat budjeti loyihasini shakllantirishda “Oʻzkommunxizmat” agentligining asoslantirilgan hisob-kitoblariga koʻra, 2-ilovaga muvofiq, 2014-2015-yillarda ishlab chiqiladigan davlat xizmatlari koʻrsatish sohasidagi normativ-huquqiy hujjatlar va uslubiy hujjatlarni takomillashtirish va yangilash dasturini amalga oshirish uchun zarur mablagʻlar ajratilishini taʼminlasin.

10. Belgilansinki, 2013-yil 1-dekabrdan:

issiqlik energiyasini hisobga olish uskunalari mavjud boʻlmagan yangi isteʼmolchilarning (abonentlarning) issiqlik isteʼmol qiluvchi qurilmalari va issiqlik tarmoqlarini ulash taqiqlanadi (koʻp kvartirali uylarda joylashgan yuridik shaxslar bundan mustasno);

issiqlik energiyasini hisobga olish uskunalari boʻlmagan yuridik shaxslarni issiqlik energiyasi bilan taʼminlash issiqlik energiyasiga belgilangan ikki baravar tarifdan foydalangan holda amalga oshiriladi (koʻp kvartirali uylarda joylashgan yuridik shaxslarni isitish uchun beriladigan issiqlik energiyasi bundan mustasno);

issiq va sovuq suvni hisobga olish uskunalari boʻlmagan aholiga yetkazib beriladigan issiq va sovuq suv narxini toʻlash issiq va sovuq suv taʼminoti xizmatlari uchun belgilangan tariflarga tariflarga 1,5 koeffitsientini qoʻllagan holda amalga oshiriladi;

Roʻyxatdan oʻtkazilgan fuqarolar boʻlmagan turar joy xonadonlarida issiq suvni individual hisobga olish uskunalari mavjud boʻlmaganda issiq suv taʼminoti xizmatlari uchun hisob-kitoblar bir xonali va ikki xonali turar joy binosidagi bir kishiga; uch xonali turar joy binosidagi ikki kishiga; toʻrt xonali turar joy binosidagi uch kishiga; besh xonali turar joy binosidagi toʻrt kishiga hisobidan, issiq suv taʼminoti xizmatlariga belgilangan tariflarga 1,5 koeffitsientini qoʻllagan holda amalga oshiriladi.

11. Belgilansinki, fuqarolarning oʻzini oʻzi boshqarish organlaridan nafaqa oluvchi kam taʼminlangan oilalarning uy-joylarini “Kam taʼminlangan oilalarga ijtimoiy nafaqalar va moddiy yordamlarni tayinlash va toʻlash tartibi toʻgʻrisida”gi nizomga muvofiq issiq va sovuq suv hisoblagichlari bilan taʼminlanadi, bunda, Vazirlar Mahkamasining 2013-yil 15-fevraldagi 44-son qarori bilan tasdiqlangan kommunal xizmat koʻrsatuvchi tashkilotning mablagʻlari hisobidan, keyinchalik belgilangan tartibda shartnoma asosida hisobga olish uskunasining qiymati mulk egasi tomonidan 12 oy muddatda toʻlangan holda amalga oshiriladi.

12. “Oʻzkommunxizmat” agentligi Oʻzbekiston Respublikasi Iqtisodiyot vazirligi, Moliya vazirligi, Adliya vazirligi va Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi bilan birgalikda ikki oy muddatda Oʻzbekiston Respublikasida Kommunal xizmatlar koʻrsatish qoidalarini ishlab chiqsin va belgilangan tartibda Vazirlar Mahkamasiga tasdiqlash uchun kiritsin.

14. Uy-joy kommunal xizmat koʻrsatish vazirligi:

a) Respublika issiqlik taʼminoti tashkilotlari faoliyati samaradorligini oshirish va moliyaviy sogʻlomlashtirish boʻyicha kompleks chora-tadbirlarni;

2014-2015-yillarda ishlab chiqiladigan davlat xizmatlari sohasida normativ-huquqiy hujjatlar va uslubiy hujjatlarni takomillashtirish va yangilash dasturlarini;

2014 — 2020-yillarda respublikaning 28 ta yirik shaharlarida issiqlik taʼminoti tizimini rivojlantirish va modernizatsiya qilish rejalarini ishlab chiqishni, amalga oshirilishini belgilangan tartibda tahlil qilish, muvofiqlashtirish va nazorat qilishni taʼminlasin;

b) har chorakda mahalliy davlat hokimiyati organlari, vazirliklar va idoralarning mazkur qaror ijrosining borishi toʻgʻrisidagi hisobotlarini eshitsin va amalga oshirilgan ishlar yakunlari toʻgʻrisida Vazirlar Mahkamasiga axborot kiritsin;

v) har 15 kunda mazkur qarorda belgilangan vazifalar va talablarning bajarilishining borishi toʻgʻrisida Oʻzbekiston Respublikasi Bosh vaziriga koʻrib chiqish uchun axborot taqdim etsin.

15. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2013-yil 6-noyabr,

300-son

Vazirlar Mahkamasining 2013-yil 6-noyabrdagi 300-son qaroriga 1-ILOVA

Respublika issiqlik taʼminoti tashkilotlari ish samaradorligini oshirish va ularni moliyaviy sogʻlomlashtirish boʻyicha

KOMPLEKS CHORA-TADBIRLARI

Vazirlar Mahkamasining 2013-yil 6-noyabrdagi 300-son qaroriga 2-ILOVA

2014-2015-yillarda ishlab chiqilishi lozim boʻlgan davlat xizmatlari sohasida normativ-huquqiy hujjatlar va uslubiy hujjatlarni takomillashtirish va yangilash

DASTURI

Vazirlar Mahkamasining 2013-yil 6-noyabrdagi 300-son qaroriga 3-ILOVA

2014 — 2020-yillarda respublikaning 28 ta yirik shaharlarida issiqlik taʼminoti tizimini rivojlantirish va modernizatsiya qilish sxemalarini ishlab chiqish

JADVALI

* 2010-yilda chop etilgan “Buxoriy shahrida issiqlik taʼminoti tizimini rivojlantirish va modernizatsiya qilish sxemalari” texnik-iqtisodiy asoslash loyihasi.

** “Fargʻona shahrida issiqlik taʼminoti tizimini rivojlantirish va modernizatsiya qilish sxemalari” loyihasining dastlabki texnik-iqtisodiy asoslari 2013-yilda tasdiqlangan.