“Tijorat banklari tomonidan kredit portfeli tarkibida uzoq muddatli investitsiyaviy moliyalashning ulushiga qarab foyda soligʻi boʻyicha soliq imtiyozlarini qoʻllash tartibi toʻgʻrisida”gi nizomga oʻzgartirishlar kiritish haqida (2021-1-son)

14.10.2013

Oʻzbekiston Respublikasi Moliya vazirligi Oʻzbekiston Respublikasi Markaziy banki Boshqaruvi Oʻzbekiston Respublikasi Davlat soliq qoʻmitasining

Qarori

[Oʻzbekiston Respublikasi Adliya vazirligi tomonidan 2013-yil 14-oktabrda roʻyxatdan oʻtkazildi, roʻyxat raqami 2021-1]

Oʻzbekiston Respublikasi Prezidentining 2012-yil 16-iyuldagi PF-4453-son “Statistik, soliq, moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari toʻgʻrisida”gi Farmoniga (Oʻzbekiston Respublikasi qonun hujjatlari toʻplami, 2012-y., 29-son, 327-modda) muvofiq Oʻzbekiston Respublikasi Moliya vazirligi, Markaziy banki Boshqaruvi va Davlat soliq qoʻmitasi qaror qiladilar:

1. Oʻzbekiston Respublikasi Moliya vazirligi, Markaziy banki Boshqaruvi va Davlat soliq qoʻmitasining 2009-yil 18-sentabrdagi 92, 26/I, 2009-28-son qarori (roʻyxat raqami 2021, 2009-yil 19-oktabr) (Oʻzbekiston Respublikasi qonun hujjatlari toʻplami, 2009-y., 43-son, 462-modda) bilan tasdiqlangan “Tijorat banklari tomonidan kredit portfeli tarkibida uzoq muddatli investitsiyaviy moliyalashning ulushiga qarab foyda soligʻi boʻyicha soliq imtiyozlarini qoʻllash tartibi toʻgʻrisida”gi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Moliya vaziri R. AZIMOV

Toshkent sh.,

2013-yil 19-sentabr,

88-son

Markaziy bank raisi F. MULLAJONOV

Toshkent sh.,

2013-yil 19-sentabr,

314-V-1-son

Davlat soliq qoʻmitasi raisi B. PARPIYEV

Toshkent sh.,

2013-yil 19-sentabr,

2013-44-son

Oʻzbekiston Respublikasi Moliya vazirligi, Markaziy banki Boshqaruvi va Davlat soliq qoʻmitasining 2013-yil 19-sentabrdagi 88, 314-V-1, 2013-44 - son qaroriga ILOVA

Tijorat banklari tomonidan kredit portfeli tarkibida uzoq muddatli investitsiyaviy moliyalashning ulushiga qarab foyda soligʻi boʻyicha soliq imtiyozlarini qoʻllash tartibi toʻgʻrisidagi nizomga kiritilayotgan oʻzgartirishlar

1. 9-bandning birinchi jumlasi quyidagi tahrirda bayon etilsin:

“Imtiyozlarni qoʻllash uchun tijorat banklari davlat soliq xizmati organlariga hisobot yili yakuni boʻyicha Yuridik shaxslardan olinadigan foyda soligʻi va obodonlashtirish va ijtimoiy infratuzilmani rivojlantirish soligʻi hisob-kitoblarini taqdim qilish bilan bir vaqtda ushbu Nizomning 1-ilovasiga asosan Kredit portfeli tarkibida uzoq muddatli investitsiyaviy moliyalashning ulushi hisob-kitobi – Maʼlumotnomani taqdim qiladilar.”.

2. 1-ilova mazkur oʻzgartirishlarning ilovasiga muvofiq tahrirda bayon etilsin.

Tijorat banklari tomonidan kredit portfeli tarkibida uzoq muddatli investitsiyaviy moliyalashning ulushiga qarab foyda soligʻi boʻyicha soliq imtiyozlarini qoʻllash tartibi toʻgʻrisidagi nizomga kiritilayotgan oʻzgartirishlarga ILOVA

“Tijorat banklari tomonidan kredit portfeli tarkibida uzoq muddatli investitsiyaviy moliyalashning ulushiga qarab foyda soligʻi boʻyicha soliq imtiyozlarini qoʻllash tartibi toʻgʻrisidagi nizomga 1-ILOVA

Kredit portfeli tarkibida uzoq muddatli investitsiyaviy moliyalash ulushi HISOB-KITOBI — MAʼLUMOTNOMA

* Brutto — ishonchsiz qarzlar boʻyicha yaratilgan zaxiralarni hisobga olmagan holdagi kredit yoki lizing summasi

(Oʻzbekiston Respublikasi qonun hujjatlari toʻplami, 2013-y., 42-son, 562-modda)