Sirdaryo tumanida tozalash va tozalikni saqlash maqsadida chiqindi uchun narxlarning yangi tariflarini belgilash toʻgʻrisida (992-son)

30.04.2013

Sirdaryo viloyati Sirdaryo tuman hokimining

Qarori

Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga (Oʻzbekiston Respublikasi Oliy Kengashining Axborotnomasi, 1993-y., 9-son 320-modda), Oʻzbekiston Respublikasining “Chiqindilar toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 2002-y., 4-5-son, 72-modda; 2003-y., 5-son, 67-modda, 9-10-son, 149-modda; Oʻzbekiston Respublikasi qonun hujjatlari toʻplami, 2007-y., 50-51-son, 512-modda; 2011-y., 1-2-son, 1-modda, 36-son, 365-modda) va Oʻzbekiston Respublikasi Vazirlar Mahkamasining 2010-yil 28-oktabrdagi Tovarlar (ishlar, xizmatlar)ga tartibga solinadigan narxlar (tariflar)ni deklaratsiya qilish (tasdiqlash) va belgilash tartibini yanada takomillashtirish chora-tadbirlari toʻgʻrisidagi qarori (Oʻzbekiston Respublikasi qonun hujjatlari toʻplami, 2010-y., 42-43-son) ijrosini taʼminlash maqsadida hamda Sirdaryo tumani obodonlashtirish boshqarmasining 2013-yil 20-martdagi 57-sonli “Sanitar tozalik boʻyicha reja koʻrsatkichlarini bajarish, tuman atrof muhitini tozalash va tozalikni saqlash uchun (QMCh) qattiq maishiy chiqindisi va aholidan bir kishi uchun yangi narxga oʻtish hisobini tasdiqlash toʻgʻrisida”gi xatini koʻrib chiqib, qaror qilaman:

1. Sirdaryo tuman obodonlashtirish boshqarmasining 2013-yil 20-martdagi 57-sonli “Tumanda tozalash va tozalikni saqlash maqsadida chiqindi narxlarini yangi tariflarini belgilash toʻgʻrisida”gi xati inobatga olinsin.

2. Sirdaryo tuman obodonlashtirish boshqarmasida tozalash va tozalikni saqlash boʻlimi rejalarini bajarish uchun quyidagi yangi narxda tasdiqlansin;

a) 1 kub metr (QMCh) qattiq maishiy chiqindi — 23,757 soʻm;

b) 1 kub metr (SMCh) suyuq maishiy chiqindi — 25,633 soʻm;

v) aholidan bir kishi uchun — 1501 soʻm;

g) doʻkonlar va savdo shoxobchalari 1 kv metr uchun — 1500 soʻm;

d) kafe, choyxona va umumiy ovqatlanish obyektlari 1 kv metr uchun — 1000 soʻm;

3. Mazkur qarorning ijrosini nazorat qilish tuman hokimining birinchi oʻrinbosari Gʻ. Axmedov zimmasiga yuklansin.

4. Ushbu qaror rasmiy nashrda eʼlon qilingan kundan eʼtiboran kuchga kiradi.

Hokim v. v. b. Gʻ. AXMEDOV

Sirdaryo sh,

2013-yil 30-aprel,

992-son