Arab muvofiqlashtirish guruhi ishtirokidagi “4R87 Gʻuzor-Chim-Koʻkdala yoʻlini rekonstruksiya qilish” loyihasini amalga oshirish boʻyicha birinchi navbatdagi chora-tadbirlar toʻgʻrisida (90-son)

28.03.2011

Oʻzbekiston Respublikasi Vazirlar Mahkamasining

qarori

Oʻzbekiston milliy avtomagistrallarini yanada kengroq qamrovda rekonstruksiya qilish va qurish, respublikada xalqaro talablar va standartlarga javob beradigan avtomobil yoʻllari tarmogʻini rivojlantirish va takomillashtirish, mamlakatimizning barcha hududlari oʻrtasida ishonchli transport aloqalarini va avtomobil transportida samarali xalqaro tranzit tashishlarini taʼminlash, shuningdek, Arab muvofiqlashtirish guruhi bilan hamkorlikni kengaytirish maqsadida Vazirlar Mahkamasi qarori qiladi:

1. “4R87 Gʻuzor-Chim-Koʻkdala avtomobil yoʻlini rekonstruksiya qilish” loyihasini amalga oshirish maqsadida Quvayt Arab Iqtisodiy Taraqqiyot Jamgʻarmasi (QAITJ) tomonidan Oʻzbekiston Respublikasiga 6,0 million Quvayt dinori (21,0 million AQSH dollari ekvivalenti) miqdorida 20 yil muddatga, jumladan 5 yillik imtiyoz davrini bilan birga, qarz mablagʻlari ajratilishi tasdiqlangani maʼlumot uchun qabul qilinsin.

2. Belgilansinki, “4R87 Gʻuzor-Chim-Koʻkdala avtomobil yoʻlini rekonstruksiya qilish” loyihasini amalga oshirish doirasida:

loyihani oʻz vaqtida amalga oshirish, jalb qilingan mablagʻlardan maqsadli va samarali foydalanish uchun masʼul boʻlgan ijro etuvchi organ Oʻzbekiston Respublikasi Moliya vazirligi huzuridagi Respublika yoʻl jamgʻarmasi hisoblanadi;

(QAITJ) qarzini toʻlash bilan bogʻliq xarajatlar, shuningdek, qarz boʻyicha foizlar va komissiyalar Oʻzbekiston Respublikasi Moliya vazirligi huzuridagi Respublika yoʻl jamgʻarmasi mablagʻlari hisobidan qoplanadi.

3. (QAITJ) tomonidan taqdim etilgan qarzni, shuningdek, “4R87 Gʻuzor-Chim-Koʻkdala avtomobil yoʻlini rekonstruksiya qilish” loyihasini amalga oshirish uchun taqdim etilgan qarz boʻyicha foizlar va komissiyalarni toʻlash prognoz jadvali ilovaga muvofiq tasdiqlansin.

4. Oʻzbekiston Respublikasi Moliya vaziriga Oʻzbekiston Respublikasi Hukumati nomidan (QAITJ) bilan qarz shartnomasini imzolash vakolati berilsin.

5. Oʻzbekiston Respublikasi Moliya vazirligi huzuridagi Respublika yoʻl jamgʻarmasi kelishilgan moliyalashtirish shartlaridan kelib chiqqan holda ikki oy muddatda “4R87 Gʻuzor-Chim-Koʻkdala avtomobil yoʻlini rekonstruksiya qilish” loyihasining texnik-iqtisodiy asos hisoblarini ishlab chiqsin va vakolatli ekspert organlar tomonidan tasdiqlanishini hamda belgilangan tartibda Oʻzbekiston Respublikasi Vazirlar Mahkamasining tasdiqlashiga kiritilishini taʼminlasin.

6. Oʻzbekiston Respublikasi Adliya vazirligi Oʻzbekiston Respublikasi va (QAITJ) oʻrtasidagi qarz shartnomasi boʻyicha belgilangan tartibda huquqiy xulosa taqdim etsin.

7. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklatilsin.

Oʻzbekiston Respublikasi Prezidenti I. KARIMOV

Toshkent sh.,

2011-yil 28-mart,

90-son

Vazirlar Mahkamasining 2011-yil 28-martdagi 90-sonli qaroriga ILOVA

(QAITJ) qarzini qayta toʻlash, shuningdek, qarz boʻyicha foizlar va komissiya xarajatlarini toʻlash

PROGNOZ JADVALI*

* Qarz olish muddati prognoz qilinadi va Qarz shartnomasining kuchga kirgan sanasiga bogʻliq.

** Toʻlov summalari qarzdan haqiqiy foydalanishga qarab toʻgʻrilanadi.