Respublika ilmiy-tadqiqot muassasalari xodimlarining maoshlarini oshirish toʻgʻrisida (PF-141-son)

12.02.1991

OʻZBEKISTON SOVET SOTSIALISTIK RESPUBLIKASI PREZIDENTINING

Farmoni

Tabiiy, texnika va ijtimoiy fanlarning yetakchi yoʻnalishlariga doir muhim tadqiqotlarni rivojlantirishni jadallashtirish, ilmiy-tadqiqot ishlari va olimlar mehnati uchun zarur shart-sharoit yaratish hamda ularning samaradorligini oshirishni ragʻbatlantirish maqsadida va bozor iqtisodiyotiga oʻtish munosabati bilan:

1. 1991-yilning 1-aprelidan Oʻzbekiston SSR Fanlar akademiyasi sistemasining ilmiy tashkilotlari, Oʻzbekiston SSR Oliy va oʻrta maxsus taʼlim vazirligi, Oʻzbekiston SSR Xalq taʼlimi vazirligi, VASXNIL Oʻrta Osiyo boʻlimi, Oʻzbekiston SSR Sogʻliqni saqlash vazirligi, Oʻzbekiston SSR Madaniyat vazirligi, Oʻzbekiston SSR Ijtimoiy taʼminot vazirligi, Oʻzbekiston SSR Iqtisodiyot komiteti, Oʻzbekiston SSR Adliya vazirligi va jumhuriyat Davlat budjetidan mablagʻ bilan taʼminlanadigan boshqa tashkilotlar rahbar, ilmiy va boshqa xodimlarining mansab maoshlari 30 foiz oshirilsin.

2. Ana shu mansab maoshlari davlat budjetidan ajratiladigan va ilmiy tashkilotlar qidirib topayotgan mablagʻlar hisobiga shartnomaviy ishlarni kengaytirish, tashkiliy tuzilmani takomillashtirish va boshqa tadbirlar hisobiga baravar ulushda oshirilsin.

Oʻzbekiston Sovet Sotsialistik Respublikasining Prezidenti I. KARIMOV

Toshkent sh.,

1991-yil 12-fevral,

PF-141-son