Tuman (shahar) obodonlashtirish boshqarmalari xodimlarining meʼyorlangan sonini belgilash toʻgʻrisidagi yoʻriqnomaga oʻzgartirishlar va qoʻshimcha kiritish toʻgʻrisida (1989-1-son)

29.10.2013

Oʻzbekiston “Oʻzkommunxizmat” Agentligi Oʻzbekiston Respublikasi Moliya vazirligining

Qarori

[Oʻzbekiston Respublikasi Adliya vazirligi tomonidan 2013-yil 29-oktabrda roʻyxatdan oʻtkazildi, roʻyxat raqami 1989-1]

Oʻzbekiston Respublikasi Vazirlar Mahkamasining 2013-yil 10-yanvardagi 4-son “Respublika aholi punktlarini obodonlashtirish ishlarini tashkil etishni takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2013-y., 2-son, 26-modda) muvofiq Oʻzbekiston “Oʻzkommunxizmat” agentligi va Oʻzbekiston Respublikasi Moliya vazirligi qaror qiladilar:

1. Oʻzbekiston “Oʻzkommunxizmat” agentligi va Oʻzbekiston Respublikasi Moliya vazirligining 2009-yil 16-iyundagi 07-125 va 64-son qarori (roʻyxat raqami 1989, 2009-yil 29-iyul) (Oʻzbekiston Respublikasi qonun hujjatlari toʻplami, 2009-y., 30-31-son, 354-modda) bilan tasdiqlangan Tuman (shahar) obodonlashtirish boshqarmalari xodimlarining meʼyorlangan sonini belgilash toʻgʻrisidagi yoʻriqnomaga ilovaga muvofiq oʻzgartirishlar va qoʻshimcha kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston “Oʻzkommunxizmat” agentligi bosh direktori U. XALMUXAMEDOV

Toshkent sh.,

2013-yil 21-oktabr,

116-son

Moliya vaziri R. AZIMOV

Toshkent sh.,

2013-yil 21-oktabr,

101-son

Oʻzbekiston “Oʻzkommunxizmat” agentligi va Oʻzbekiston Respublikasi Moliya vazirligining 2013-yil 21-oktabrdagi 116, 101-son qaroriga ILOVA

Tuman (shahar) obodonlashtirish boshqarmalari xodimlarining meʼyorlangan sonini belgilash toʻgʻrisidagi yoʻriqnomaga kiritilayotgan oʻzgartirishlar va qoʻshimcha

1. 6 va 7-bandlar quyidagi tahrirda bayon etilsin:

“6. Boshqarmalarning boshqaruv va muhandis-texnik xodimlarining cheklangan soni qonun hujjatlariga muvofiq belgilanadi.

Boshqarmalarda mavjud ish hajmlaridan kelib chiqqan holda boshqaruv va muhandis-texnik xodimlarining meʼyorlangan soni qonun hujjatlarida koʻrsatilgan xodimlar sonidan ham kamroq etib belgilanishi mumkin.

7. Boʻlim boshligʻi lavozimi qonun hujjatlariga muvofiq tasdiqlanadigan boshqarmalarning namunaviy tuzilmasidan kelib chiqqan holda joriy etiladi.”.

2. 8-band quyidagi mazmundagi xatboshi bilan toʻldirilsin:

“Bosh mexanik lavozimi boshqarma balansida 50 dan ortiq texnika birligi mavjud hollarda joriy etiladi. Har 10 gektar koʻkalamzorlashtiriladigan yer maydoniga 1 ta birlik agronom lavozimi joriy etiladi.”.

3. 10 va 11-bandlar oʻz kuchini yoʻqotgan deb hisoblansin.

4. 28 va 29-bandlar quyidagi tahrirda bayon etilsin:

“28. Boshqarmalarda zarur hollarda mazkur Yoʻriqnomaning 5-ilovasiga muvofiq asosiy ishlab chiqarish xodimlarining alohida lavozimlari kiritilishi mumkin.

29. Boshqarmalar yordamchi xodimlarining cheklangan soni qonun hujjatlariga muvofiq belgilanadi.”.

5. 1-ilova oʻz kuchini yoʻqotgan deb hisoblansin.

6. 5-ilovada “Lavozimni joriy etish shartlari” ustunining ikkinchi satri quyidagi tahrirda bayon etilsin:

“10 — 15 ta ishchiga 1 ta birlik”.

7. Ushbu oʻzgartirishlar va qoʻshimcha Oʻzbekiston Respublikasi Mehnat va aholini ijtimoiy muhofaza qilish vazirligi bilan kelishilgan.

Mehnat va aholini ijtimoiy muhofaza qilish vaziri A. XAITOV

2013-yil 21-oktabr