Viloyatdagi bozorlarda bir martalik yigʻimlar, ijara toʻlovi va koʻrsatiladigan xizmatlar qiymati miqdorini belgilash toʻgʻrisida (23-Q-son)

28.01.2013

Andijon viloyati hokimining

Qarori

Oʻzbekiston Respublikasi Prezidentining 2010-yil 26-apreldagi “Dehqon bozorlari va savdo komplekslari faoliyatini tashkil qilishni yanada takomillashtirish chora-tadbirlari toʻgʻrisida”gi PQ-1326-sonli, shuningdek Oʻzbekiston Respublikasi Moliya vazirligi va Davlat soliq qoʻmitasining 2013-yil 7-yanvardagi “Bozorlar va savdo komplekslarining maʼmuriyati tomonidan undirib olinadigan bir martalik yigʻimlar ijara toʻlovi va koʻrsatiladigan xizmatlar qiymatining minimal miqdorini belgilash toʻgʻrisida”gi 1-sonli qoʻshma qarori talablari asosida viloyat bozorlarida joriy yil uchun bir martalik joy haqi, ijara va boshqa pullik xizmatlar uchun toʻlovlarning minimal miqdorlarini joriy etish maqsadida qaror qilaman:

1. Viloyat moliya boshqarmasi (№ 05-157; 25.01.13 y.), Davlat soliq boshqarmasi (№ 26-997; 24.01.13 y.) va “Andijonviloyatbozorlari” uyushmasining (№ 1/3-39; 24.01.13 y.) “Viloyat bozorlarida bir martalik joy haqi va pullik xizmatlar koʻrsatish badallariga oʻzgartirishlar kiritish toʻgʻrisida”gi taklifi maʼqullansin.

2. 2013-yil 28-yanvaridan boshlab viloyat bozorlarida yer maydonlari, binolar, inshootlar, boshqa mol-mulk va jihozlarning ijarasi, pullik xizmat toʻlovlari hamda bir martalik joy haqi miqdorlari ilovaga muvofiq belgilansin.

3. Viloyat moliya boshqarmasi (Sidiqov)ga viloyat Davlat soliq boshqarmasi (Tillavoldiyev) va “Andijonviloyatbozorlari” uyushmasi (Mamarasulov) bilan birgalikda yangi joriy etilayotgan joy haqi va koʻrsatilgan pullik xizmatlar uchun toʻlovlar miqdorlaridan kelib chiqqan holda bozorlarga oylik va choraklik tushum rejalarini belgilab, ularning bajarilishini hamda 50 foizini mahalliy budjetga yoʻnaltirilishini qatʼiy nazorat qilish vazifalari yuklatilsin.

4. Viloyat teleradiokompaniyasi (Neʼmatov) hamda “Andijonnoma” va “Andijanskaya pravda” gazetalari muharririyati (Abdullayev)ga viloyat bozorlarida bir martalik joy haqi va pullik xizmat toʻlovlarini yangi joriy etilayotgan miqdorlari toʻgʻrisida ommaviy axborot vositalari orqali keng ommaga yetkazish ishlarini amalga oshirsinlar.

5. “Andijonviloyatbozorlari” uyushmasi (Mamarasulov)ga, barcha turdagi bozorlar va savdo komplekslarining rahbarlari bilan birgalikda 2013-yil 1-fevralga qadar yangi tasdiqlangan “bir martalik yigʻimlar, ijara toʻlovi va koʻrsatiladigan xizmatlar qiymati miqdorlari toʻgʻrisida”gi maʼlumotlarni bozorlar va savdo komplekslarining barcha kirish joylariga ilib qoʻyish vazifasi topshirilsin.

6. Mazkur qaror qabul qilinishi munosabati bilan viloyat hokimining 2012-yil 19-martdagi “Viloyatdagi bozorlarda bir martalik yigʻimlar, ijara toʻlovi va koʻrsatiladigan xizmatlar qiymati miqdorini belgilash toʻgʻrisida”gi 63-Q-sonli qarori oʻz kuchini yoʻqotgan deb hisoblansin.

7. Ushbu qarorning bajarilishini nazorat qilish viloyat hokimining oʻrinbosari Sh. Ibragimov va viloyat hokimligining axborot-tahlil guruhi rahbari A. Hamdamov zimmalariga yuklatilsin.

Xokim A. USMANOV

Andijon sh.,

2013-yil 28-yanvar,

23-Q-son

Viloyat hokimining 2013-yil 28-yanvardagi 23-Q-sonli qaroriga ILOVA

Andijon viloyatidagi bozorlar va savdo komplekslarida bir martalik joy haqi va pullik xizmatlar koʻrsatish badallari

miqdori

Izoh:

bozorlarga qishloq xoʻjaligi mahsulotlarini yuklab kelgan barcha avtotransport va boshqa yuk tashish vositalaridan bozor hududiga kirish uchun toʻlovlar undirilmaydi va ushbu avtotransport vositalarida keltirilgan yuklarni tushirish uchun qulayliklar yaratish bozorlar maʼmuriyati zimmasidadir.

qishloq xoʻjaligi mahsulotlarini yetishtiruvchilar tomonidan bir marta olib kelingan va 10 kilogrammgacha boʻlgan mahsulotlardan yigʻim olinmaydi.

Oʻzlari yetishtirgan qishloq xoʻjaligi mahsulotlari sotuvchi ulugʻ vatan urushining nogironi, shaxsiy nafaqa oluvchi boʻlsalar ulardan yigʻim 50 foiz miqdorida undiriladi.

Respublika hududida ishlab chiqarilgan oziq-ovqat va sanoat mollari bilan bir qatorda import tovarlari sotilsa, joy haqi import tovarlariga belgilangan miqdorlarda undiriladi.

Oʻzbekiston Qahramonlari, qahramon onalar, ikkinchi jahon urushi qatnashchilari shaxsiy avtomashinalarini sotishda 50 foizli imtiyozlardan foydalaniladi.

yuqorida nomlari chiqmagan qishloq xoʻjaligi mahsulotlaridan joy haqi ushbu bozorda sotilayotgan boshqa turdagi qishloq xoʻjaligi mahsulotlari uchun belgilangan badallar boʻyicha undiriladi.

Andijon shahar bozorlari tarkibidagi bozorchalarda joy haqi va pullik xizmat toʻlovlari tuman bozorlari uchun belgilangan miqdorda undiriladi.

bozor hududidagi mulkchilik shaklidan qatʼi nazar, barcha sotuvchilar tomonidan shaxsiy oʻlchov asboblaridan (tarozi, tosh posangi) foydalanish qatʼiyan man etiladi.

bozor atrofi va hududida avtotransport vositalari faqat maxsus ajratilgan joylarda turadi.

dehqon bozorlarida bir savdo oʻrni 1.2 m, buyum bozorlarda esa 1.8 m belgilandi.