Gʻalaba kuni bayram qilinishi munosabati bilan Ulugʻ Vatan urushi qatnashchilarini ragʻbatlantirish toʻgʻrisida (PF-599-son)

26.04.1993

Oʻzbekiston Respublikasi Prezidentining

Farmoni

Ulugʻ Vatan urushi qatnashchilarining Oʻzbekiston Respublikasi davlat manfaatlarini himoya qilishdagi, uning iqtisodiyoti, madaniyatini rivojlantirishdagi, mustaqillikni shakllantirishdagi, yosh avlodni tarbiyalashdagi katta xizmatlari uchun shuningdek 9-may — Falaba kuni bayram qilinishi munosabati bilan:

1. Ulugʻ Vatan urushi qatnashchilari va nogiron baynalminal jangchilar, shuningdek halok boʻlgan harbiy xizmatchilarning oilalari 10 ming soʻm miqdorda pul bilan mukofotlansin.

2. Oʻzbekiston Respublikasining Moliya vazirligi Oʻzbekiston Respublikasi Ijtimoiy taʼminot vazirligi va Oʻzbekiston Respublikasining Pensiya jamgʻarmasi bilan birgalikda bir hafta muddat ichida mazkur Farmonda koʻzda tutilgan xarajatlarni pul bilan taʼminlash tartibi va manbalarini aniqlasin.

3. Oʻzbekiston Respublikasining Markaziy banki, Oʻzbekiston Respublikasining Pensiya jamgʻarmasi, Ijtimoiy taʼminot vazirligi, Mudofaa vazirligi, Ichki ishlar vazirligi, Oʻzbekiston Respublikasining Milliy xavfsizlik xizmati yuqorida koʻrsatilgan ragʻbatlantirish mukofotining oʻz vaqtida toʻlanishini taʼminlasinlar.

Oʻzbekiston Respublikasining Prezidenti I. KARIMOV

Toshkent sh.,

1993-yil 26-aprel,

PF-599-son