“Oʻztransgaz” aksiyadorlik kompaniyasining gaz-transport tizimi boʻyicha boshqaruv tizimi va texnologik aloqa bilan taʼminlash” investitsiya loyihasini amalga oshirish chora-tadbirlari toʻgʻrisida (PQ-1347-son)

04.06.2010

Oʻzbekiston Respublikasi Prezidentining

qarori

Gaz uzatish tizimida texnologik jarayonlarni avtomatik boshqarishning zamonaviy tizimini (SCADA) joriy etish va gazni tashishda yoʻqotishlarni kamaytirish maqsadida:

1. “Oʻztransgaz” aksiyadorlik kompaniyasining gaz uzatish tizimi boʻyicha boshqaruv tizimi va texnologik aloqani taʼminlash” investitsiya loyihasini amalga oshirish doirasida:

loyihani amalga oshirishning umumiy muddati 18 oy boʻlgan holda uni bosqichma-bosqich amalga oshirishni nazarda tutuvchi loyihaning DTIAsi belgilangan tartibda tasdiqlandi;

“Oʻztransgaz” AK va “Alcatel-Lucent Shanghai Bell So” kompaniyasi oʻrtasida (XXR) bilan gaz uzatish tizimi obyektlarini loyihalashtirish, oʻqitish, asbob-uskunalarni yetkazib berish, qurilish-montaj ishlarini bajarish, ishga tushirish-sozlash va foydalanishga tayyor holda topshirish boʻyicha umumiy qiymati 77,47 mln AQSH dollari boʻlgan shartnoma imzolandi;

“Oʻzsanoatqurilishbank” OATB va XXR Eksimbanki oʻrtasida mazkur loyihani moliyalashtirish uchun XXR Hukumatining imtiyozli kreditini jalb etish boʻyicha Yakka tartibdagi qarz bitimini imzolash toʻgʻrisida kelishuvga erishildi.

2. Belgilansinki, umumiy hisob-kitob qiymati 81,0 mln AQSH dollariga teng boʻlgan “Oʻztransgaz” aksiyadorlik kompaniyasining gaz uzatish tizimi boʻyicha boshqaruv tizimi va texnologik aloqani taʼminlash” investitsiya loyihasini moliyalashtirish:

“Oʻztransgaz” aksiyadorlik kompaniyasining 7,4 mln AQSH dollariga teng miqdordagi oʻz mablagʻlari;

XXR Eksimbankining 20 yil muddatga, shu jumladan 5 yil imtiyozli davr bilan beriladigan 73,6 mln AQSH dollari miqdoridagi qarz mablagʻlari, “Oʻzsanoatqurilishbank” OATB orqali qayta moliyalashtiriladigan, foiz stavkasi yiliga 2,5 foiz, shu jumladan qayta moliyalashtiruvchi bankning 0,5 foiz miqdoridagi marjasi.

3. Belgilab qoʻyilsinki:

“Oʻztransgaz” AK qarz oluvchi hamda XXR Eksimbankining qarz mablagʻlaridan maqsadli va samarali foydalanish hamda Loyihani amalga oshirish uchun masʼul boʻlgan ijro etuvchi organ hisoblanadi;

kreditlarni qaytarish hamda ular boʻyicha foizlar va vositachilik haqini toʻlash bilan bogʻliq xarajatlar “Oʻztransgaz” aksiyadorlik kompaniyasining oʻz valyuta mablagʻlari hisobiga amalga oshiriladi;

“Gʻallaorol — Toshkent” gaz transporti tizimi uchastkasidagi birinchi ishga tushirish majmuasi belgilangan muddatlarda muvaffaqiyatli foydalanishga topshirilgan taqdirda, loyihani kelgusida amalga oshirish 1-ilovaga muvofiq uning ijro bosqichlariga asosan davom ettiriladi.

4. “Oʻzsanoatqurilishbank” ochiq aksiyadorlik tijorat banki orqali qayta moliyalashtiriladigan XXR Eksimbanki krediti boʻyicha asosiy qarzni qaytarish, foizlar va vositachilik haqini toʻlashning prognoz jadvali 2-ilovaga muvofiq tasdiqlansin.

“Oʻzsanoatqurilishbank” ochiq aksiyadorlik tijorat banki belgilangan tartibda XXR Eksimbanki bilan Yakka tartibdagi qarz bitimini va XXR Eksimbankining qarz mablagʻlarini qayta moliyalashtirish boʻyicha “Oʻztransgaz” aksiyadorlik kompaniyasi bilan kredit shartnomasini tuzsin.

5. Oʻzbekiston Respublikasi Moliya vaziri XXR Eksimbankiga “Oʻzsanoatqurilishbank” OATBning toʻlov majburiyatlari boʻyicha Oʻzbekiston Respublikasi kafolatini belgilangan tartibda berishga vakil qilinsin.

Oʻzbekiston Respublikasi Adliya vazirligi qarz bitimida nazarda tutilgan shakl boʻyicha Oʻzbekiston Respublikasi kafolati yuzasidan belgilangan tartibda yuridik xulosa bersin.

6. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi “Oʻztransgaz” aksiyadorlik kompaniyasi bilan “Alcatel-Lucent Shanghai Bell So” kompaniyasi oʻrtasida imzolangan kontraktni belgilangan tartibda ekspertizadan oʻtkazsin va xulosalar bersin. (XXR).

7. “Oʻzbekneftgaz” milliy xolding kompaniyasi ikki oy muddatda “Gaz uzatish tizimi boʻyicha boshqaruv tizimi va texnologik aloqani taʼminlash” loyihasining texnik-iqtisodiy asoslanishini tasdiqlash uchun belgilangan tartibda Oʻzbekiston Respublikasi Vazirlar Mahkamasiga kiritsin.

8. Oʻzbekiston Respublikasi Davlat arxitektura va qurilish qoʻmitasi “Gaz uzatish tizimi boʻyicha boshqaruv tizimi va texnologik aloqani taʼminlash” loyihasi boʻyicha loyiha-smeta hujjatlari belgilangan tartibda ekspertizadan oʻtkazilishini hamda bajariladigan qurilish-montaj ishlari sifati ustidan davlat arxitektura-qurilish nazorati amalga oshirilishini taʼminlasin.

9. Koʻrsatib oʻtilgan loyiha doirasida XXR Eksimbanki mablagʻlari hisobiga xarid qilinadigan va “Oʻztransgaz” aksiyadorlik kompaniyasi tomonidan Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha olib kelinadigan asbob-uskunalar va materiallar loyihani amalga oshirish davrida 2012-yilning 1-yanvarigacha bojxona toʻlovlaridan (bojxona yigʻimlaridan tashqari) ozod qilinsin.

10. Oʻzbekiston Respublikasi Tashqi ishlar vazirligi “Oʻztransgaz” aksiyadorlik kompaniyasining buyurtmanomalari boʻyicha koʻrsatib oʻtilgan loyihani amalga oshirishda qatnashuvchi xorijiy mutaxassislarga kirish vizalari, shu jumladan koʻp martalik kirish vizalari belgilangan tartibda rasmiylashtirilishini taʼminlasin.

11. Oʻzbekiston Respublikasi Ichki ishlar vazirligi “Oʻztransgaz” aksiyadorlik kompaniyasining buyurtmanomalari boʻyicha koʻrsatib oʻtilgan loyihani amalga oshirishda qatnashuvchi xorijiy mutaxassislarga koʻp martalik vizalar berilishini va ularning muddati uzaytirilishini, shuningdek ularning vaqtincha yashash joyida vaqtincha roʻyxatdan oʻtkazilishini va vaqtincha roʻyxatdan oʻtkazish muddati uzaytirilishini belgilangan tartibda taʼminlasin, ularni davlat bojlari toʻlashdan ozod qilsin.

12. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2010-yil 4-iyun,

PQ-1347-son

Oʻzbekiston Respublikasi Prezidentining 2010-yil 4-iyundagi PQ-1347-son qaroriga 1-ILOVA

“Gaz uzatish tizimi boʻyicha boshqaruv tizimi va texnologik aloqani taʼminlash” investitsiya loyihasini amalga oshirish bosqichlari

Oʻzbekiston Respublikasi Prezidentining 2010-yil 4-iyundagi PQ-1347-son qaroriga 2-ILOVA

“Oʻzsanoatqurilishbank” OATB tomonidan qayta moliyalashtiriladigan xxr eksimbankining qarz mablagʻlari boʻyicha asosiy qarzni qaytarish, foizlar va vositachilik haqini toʻlashning

prognoz jadvali