Oʻzbekneftgaz neft va gaz sanoati milliy korporatsiyasini “Oʻzbekneftgaz” milliy xolding kompaniyasiga aylantirish toʻgʻrisida (PF-2154-son)

11.12.1998

Oʻzbekiston Respublikasi Prezidentining

Farmoni

Neft va gaz qazib chiqarish hajmlarini koʻpaytirish, yangi neft va gaz konlari oʻzlashtirilishini jadallashtirish, neft va gazni qayta ishlash hamda tashish samaradorligini oshirish, xorijiy sarmoyalarni jalb etish borasidagi ishlarni faollashtirish, respublikaning neft va gaz sanoatida bozor munosabatlarini yanada rivojlantirish hamda neft-gaz tarmogʻini boshqarish tuzilmasini takomillashtirish maqsadida:

1. Oʻzbekiston Respublikasi Davlat mulki qoʻmitasining, “Oʻzbekneftgaz” neft va gaz sanoati Milliy korporatsiyasi korxonalari va tashkilotlarining:

a) “Oʻzbekneftgaz” Milliy korporatsiyasini “Oʻzbekneftgaz” milliy xolding kompaniyasiga aylantirish;

“Oʻzneftgazqurilish” va “Oʻzdavneftmahsulot” davlat aksiyadorlik birlashmalarini tegishli ravishda “Oʻzneftgazqurilish” va “Oʻzneftmahsulot” aksiyadorlik kompaniyalariga aylantirish;

“Oʻztransgaz” va “Oʻzneftniqaytaishlash” ishlab chiqarish birlashmalarini “Oʻztransgaz” va “Oʻzneftniqaytaishlash” aksiyadorlik kompaniyalariga aylantirish;

“Oʻzneftgaztaʼminot” savdo ishlab chiqarish aksiyadorlik birlashmasini “Oʻzneftgazishchitaʼminot” aksiyadorlik kompaniyasiga aylantirish toʻgʻrisidagi;

b) “Oʻzneftgazqazibchiqarish” davlat aksiyadorlik birlashmasi hamda “Oʻzbekgeofizika” davlat geologiya korxonasi negizida “Oʻzgeoneftgazqazibchiqarish” aksiyadorlik kompaniyasini tashkil qilish;

“Oʻzneftqazibchiqarish” davlat aksiyadorlik birlashmasi hamda “Oʻzneftgazgeologiya” davlat geologiya korxonasining pudrat burgʻulash tashkilotlari negizida “Oʻzburgʻuneftgaz” aksiyadorlik kompaniyasini tashkil etish;

tarmoqning hamda “Oʻzmashsanoat” uyushmasiga qarashli “Oʻzbekkimyomash” ochiq turdagi aksiyadorlik jamiyatining mashinasozlik korxonalari negizida “Oʻzneftgazmash” aksiyadorlik kompaniyasini tashkil qilish toʻgʻrisidagi taklifi qabul qilinsin.

3. Quyidagilar “Oʻzbekneftgaz” xolding kompaniyasining ustav jamgʻarmasiga oʻtkazilsin:

ushbu Farmonga muvofiq oʻzgartirilgan yoki tashkil qilingan aksiyadorlik kompaniyalari aksiyalari paketining 51 foizi;

bevosita xolding kompaniyasiga hisob beradigan davlat korxonalarining mulki;

xolding kompaniyasiga uyushgan qatnashchilar — aksiyadorlik jamiyatlarida davlatga tegishli boʻlgan aksiyalarning paketlari.

Xolding kompaniyasi hamda uning aksiyadorlik kompaniyalarining ustav jamgʻarmalariga oʻtkazilgan aksiyalarning paketlarini va davlatga tegishli mulkni samarali boshqarish uchun javobgarlik “Oʻzbekneftgaz” xolding kompaniyasi zimmasiga yuklansin.

Belgilab qoʻyilsinki, “Oʻzbekneftgaz” xolding kompaniyasida va xolding aksiyadorlik kompaniyalarida davlatga tegishli aksiyalarni, shuningdek tarmoqning davlat korxonalaridagi mulkini fond bozorlarida sotish Oʻzbekiston Respublikasi Vazirlar Mahkamasining qaroriga binoan amalga oshiriladi.

4. “Oʻzbekneftgaz” Milliy xolding kompaniyasi yuridik shaxs boʻlib, ochiq turdagi aksiyadorlik jamiyati shaklida taʼsis etilishi;

“Oʻzbekneftgaz” xolding kompaniyasi “Oʻzbekneftgaz” korporatsiyasi tomonidan tuzilgan shartnomalar va majburiyatlar boʻyicha huquqiy voris ekanligi belgilab qoʻyilsin.

5. “Oʻzbekiston neft va gaz sanoati davlat konsernini “Oʻzbekneftgaz” neft va gaz sanoati Milliy korporatsiyasiga aylantirish toʻgʻrisida” 1992-yil 23-dekabrdagi PF-518-son Farmon oʻz kuchini yoʻqotgan deb hisoblansin.

6. Vazirlar Mahkamasi oʻn kun muddatda mazkur Farmonni ijro etish yuzasidan qaror qabul qilsin.

Oʻzbekiston Respublikasining Prezidenti I. KARIMOV

Toshkent sh.,

1998-yil 11-dekabr,

PF-2154-son