Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida (2090-7-son)

30.09.2013

Oʻzbekiston Respublikasi Adliya vazirining

buyrugʻi

[Oʻzbekiston Respublikasi Adliya vazirligi tomonidan 2013-yil 30-sentabrda roʻyxatdan oʻtkazildi, roʻyxat raqami 2090-7]

Oʻzbekiston Respublikasi Prezidentining 2011-yil 23-avgustdagi PQ–1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2012-y., 29-son, 329-modda) muvofiq buyuraman:

1. Oʻzbekiston Respublikasi adliya vazirining 2010-yil 30-martdagi 64-mh-son buyrugʻi (roʻyxat raqami 2090, 2010-yil 30-mart) (Oʻzbekiston Respublikasi qonun hujjatlari toʻplami, 2010-y., 13-son, 99-modda) bilan tasdiqlangan Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq davlat roʻyxatidan oʻtkazilsin va bu haqda Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining davlat reyestriga tegishli yozuv kiritilsin.

3. Qonun hujjatlarini turkumlash va huquqiy axborot boshqarmasi (D. Ogay) hamda Notariat, advokatura va FHDY organlari boshqarmasi (D. Yakubova) ushbu normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etishni taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

5. Mazkur buyruq ijrosini nazorat qilish vazir oʻrinbosari O. Murodov zimmasiga yuklansin.

Vazir N. YOʻLDOShEV

Toshkent sh.,

2013-yil 30-sentabr,

297-mh-son

Oʻzbekiston Respublikasi adliya vazirining 2013-yil 30-sentabrdagi 297-mh-sonli buyrugʻiga ILOVA

Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga kiritilayotgan oʻzgartirish va qoʻshimchalar

1. 4-bandning toʻrtinchi xatboshisidagi beshinchi jumla quyidagi tahrirda bayon etilsin:

“Bitim predmeti boʻlgan obyektni boshqa shaxsga oʻtkazishni taqiqlash yoki xatlov mavjud emasligi toʻgʻrisidagi kredit axboroti kredit byurosiga hamda bitim predmeti boʻlgan koʻchmas mulk obyektini boshqa shaxsga oʻtkazishning taqiqlanmaganligi va mazkur koʻchmas mulk obyektining xatlanmaganligi toʻgʻrisidagi axborot rieltorlik tashkilotiga ularning soʻroviga koʻra taqdim etiladi.”.

2. 18-banddagi, 45-bandning beshinchi va oʻn oltinchi xatboshilaridagi, 107-bandning uchinchi xatboshisidagi, 185 va 202-bandlardagi “roʻyxatga olingan” degan soʻzlar “yoki vaqtincha propiska qilingan (hisobga olingan)” degan soʻzlar bilan almashtirilsin.

3. 19-bandning birinchi xatboshisida:

birinchi jumla chiqarib tashlansin;

“Qoʻshimcha va tuzatishlar” degan soʻzlar “Hujjatdagi qoʻshimcha va tuzatishlar” degan soʻzlar bilan almashtirilsin.

4. Quyidagi mazmundagi 351-band bilan toʻldirilsin:

“351. Notariuslar tomonidan notarial harakatlarni amalga oshirishda audio, video va foto qurilmalardan foydalanishlari mumkin. Notarial harakatlarni amalga oshirish uchun murojaat qilgan shaxslar bu haqda ogohlantiriladi.”.

5. 43-banddagi “2-bandiga asosan” degan soʻzlar “1 va 2-bandlariga asosan davlat boji qonun hujjatlarida talab qilinganidan ortiqcha miqdorda toʻlanganida va” degan soʻzlar bilan almashtirilsin.

6. 53-bandning oʻn sakkizinchi xatboshisi quyidagi tahrirda bayon etilsin:

“Qoraqalpogʻiston Respublikasi arxitektura va qurilish qoʻmitasi, viloyatlar va Toshkent shahar arxitektura va qurilish bosh boshqarmalari yoki shaharlar va tumanlar arxitektura va qurilish boshqarmalari (boʻlimlari)ning uyning buzilishi yoki buzilmasligi toʻgʻrisidagi maʼlumotnomasi;”.

7. 65-bandning ikkinchi xatboshisidagi “roʻyxatda” degan soʻz “propiskada” degan soʻz bilan almashtirilsin.

8. 74-bandning yettinchi xatboshisi quyidagi tahrirda bayon etilsin:

“Qoraqalpogʻiston Respublikasi arxitektura va qurilish qoʻmitasi, viloyatlar va Toshkent shahar arxitektura va qurilish bosh boshqarmalari yoki shaharlar va tumanlar arxitektura va qurilish boshqarmalari (boʻlimlari)ning uyning buzilishi yoki buzilmasligi toʻgʻrisidagi maʼlumotnomasi.”.

9. 77-bandda:

oltinchi xatboshidagi “Oʻzbekiston Respublikasi Davlat mulki qoʻmitasi” degan soʻzlar “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi” degan soʻzlar bilan almashtirilsin;

yettinchi xatboshi quyidagi tahrirda bayon etilsin:

“Qoraqalpogʻiston Respublikasi arxitektura va qurilish qoʻmitasi, viloyatlar va Toshkent shahar arxitektura va qurilish bosh boshqarmalari yoki shaharlar va tumanlar arxitektura va qurilish boshqarmalari (boʻlimlari)ning uy, kvartira, uyning yoki kvartiraning bir qismi buzilishi yoki buzilmasligi toʻgʻrisidagi maʼlumotnomasi;”.

10. 78-bandning oʻn beshinchi xatboshisi quyidagi tahrirda bayon etilsin:

“Qoraqalpogʻiston Respublikasi arxitektura va qurilish qoʻmitasi, viloyatlar va Toshkent shahar arxitektura va qurilish bosh boshqarmalari yoki shaharlar va tumanlar arxitektura va qurilish boshqarmalari (boʻlimlari)ning uyning buzilishi yoki buzilmasligi toʻgʻrisidagi maʼlumotnomasi.”.

11. 80-bandda:

sakkizinchi xatboshidagi “Oʻzbekiston Respublikasi Davlat mulki qoʻmitasining” degan soʻzlar “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasining” degan soʻzlar bilan almashtirilsin;

oʻninchi xatboshidagi “roʻyxatga olingan” degan soʻzlar “propiska qilingan” degan soʻzlar bilan almashtirilsin.

12. 95-bandning oʻn beshinchi xatboshisi quyidagi tahrirda bayon etilsin:

“Qoraqalpogʻiston Respublikasi arxitektura va qurilish qoʻmitasi, viloyatlar va Toshkent shahar arxitektura va qurilish bosh boshqarmalari yoki shaharlar va tumanlar arxitektura va qurilish boshqarmalari (boʻlimlari)ning uyning buzilishi yoki buzilmasligi toʻgʻrisidagi maʼlumotnomasi;”.

13. 96-bandning ikkinchi xatboshisidagi “Oʻzbekiston Respublikasi Davlat mulki qoʻmitasi” degan soʻzlar “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi” degan soʻzlar bilan almashtirilsin.

14. 120-banddagi “tasdiqlashlari” degan soʻz “tasdiqlashi” degan soʻz bilan almashtirilsin.

15. 125-bandda:

uchinchi xatboshidan “va kadastr hujjatlari yigʻmajildi” degan soʻzlar chiqarib tashlansin;

toʻrtinchi xatboshi quyidagi tahrirda bayon etilsin:

“Qoraqalpogʻiston Respublikasi arxitektura va qurilish qoʻmitasi, viloyatlar va Toshkent shahar arxitektura va qurilish bosh boshqarmalari yoki shaharlar va tumanlar arxitektura va qurilish boshqarmalari (boʻlimlari)ning uy, kvartira, uyning yoki kvartiraning bir qismi buzilishi yoki buzilmasligi toʻgʻrisidagi maʼlumotnomasi;”;

beshinchi va oʻn sakkizinchi xatboshilar chiqarib tashlansin;

oltinchi — yigirma ikkinchi xatboshilar beshinchi — yigirmanchi xatboshilar deb hisoblansin;

beshinchi, oʻninchi, oʻn birinchi xatboshilardagi “roʻyxatga olingan” degan soʻzlar “propiska qilingan” degan soʻzlar bilan almashtirilsin.

16. 128-bandning yettinchi xatboshisidan “narsasi kim tomonidan” degan soʻzlar “narsasining” degan soʻz bilan almashtirilsin.

17. 136-bandda:

toʻrtinchi xatboshidagi “roʻyxatda turuvchi” va “roʻyxatga olingan” degan soʻzlar “propiska qilingan” degan soʻzlar bilan almashtirilsin;

yettinchi xatboshidagi “Oʻzbekiston Respublikasi Davlat mulki qoʻmitasining” degan soʻzlar “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasining” degan soʻzlar bilan almashtirilsin.

18. 175-bandning ikkinchi jumlasi quyidagi tahrirda bayon etilsin:

“Bunday holda vasiyatnomaning har ikki nusxasiga bu haqda yozib qoʻyiladi, ushbu Yoʻriqnomaning 174-bandida koʻrsatilgan shaxslar guvoh boʻlishlari mumkin emas.”.

19. 176-bandning ikkinchi xatboshisidagi, 178-bandning birinchi xatboshisidagi, 179-bandning ikkinchi xatboshisidagi, 264 va 277-bandlardagi “roʻyxatga olingan” degan soʻzlar “propiska qilingan” degan soʻzlar bilan almashtirilsin.

20. 204-bandning birinchi xatboshisi “(ishonchnoma boʻyicha toʻliq maʼlumotlar bilan)” degan soʻzlardan keyin “va ishonchli vakilga” degan soʻzlar bilan toʻldirilsin.

21. 345-bandda:

ikkinchi xatboshi “, ijro xatining qaysi ish boʻyicha berilganligi” degan soʻzlar bilan toʻldirilsin;

uchinchi va toʻrtinchi xatboshilar “(jismoniy shaxslar uchun tugʻilgan sanasi va joyi, ish joyi)” degan soʻzlar bilan toʻldirilsin.