Yangiariq tumanida traktorlar, oʻziyurar shassilar, meliorativ yoʻl-qurilish mashinalari va traktor tirkamalarini majburiy texnik koʻrikdan oʻtkazish toʻgʻrisida (72-son)

28.01.2013

xorazm viloyati Yangiariq tumani hokimining

Qarori

Oʻzbekiston Respublikasi Vazirlar Mahkamasining 2012-yil 6-dekabrdagi 345-sonli qaroriga Oʻzbekiston Respublikasi Qishloq va suv xoʻjaligi vazirining 2004-yil 15-noyabrdagi 248-sonli buyrugʻi bilan tasdiqlangan “Traktorlar, oʻziyurar shassilar, meliorativ yoʻl-qurilish mashinalari va traktor tirkamalarini majburiy texnik koʻrikdan oʻtkazish tartibi toʻgʻrisida”gi nizomga muvofiq qaror qilaman:

1. Yangiariq tuman qishloq xoʻjaligi texnikasi boʻyicha davlat inspektori (A. Davletov) tumandagi yuridik va jismoniy shaxslarga tegishli boʻlgan traktorlar ,oʻziyurar shassilar, meliorativ yoʻl-qurilish mashinalari va traktor tirkamalarining (keyingi oʻrinlarda “Mashinalar” deb yuritiladi) 2013-yilda (1-fevraldan 1-maygacha) texnik koʻrikdan oʻtkazilishini taʼminlasin.

Mashinalarni texnik koʻrikdan oʻtkazishda ulardan foydalanish qoidalariga rioya etilishi ustidan samarali nazoratni tashkil etish, amalda mavjudligini, mashinalar sonini, ularning holatini, roʻyxatdan oʻtkazish maʼlumotlarini aniqlashtirishga alohida eʼtibor qaratilsin.

2. Tumandagi mashinalarni majburiy texnik koʻrikdan oʻtkazish komissiyasi tarkibi 1-ilovaga muvofiq tasdiqlansin.

3. Mashinalarni majburiy texnik koʻrikdan oʻtkazish jadvali 2-ilovaga muvofiq tasdiqlansin.

4. Mashinalar texnik koʻrikdan oʻtkazilganligi uchun eng kam oylik ish haqining:

traktorlar, traktor tirkamalari, meliorativ texnika va oʻziyurar mashinalariga — 0,18 foizi;

qishloq xoʻjalik mashinalariga — 0,10 foizi;

mashina-traktor parklari, ustaxonalar va servis punktlarining asbob-uskunalari — 0,37 foizi;

birinchi texnik koʻrikda nosoz deb topilgan mashinalar takroriy texnik koʻrikdan oʻtkazilganligi uchun belgilangan miqdorda yigʻim qayta undirilsin.

5. Tuman qishloq xoʻjaligi texnikasi boʻyicha davlat inspektori (A. Davletov) belgilangan tartibda roʻyxatdan yoki majburiy texnik koʻrikdan oʻtkazilmagan nosoz mashinalarni yoʻlga chiqarilishini oldini olish va ulardan foydalanish qoidalariga rioya etilishi ustidan nazoratni kuchaytirsin.

6. Qaror matbuotda eʼlon qilinsin va davlat hisobiga olish uchun adliya boshqarmasiga taqdim etilsin.

7. Ushbu qarorning ijrosini nazorat qilish tuman hokimining birinchi oʻrinbosari K. Otajonovga yuklatilsin.

Hokim Sh. BEKChANOV

Yangiariq sh.,

2013-yil 28-yanvar,

72-son

Yangiariq tuman hokimining 2013-yil 28-yanvardagi 72-son qaroriga 1-ILOVA

2013-yilda traktorlar, oʻzi yurar shassilar, meliorativ yoʻl qurilish mashinalari va traktor tirkamalarini majburiy texnik koʻrikdan oʻtkazish boʻyicha tuman komissiyasi

TARKIBI

Yangiariq tuman hokimining 2013-yil 28-fevraldagi 72-son qaroriga 2-ILOVA

Tumandagi mashinalarni majburiy texnik koʻrikdan oʻtkazish

jadvali