Toʻliq davlat taʼminotidagi yetim bolalarni va ota-ona qarovisiz qolgan bolalarni pul nafaqalari hamda kiyim-bosh, poyabzal va anjomlar sotib olish uchun nafaqalar, shuningdek transportda yurish kartochkalari bilan taʼminlash tartibi toʻgʻrisidagi nizomga oʻzgartirishlar va qoʻshimcha kiritish haqida (1187-1-son)

17.10.2013

Oʻzbekiston Respublikasi Xalq taʼlimi vazirligi Oʻzbekiston Respublikasi Moliya vazirligi Oʻzbekiston Respublikasi Mehnat va aholini ijtimoiy muhofaza qilish vazirligi Oʻzbekiston Respublikasi Oliy va oʻrta maxsus taʼlim vazirligining

Qarori

[Oʻzbekiston Respublikasi Adliya vazirligi tomonidan 2013-yil 17-oktabrda roʻyxatdan oʻtkazildi, roʻyxat raqami 1187-1]

Oʻzbekiston Respublikasi Vazirlar Mahkamasining 2002-yil 25-yanvardagi 33-son “Aholining ijtimoiy himoyaga muhtoj qatlamlarini aniq yoʻnaltirilgan tarzda qoʻllab-quvvatlashning 2002-2003-yillarda moʻljallangan dasturini amalga oshirish chora-tadbirlari toʻgʻrisida”gi qaroriga (Oʻzbekiston Respublikasi Hukumati qarorlarining toʻplami, 2002-y., 1-son, 5-modda) muvofiq, Oʻzbekiston Respublikasi Xalq taʼlimi vazirligi, Moliya vazirligi, Mehnat va aholini ijtimoiy muhofaza qilish vazirligi, Oliy va oʻrta maxsus taʼlim vazirligi qaror qiladilar:

1. Oʻzbekiston Respublikasi Xalq taʼlimi vazirligi, Moliya vazirligi, Mehnat va aholini ijtimoiy muhofaza qilish vazirligi hamda Oliy va oʻrta maxsus taʼlim vazirligining 2002-yil 21-oktabrdagi 86, 119, 01/30-93, 301-sonli qarori (roʻyxat raqami 1187, 2002-yil 11-noyabr) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2002-y., 21-son) bilan tasdiqlangan Toʻliq davlat taʼminotidagi yetim bolalarni va ota-ona qarovisiz qolgan bolalarni pul nafaqalari hamda kiyim-bosh, poyabzal va anjomlar sotib olish uchun nafaqalar, shuningdek transportda yurish kartochkalari bilan taʼminlash tartibi toʻgʻrisidagi nizomga ilovaga muvofiq oʻzgartirishlar va qoʻshimcha kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Xalq taʼlimi vaziri U. INOYATOV

Toshkent sh.,

2013-yil 25-sentabr,

37-son

Moliya vaziri R. AZIMOV

Toshkent sh.,

2013-yil 25-sentabr,

93-son

Mehnat va aholini ijtimoiy muhofaza qilish vaziri A. XAITOV

Toshkent sh.,

2013-yil 25-sentabr,

71q/q-son

Oliy va oʻrta maxsus taʼlim vaziri B. XODIYEV

Toshkent sh.,

2013-yil 25-sentabr,

46-qq-son

Oʻzbekiston Respublikasi Xalq taʼlimi vazirligi, Moliya vazirligi, Mehnat va aholini ijtimoiy muhofaza qilish vazirligi, Oliy va oʻrta maxsus taʼlim vazirligining 2013-yil 25-sentabrdagi 37, 93, 71q/q, 46-qq-sonli qaroriga ILOVA

Toʻliq davlat taʼminotidagi yetim bolalarni va ota-ona qarovisiz qolgan bolalarni pul nafaqalari hamda kiyim-bosh, poyabzal va anjomlar sotib olish uchun nafaqalar, shuningdek transportda yurish kartochkalari bilan taʼminlash tartibi toʻgʻrisidagi nizomga kiritilayotgan oʻzgartirishlar va qoʻshimcha

1. 3-bandda “11-sinfni” degan soʻzlar “akademik litsey yoki kasb-hunar kollejini” degan soʻzlar bilan almashtirilsin.

2. 4 va 13-bandlarda “klassifikatsiyasi boʻyicha 03-4-90-modda “Uy xoʻjaliklariga boshqa transfertlar” degan soʻzlar “tasnifining tegishli” degan soʻzlar bilan almashtirilsin.

3. 10-band quyidagi tahrirda bayon etilsin:

“10. Bitiruvchining istagiga muvofiq bitiruvchiga kiyim-bosh, poyabzal va anjomlar beriladigan boʻlsa, bitiruvchi taʼlim muassasasi rahbari nomiga oʻzi uchun zarur boʻlgan kiyim-bosh, poyabzal va anjomlar roʻyxatini koʻrsatgan holda ariza bilan murojaat qiladi. Bunda bitiruvchi kiyim-bosh, poyabzal va anjomlarni tanlashda mazkur Nizom ilovasidagi roʻyxatdan foydalanadi.”.

4. Mazkur oʻzgartirishlar va qoʻshimchaning ilovasiga muvofiq tahrirda ilova bilan toʻldirilsin.

Toʻliq davlat taʼminotidagi yetim bolalarni va ota-ona qarovisiz qolgan bolalarni pul nafaqalari hamda kiyim-bosh, poyabzal va anjomlar sotib olish uchun nafaqalar, shuningdek transportda yurish kartochkalari bilan taʼminlash tartibi toʻgʻrisidagi nizomga kiritilayotgan oʻzgartirishlar va qoʻshimchaga ILOVA

“Toʻliq davlat taʼminotidagi yetim bolalarni va ota-ona qarovisiz qolgan bolalarni pul nafaqalari hamda kiyim-bosh, poyabzal va anjomlar sotib olish uchun nafaqalar, shuningdek transportda yurish kartochkalari bilan taʼminlash tartibi toʻgʻrisidagi nizomga ILOVA

Toʻliq davlat taʼminotidagi yetim bolalar va ota-ona qarovisiz qolgan bolalarga beriladigan kiyim-bosh, poyabzal va anjomlar

roʻyxati

(Oʻzbekiston Respublikasi qonun hujjatlari toʻplami, 2013-y., 42-son, 567-modda)