Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazi faoliyatini tashkil etish toʻgʻrisida (226-son)
15.08.2013
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazini tashkil etish toʻgʻrisida” 2013-yil 3-iyuldagi PQ-1994-son qarorining 4-bandini bajarish yuzasidan hamda sport tibbiyoti sohasida yagona davlat siyosatini amalga oshirishda uning samarali faoliyatini tashkil etish maqsadida Vazirlar Mahkamasi qaror qiladi:
1. Quyidagilar:
Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazi toʻgʻrisidagi nizom 1-ilovaga muvofiq;
Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazi faoliyatini tashkil etishga doir chora-tadbirlar kompleksi 2-ilovaga muvofiq tasdiqlansin.
2. Oʻzbekiston Respublikasi Milliy olimpiya qoʻmitasi Respublika sport tibbiyoti ilmiy-amaliy markazi uchun bino qurilishi tugallangandan va foydalanishga qabul qilingandan keyin bir oy muddatda Markazning xarajatlar smetasini va shtatlar jadvalini belgilangan tartibda tasdiqlasin.
Belgilansinki, Sport tibbiyoti markazi faoliyatini moliyalashtirish oʻzini oʻzi mablagʻ bilan taʼminlash va oʻz xarajatlarini oʻzi qoplash asosida oʻz mablagʻlari hisobiga, zarurat boʻlganda esa, Oʻzbekiston Respublikasi Milliy olimpiya qoʻmitasi hamda Oʻzbekiston Respublikasi Milliy olimpiya qoʻmitasi huzuridagi Oʻzbekiston olimpiadachilarini qoʻllab-quvvatlash jamgʻarmasi mablagʻlari hisobiga amalga oshiriladi.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2013-yil 15-avgust,
226-son
Vazirlar Mahkamasining 2013-yil 15-avgustdagi 226-son qaroriga 1-ILOVA
Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazi toʻgʻrisida
Nizom
I. Umumiy qoidalar
1. Respublika sport tibbiyoti ilmiy-amaliy markazi (keyingi oʻrinlarda Sport tibbiyoti markazi deb ataladi) Oʻzbekiston Respublikasi Prezidentining “Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazini tashkil etish toʻgʻrisida” 2013-yil 3-iyuldagi PQ-1994-son qaroriga muvofiq tashkil etilgan.
Sport tibbiyoti markazi sport tibbiyoti sohasida yagona davlat siyosatini amalga oshiruvchi, sport turlari boʻyicha Oʻzbekiston milliy terma jamoalari aʼzolari boʻlgan sportchilarni va ularning barcha yosh toifalaridagi zaxirasini (keyingi oʻrinlarda birkitilgan kontingent deb ataladi) tibbiy-biologik va tibbiy-psixologik jihatdan musobaqalarga tayyorlashni taʼminlovchi ixtisoslashtirilgan bosh tibbiyot muassasasi hisoblanadi.
Sport tibbiyoti markazi sport tibbiyoti sohasida ixtisoslashuv turlariga koʻra tibbiyot kadrlarini tayyorlash, qayta tayyorlash va ularning malakasini oshirish boʻyicha klinik oʻquv bazasi hisoblanadi.
2. Sport tibbiyoti markazi yuridik shaxs hisoblanadi, mustaqil balansga, banklarda hisob raqamlariga, Markazning toʻliq nomi koʻrsatilgan muhrga ega boʻladi.
3. Sport tibbiyoti markazi oʻz faoliyatida Oʻzbekiston Respublikasi qonunlariga, Oʻzbekiston Respublikasi Oliy Majlisi palatalari qarorlariga va boshqa hujjatlariga, Oʻzbekiston Respublikasi Prezidenti farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlariga hamda ushbu Nizomga amal qiladi.
4. Sport tibbiyoti markazining toʻliq nomi:
davlat tilida — Respublika sport tibbiyoti ilmiy-amaliy markazi;
rus tilida — Respublikanskiy nauchno-prakticheskiy sentr sportivnoy meditsini.
Sport tibbiyoti markazi quyidagi manzilda joylashgan: Toshkent shahri, Shayxontoxur tumani, Olmazor koʻchasi, Vazirlar Mahkamasining 2013-yil 8-avgustdagi 499-f-son farmoyishiga muvofiq qurilayotgan bino (Oʻzbekiston Respublikasi Futbol federatsiyasi binosi yonida).
5. Sport tibbiyoti markazi Oʻzbekiston Milliy olimpiya qoʻmitasiga boʻysunadi.
II. Sport tibbiyoti markazining maqsadlari, vazifalari va funksiyalari
6. Quyidagilar Sport tibbiyoti markazining asosiy vazifalari hisoblanadi:
ilmiy-tashkiliy, metodik ishlar, sportchilarga maslahat-diagnostika, davolash-profilaktika va reabilitatsiya yordami koʻrsatish masalalari boʻyicha sport federatsiyalari, klublari va komandalari tibbiyot xodimlarining faoliyatini muvofiqlashtirish;
kasallanishni profilaktika qilish, turli kasalliklar va jarohatlarni davolash va tibbiy reabilitatsiya qilish (vakolatlari doirasida), shuningdek birkitilgan kontingent salomatligini tibbiy nazorat qilish usullarini ishlab chiqish va amaliyotga joriy etish;
yuqori texnologiyali moddiy va ilmiy bazani, shuningdek sifatning yuqori va xalqaro standartlar talablari darajasida ixtisoslashtirilgan tibbiyot yordami koʻrsatishga yoʻnaltirilgan sport tibbiyotining milliy maktabini shakllantirish;
birkitilgan kontingentga sport patologiyasini diagnostika qilish, davolash va profilaktika qilish masalalarida ixtisoslashtirilgan tibbiy yordam koʻrsatish.
7. Quyidagilar Sport tibbiyoti markazining asosiy vazifalari va faoliyati yoʻnalishlari hisoblanadi:
sport tibbiyoti sohasida ilmiy tadqiqotlar olib borish, sport turining xususiyatini, yoʻl qoʻyiladigan jismoniy yuklamani, sport patologiyasini davolash va oldini olishning ilgʻor uslublarini, musobaqalarga tayyorgarlik koʻrishda sportchilarning tibbiy nazoratini hisobga olgan holda sportchilarning funksional ahvolini diagnostika va korreksiya qilish standartlarini ishlab chiqish va joriy etish;
iqtidorli yosh va istiqbolli sportchilarni, ularning individual genetik va fenotipik imkoniyatlarini hisobga olgan holda tanlashning zamonaviy tibbiy-biologik uslublarini ishlab chiqish va joriy etish;
sportchilarni sport turlari boʻyicha tayyorlashning yakka tartibdagi dasturlarini ishlab chiqqan holda musobaqalarga tayyorlashning turli davrlarida dori-darmonlarning, ovqatlanish tartibi va ratsionining sportchilarning fiziologik holatiga taʼsirini tadqiq qilish;
musobaqa va mashgʻulotlarni rejalashtirishni hisobga olgan holda sportchining individual sport jismoniy yuklamasini tekshirish va maqbullashtirish;
sportchi organizmining jismoniy tayyorgarligi oʻsishiga va masʼuliyatli xalqaro musobaqalarga eng yuqori funksional tayyorgarligini taʼminlashga qaratilgan ular salomatligi darajasining muttasil oʻsishini nazorat va korreksiya qilish;
sportchilarning xalqaro musobaqalarda qatnashishga psixologik tayyorgarligini, shuningdek zarur psixologik korreksiyani oʻtkazishni taʼminlash;
sportchilarda sport jarohatlari, patologiyalari va sindromlarini, shu jumladan respublikaning boshqa ixtisoslashtirilgan tibbiyot muassasalari davolash-diagnostika bazalaridan foydalangan holda, oldini olish, diagnostika qilish va davolash;
mamlakatda sport tibbiyoti sohasidagi ilgʻor metodika va texnologiyalarni almashish va joriy qilish uchun bu sohadagi yetakchi xorijiy muassasalar bilan xalqaro hamkorlikni mustahkamlash va kengaytirish;
sport federatsiyalari, klublari va jamoalari tibbiy xodimlarining malakasini oshirishga koʻmaklashish, ularga ilmiy-tashkiliy, maslahat-diagnostika, davolash-profilaktika va reabilitatsiya ishlari masalasida uslubiy yordam koʻrsatish.
8. Sport tibbiyoti markazi oʻziga yuklangan vazifalarga muvofiq:
sport patologiyasining eng koʻp tarqalgan turlarini diagnostika qilish, davolash, profilaktika va reabilitatsiya qilishning ilgʻor samarali uslublari hamda texnologiyalarini ishlab chiqadi va joriy etadi;
sport tibbiyoti sohasida diagnostika qilish, davolash va reabilitatsiya qilish uslublarining klinik sinovlarini amalga oshiradi;
sport federatsiyalari, klublari va jamoalarining tibbiyot xodimlariga tashkiliy-uslubiy va ilmiy-amaliy yordam koʻrsatadi;
oʻz sohasi boʻyicha yuqori malakali mutaxassislarning oʻz maktabini shakllantiradi va rivojlantiradi;
sport patologiyasi profilaktikasi, diagnostikasi va uni davolashning oʻz ilgʻor uslublari va texnologiyalarini ishlab chiqish va tibbiyot amaliyotiga joriy etishga yoʻnaltirilgan ilmiy-tadqiqotlarni amalga oshiradi;
mavjud tibbiyot texnikasi parkini doimiy yangilab borish va modernizatsiyalashni, sport patologiyasida ixtisoslashtirilgan, yuqori malakali yordam koʻrsatish va tibbiy reabilitatsiya qilish imkonini beradigan zamonaviy tibbiyot asbob-uskunalari bilan jihozlashni taʼminlaydi;
tibbiyot xodimlarining kasbiy darajasini, shu jumladan mutaxassislarning yetakchi xorijiy tibbiyot muassasalari va klinikalarida diagnostika va davolashning zamonaviy uslublari boʻyicha tajriba orttirishini tashkil etish hisobiga doimiy oshirib borish va takomillashtirishni tashkil qiladi;
sport tibbiyoti sohasida ilmiy-tadqiqotlarning ustuvor yoʻnalishlari boʻyicha takliflar kiritadi;
oʻzining ilmiy va texnologik yutuqlarini xorijiy tibbiyot jamoatchiligi oldida namoyish etadi;
sport patologiyasi boʻyicha oʻzining ilmiy, oʻquv-uslubiy va axborot-maʼlumotnoma materiallarini tayyorlaydi va nashr etadi.
III. Sport tibbiyoti markazining huquqlari va majburiyatlari
9. Sport tibbiyoti markazi belgilangan maqsadlarga erishish va oʻziga yuklangan vazifalarni bajarish uchun qonun hujjatlarida belgilangan tartibda quyidagi huquqlarga ega:
oʻz faoliyatini ushbu Nizomda va boshqa normativ-huquqiy hujjatlarda nazarda tutilgan vazifalar doirasida rejalashtirish va amalga oshirish;
oʻz balansiga berilgan davlat mulkidan foydalanish va uni tasarruf etish;
Oʻzbekiston Respublikasi qonun hujjatlariga muvofiq asosiy vositalarni ijaraga olish yoki ijaraga berish, grantlarni va boshqa moliyaviy yordamni jalb etish;
sport tibbiyoti boʻyicha ilmiy tadqiqotlar oʻtkazish uchun grantlar, shu jumladan Davlat budjetidan grantlar olish yuzasidan tanlovlarda qatnashish;
oʻz faoliyatini amalga oshirish jarayonida yaratilgan intellektual mulk obyektlariga boʻlgan mualliflik huquqlarini olish va ulardan foydalanish;
Oʻzbekiston Respublikasining qonun hujjatlariga va xalqaro shartnomalariga muvofiq xorijiy yuridik shaxslar bilan ilmiy va ilmiy-texnik hamkorlikni hamda tashqi iqtisodiy faoliyatni amalga oshirish;
Oʻzbekiston Milliy olimpiya qoʻmitasi bilan kelishgan holda respublika hududida filiallar tashkil etish;
Oʻzbekiston Respublikasi Sogʻliqni saqlash vazirligi bilan kelishgan holda, koʻrsatiladigan tibbiy xizmatlarning, amalga oshiriladigan ishlarning barcha turlariga tariflar va narxlarni belgilash;
Oʻzbekiston Respublikasi Milliy olimpiya qoʻmitasi bilan kelishuv boʻyicha bepul va (yoki) imtiyozli tariflar boʻyicha xizmatlar koʻrsatish va ishlarni amalga oshirish;
birkitilgan kontingent bilan bir qatorda, sportchilarga va sport jamoalariga, shuningdek respublika fuqarolariga va xorijiy fuqarolarga barcha turdagi tibbiy yordam, shu jumladan diagnostika va laboratoriya tadqiqotlari oʻtkazish boʻyicha toʻlov asosida xizmatlar koʻrsatish;
qonun hujjatlariga, Sport tibbiyoti markazi faoliyatining maqsadlari va vazifalariga zid boʻlmagan boshqa faoliyat turlarini amalga oshirish.
10. Sport tibbiyoti markazining majburiyatlari:
sport turlari boʻyicha terma jamoalar sportchilarining, shuningdek rasmiy musobaqalarda qatnashuvchi trenerlar va hakamlarning dastlabki tanlovini, ularni tayyorlash va tibbiy koʻrikdan oʻtkazishni tashkil etish va amalga oshirishni taʼminlash;
sport patologiyasi sohasida ixtisoslashtirilgan tibbiy yordamga muhtoj boʻlgan birkitilgan kontingentni diagnostika qilish va davolashni zamonaviy xalqaro sifat va standartlar talablari darajasida saqlash va rivojlantirishni taʼminlash;
birkitilgan kontingentga ixtisoslashtirilgan malakali tibbiy yordam koʻrsatish;
yetakchi xorijiy klinikalarda xodimlarni tizimli ravishda tor ixtisosli qayta tayyorlash va ularning malakasini oshirish;
xodimlarga mehnatni tashkil etish va unga haq toʻlash, texnika xavfsizligi, ijtimoiy taʼminot va manzilli ijtimoiy muhofaza qilishning qonun hujjatlarida nazarda tutilgan sharoitlarini kafolatlash;
moddiy-texnik bazani oʻz mablagʻlari hisobiga rivojlantirish hamda zamonaviy tibbiyot texnikasi va texnologiyalari bilan mustahkamlash;
mol-mulkdan belgilangan maqsad boʻyicha foydalanish, uning saqlanishini taʼminlash;
qonun hujjatlariga muvofiq buxgalteriya va statistika hisobini va hisobotlarini yuritish.
IV. Sport tibbiyoti markazining mol-mulki
11. Sport tibbiyoti markazining mol-mulki asosiy fondlardan, shuningdek boshqa moddiy boyliklar va moliyaviy resurslardan iborat boʻladi.
12. Sport tibbiyoti markazi faoliyatining maqsadlariga muvofiq oʻz mol-mulkiga ega boʻladi, ularni tasarruf etadi, shu bilan birga, budjet va budjetdan tashqari mablagʻlardan samarali foydalanilishini taʼminlaydi.
13. Sport tibbiyoti markazi mulkdor bilan kelishuv boʻyicha, vaqtincha foydalanilmayotgan xonalarni qonun hujjatlarida nazarda tutilgan tartibda, shartnoma asosida, tushgan mablagʻlardan kelgusida rivojlantirish uchun foydalangan holda ijaraga, subijaraga topshirish, shuningdek asbob-uskunalar va mol-mulkni balansdan chiqarish huquqiga ega.
V. Sport tibbiyoti markazini boshqarish va unga rahbarlik qilish
14. Sport tibbiyoti markazini boshqarish Oʻzbekiston Respublikasi Milliy olimpiya qoʻmitasi tomonidan amalga oshiriladi.
Oʻzbekiston Respublikasi Milliy olimpiya qoʻmitasi prezidenti, zaruriyat boʻlganda, Sport tibbiyoti markazi tuzilmasiga Sport tibbiyoti markazi xodimlarining belgilangan umumiy soni doirasida oʻzgartirishlar kiritishga haqlidir.
15. Oʻzbekiston Respublikasi Vazirlar Mahkamasi bilan kelishgan holda Oʻzbekiston Milliy olimpiya qoʻmitasi prezidenti tomonidan lavozimga tayinlanadigan va lavozimdan ozod qilinadigan direktor Sport tibbiyoti markazi faoliyatiga rahbarlik qiladi.
Direktor:
oʻz faoliyatini Sport tibbiyoti markazi nomidan amalga oshiradi, moliya-xoʻjalik faoliyatiga rahbarlik qiladi, shartnomalar tuzadi, boshqa masalalarni hal etadi;
oʻz vakolatlari doirasida xodimlar (filiallar) ishlarini tashkil qiladi va boshqaradi, xodimlarning bajarishi uchun majburiy boʻlgan buyruqlar chiqaradi, qonun hujjatlariga muvofiq xodimlarni ishga qabul qiladi va ishdan boʻshatadi;
Sport tibbiyoti markazi faoliyati uchun javob beradi.
16. Sport tibbiyoti markazi direktorining oʻrinbosarlari (filiallarining rahbarlari) Sport tibbiyoti markazi direktorining taqdimnomasiga binoan, Oʻzbekiston Respublikasi Milliy olimpiya qoʻmitasi prezidenti tomonidan lavozimga tayinlanadi va lavozimdan ozod qilinadi.
17. Sport tibbiyoti markazining tashkiliy tuzilmasiga Oʻzbekiston Respublikasi hududida va uning tashqarisida tashkil etiladigan filiallar belgilangan tartibda kirishi mumkin.
18. Sport tibbiyoti markazining birkitilgan kontingentga ixtisoslashtirilgan tibbiy yordam koʻrsatish boʻyicha faoliyati ustidan nazorat Oʻzbekiston Respublikasi Milliy olimpiya qoʻmitasi va Oʻzbekiston Respublikasi Sogʻliqni saqlash vazirligi tomonidan amalga oshiriladi.
VI. Sport tibbiyoti markazi faoliyatini moliyalashtirish
19. Quyidagilar Sport tibbiyoti markazi faoliyatini moliyalashtirish manbalari hisoblanadi:
Oʻzbekiston Respublikasi Milliy olimpiya qoʻmitasi va Oʻzbekiston olimpiadachilarini qoʻllab-quvvatlash jamgʻarmasi mablagʻlari;
Sport tibbiyoti markazining oʻz mablagʻlari;
Oʻzbekiston Respublikasi qonunchiligida taqiqlanmagan boshqa manbalar.
20. Sport tibbiyoti markazi har yili kelgusi kalendar yilga Markazning daromadlari va xarajatlari smetasini va shtatlar jadvalini ishlab chiqadi hamda tasdiqlash uchun Oʻzbekiston Respublikasi Milliy olimpiya qoʻmitasiga taqdim etadi.
Bunda Sport tibbiyoti markazining tibbiyot, farmatsevtika va boshqa xodimlarining lavozim maoshlari, moddiy ragʻbatlantirish miqdorlari Sport tibbiyoti markazi tomonidan mustaqil ravishda, ushbu Nizomning 19-bandida nazarda tutilgan manbalardan tushadigan mablagʻlar doirasida belgilanadi.
21. Sport tibbiyoti markazini tibbiyot va laboratoriya asbob-uskunalari hamda ofis mebeli bilan jihozlash Oʻzbekiston Respublikasi Prezidentining “Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazini tashkil etish toʻgʻrisida” 2013-yil 3-iyuldagi PQ-1994-son qarorining 7-bandida belgilangan mablagʻlar hisobiga amalga oshiriladi.
VII. Sport tibbiyoti markazining hisob va hisoboti
22. Sport tibbiyoti markazi qonun hujjatlarida belgilangan tartibda oʻz faoliyati natijalarining hisobini yuritadi va Oʻzbekiston Respublikasi Milliy olimpiya qoʻmitasiga, davlat soliq xizmati organlariga, statistika organlariga hamda boshqa vakolatli organlarga hisobotlar taqdim etadi, hujjatlarning saqlanishi va ularning davlat saqloviga topshirilishi uchun javob beradi.
23. Sport tibbiyoti markazi faoliyatini nazorat qilish va tekshirish ularning vakolatlari doirasida soliq va moliya organlari, davlat boshqa organlari tomonidan, shuningdek qonun hujjatlarida nazarda tutilgan tartibda auditorlik tashkilotlari tomonidan ular bilan tuzilgan shartnomalar asosida amalga oshiriladi.
VIII. Sport tibbiyoti markazini qayta tashkil etish va tugatish
24. Sport tibbiyoti markazini qayta tashkil etish va tugatish qonun hujjatlarida belgilangan tartibda amalga oshiriladi.
Vazirlar Mahkamasining 2013-yil 15-avgustdagi 226-son qaroriga 2-ILOVA
Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazi faoliyatini tashkil etishga doir chora-tadbirlar
KOMPLEKSI
T/r Tadbirlar nomi Bajarish muddatlari Masʼul bajaruvchilar Moliyalashtirish manbalari Amalga oshirish mexanizmi I. Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazi (keyingi oʻrinlarda Sport tibbiyoti markazi deb ataladi) faoliyati va ishlashini tashkil etish boʻyicha normativ-huquqiy hujjatlar ishlab chiqish. Sport tibbiyoti markazini yuqori malakali kadrlar bilan taʼminlash 1. Sport tibbiyoti markazi toʻgʻrisidagi nizomni ishlab chiqish va tasdiqlash. 2013-yil avgust Madaniyat va sport ishlari vazirligi, MOQ, Moliya vazirligi, Adliya vazirligi — Vazirlar Mahkamasi qarorini qabul qilish. 2. Oʻzbekiston Respublikasi Prezidentining “Oʻzbekiston Respublikasi Milliy olimpiya qoʻmitasi huzuridagi Respublika sport tibbiyoti ilmiy-amaliy markazini tashkil etish toʻgʻrisida” 2013-yil 3-iyuldagi PQ-1994-son qarori talablariga muvofiq MOQning Ustavini qayta koʻrib chiqish. 2013-yil sentabr MOQ, Adliya vazirligi — Adliya vazirligida MOQ Ustavini roʻyxatdan oʻtkazish. 3. Sport musobaqalari oʻtkazishning yangi tahrirdagi tibbiy reglamentini qayta koʻrib chiqish va tasdiqlash. 2014-yil yanvar Sport tibbiyoti markazi, MOQ, Sogʻliqni saqlash vazirligi (SSV) — Sport musobaqalari oʻtkazishning tibbiy reglamentini tasdiqlash boʻyicha qoʻshma qaror qabul qilish. 4. Sport tibbiyoti markazining shtatlar jadvalini hamda xarajatlar smetasini ishlab chiqish va tasdiqlash. 2013-yil IV chorak MOQ, Sport tibbiyoti markazi — Sport tibbiyoti markazining shtatlar jadvalini hamda xarajatlar smetasini belgilangan tartibda tasdiqlash. 5. Sport tibbiyoti markazining tarkibiy boʻlinmalari, xodimlariga qoʻyiladigan malakaviy talablar va ularning lavozim majburiyatlari toʻgʻrisidagi nizomlarni tasdiqlash. 2013-yil dekabr Sport tibbiyoti markazi, MOQ, Madaniyat va sport ishlari vazirligi, SSV — Sport tibbiyoti markazi qarorini qabul qilish. 6. Sport tibbiyoti markazini yuqori malakali kadrlar bilan taʼminlash. 2014-yil IV chorak MOQ, Sport tibbiyoti markazi, SSV, Madaniyat va sport ishlari vazirligi — Sport tibbiyoti markazi faoliyati yoʻnalishlari boʻyicha puxta bilimga ega boʻlgan mutaxassislarni jalb etgan holda tanlov oʻtkazish. II. Sport tibbiyoti markazining kadrlar salohiyatini rivojlantirish. Sport federatsiyalari, klublari va komandalarining tibbiyot xodimlarini tayyorlash va ularning malakasini oshirish, ularga ilmiy-tashkiliy, maslahat-diagnostika, davolash-profilaktika masalalari va reabilitatsiya ishlari boʻyicha metodologik yordamlar koʻrsatish 7. Oliy tibbiyot oʻquv muassasalari kafedralari negizidagi klinik ordinatura orqali sport tibbiyoti boʻyicha dastlabki ixtisoslashuvdan oʻtish yoʻli bilan sport tibbiyoti sohasida mutaxassislar tayyorlash. 2014 — 2017-yillar SSV, MOQ Oliy tibbiyot oʻquv muassasalarining budjet va toʻlov-kontrakt mablagʻlari doirasida Bazaviy tibbiy maʼlumotga ega boʻlgan vrachlar (davolash va pediatriya ishi) uchun — MOQ buyurtmanomasiga koʻra oliy tibbiyot oʻquv muassasalari kafedralarida kamida 5 nafar vrachning magistratura va klinik ordinaturani oʻtashini taʼminlash. 8. Toshkent vrachlar malakasini oshirish institutining sport tibbiyoti kursi bilan fizioterapiya, gastroenterologiya, davolash, jismoniy tarbiya kafedrasi negizida sport tibbiyoti boʻyicha ixtisoslashuvdan oʻtish. 2014 — 2017-yillar SSV, MOQ Budjet va budjetdan tashqari mablagʻlar doirasida MOQ buyurtmanomasiga koʻra 10 nafar vrach-mutaxassisning sport tibbiyoti boʻyicha ixtisoslashuvdan oʻtishi uchun har yilgi kvotalar belgilash. 9. Tibbiyot va farmatsevtika xodimlarining malakasini oshirish. Har yili Sport tibbiyoti markazi, MOQ Bajaruvchilar mablagʻlari Respublika va xorijiy mamlakatlarning ixtisoslashtirilgan taʼlim muassasalarida tibbiyot va farmatsevtika xodimlarining malakasini oshirishni taʼminlash. Yaqin va uzoq xorijiy mamlakatlarning yetakchi sport markazlari va klinikalarida sport tibbiyoti boʻyicha mutaxassislar stajirovkasini tashkil etish. III. Sport tibbiyoti markazini qurish va jihozlash 10. Sport tibbiyoti markazi va Oʻzbekiston Milliy olimpiya qoʻmitasi markaziy apparatini joylashtirish uchun yangi bino qurish. 2013-2014-yillar MOQ, Madaniyat va sport ishlari vazirligi, “Davarixitektqurilish”, manfaatdor vazirliklar va idoralar — Yangi binoning qurilishi uchun buyurtmachi, bosh pudratchi va loyihalash tashkilotini, ishlarni amalga oshirish muddatlarini belgilash, shuningdek qurilishni jadallashtirishni nazarda tutuvchi Vazirlar Mahkamasi qarorini qabul qilish. 11. Sport tibbiyoti markazini jihozlash tabelini ishlab chiqish va tasdiqlash. 2014-yil yanvar Sport tibbiyoti markazi, MOQ, Madaniyat va sport ishlari vazirligi, SSV — Milliy olimpiya qoʻmitasi, Madaniyat va sport ishlari vazirligi va Sogʻliqni saqlash vazirligi bilan kelishilgan Sport tibbiyoti markazining qarorini qabul qilish. 12. Sport tibbiyoti markazini jihozlash uchun tibbiy, laboratoriya va boshqa asbob-uskunalarning batafsil roʻyxatini tayyorlash. 2014-yil fevral Sport tibbiyoti markazi, MOQ, Madaniyat va sport ishlari vazirligi, SSV — Milliy olimpiya qoʻmitasi, Madaniyat va sport ishlari vazirligi va Sogʻliqni saqlash vazirligi bilan keli��ilgan Sport tibbiyoti markazning qarorini qabul qilish. 13. Sport tibbiyoti markazini tibbiy, laboratoriya va boshqa asbob-uskunalar bilan jihozlash. Tasdiqlangan jadvallarga muvofiq qurilish-montaj ishlarini bajarish Sport tibbiyoti markazi, MOQ Oʻzbekiston Respublikasi Prezidentining 2013-yil 3-iyuldagi PQ-1994-son qarorining 7-bandiga asosan Belgilangan tartibda tibbiy, laboratoriya va boshqa asbob-uskunalarni sotib olish. 14. Yangi bino qurilishi uchun qurilish materiallari va konstruksiyalari, bojxona toʻlovlaridan ozod qilinadigan tibbiyot inventarlari va asbob-uskunalari, ehtiyot qismlar va xarajat materiallari roʻyxatini tasdiqlash. jadvalga asosan Sport tibbiyoti markazi, MOQ, Madaniyat va sport ishlari vazirligi — Vazirlar Mahkamasi farmoyishini qabul qilish. IV. Sport tibbiyoti sohasida ilmiy tadqiqotlar oʻtkazish, yangi texnologiyalarni ishlab chiqish va joriy etish 15. Sport tibbiyoti markazida xizmat koʻrsatiladigan sportchilar kontingentini aniqlash. 2013-yil sentabr Sport tibbiyoti markazi, MOQ, Madaniyat va sport ishlari vazirligi — Sportchilarning toifalari va shaxsiy tarkibini aniqlash. 16. Sport tibbiyoti sohasida fundamental, amaliy va innovatsiya ilmiy tadqiqotlar oʻtkazish, sport patologiyasining oldini olish va davolashning ilgʻor uslublari, yoʻl qoʻyilgan jismoniy yuklamalar, sport turining xususiyatlarini hisobga olgan holda sportchilarning diagnostika va funksional holatini yaxshilash standartlarini ishlab chiqish va joriy etish, musobaqalarga tayyorlashda sportchilarni kuzatib borish. 2014-yil sentabr 2014-yil oktabr-noyabr doimiy MOQ, Sport tibbiyoti markazi, SSV, Fanlar akademiyasi, Oliy va oʻrta maxsus taʼlim vazirligi, Fan va texnologiyalarni rivojlantirishni muvofiqlashtirish qoʻmitasi Bajaruvchilar mablagʻlari 1. Yangi texnologiyalarni ishlab chiqish va joriy etish, farmakologiya va diyetologiya boʻlimlarini sport tibbiyotining yuqori malakali mutaxassislari bilan taʼminlash. 2. Ushbu sohada puxta bilimga ega boʻlgan mutaxassislarni jalb etgan holda sport tibbiyotini rivojlantirishning jahon tendensiyalarini hisobga olgan holda ilmiy tadqiqotlarning asosiy yoʻnalishlarini tasdiqlash. 3. Ilmiy tadqiqotlar oʻtkazish. 17. Yosh iqtidorli va istiqbolli sportchilarning shaxsiy genetik va fenotipik imkoniyatlarini hisobga olgan holda ularni tibbiy-biologik tanlab olishning zamonaviy uslublarini ishlab chiqish va joriy etish. 2014-yil dekabr 2015-yil yanvar 2015-yil fevral muntazam ravishda MOQ, Sport tibbiyoti markazi, SSV, Fanlar akademiyasi, Oliy va oʻrta maxsus taʼlim vazirligi, Fan va texnologiyalarni rivojlantirishni muvofiqlashtirish qoʻmitasi Ijrochilar mablagʻlari 1. SSV, Fanlar akademiyasi, oliy oʻquv muassasalarining mutaxassislarini jalb etgan holda jahon tajribasini hisobga olib tibbiy-biologik tanlab olish metodlarini ishlab chiqish. 2. Tibbiy-biologik tanlab olinishi lozim boʻlgan sportchilarning yangilab turiladigan reyestrini tashkil etish. 3. Terma komandalar sportchi aʼzolari va ularning tez kundagi zaxirasi, ixtisoslashtirilgan sport taʼlim muassasalari oʻquvchilari safidan istiqbolli sportchi yoshlar, sport klublari va jamiyatlari aʼzolari, “Barkamol avlod” va “Universiada” sport musobaqalari sovrindorlari va qatnashchilarining tibbiy-biologik maʼlumotlari yagona bazasini yaratish. 4. Muntazam ravishda tanlov oʻtkazish. 18. Sport turlari boʻyicha sportchilarni tayyorlashning yakka tartibdagi dasturlarini ishlab chiqqan holda musobaqalarga tayyorlashning turli davrlarida sportchilarning jismoniy holatiga dori-darmonlar, ovqatlanish rejimi va ratsionining taʼsirini tekshirish. Doimo MOQ, Sport tibbiyoti markazi, SSV, Fanlar akademiyasi, Oliy va oʻrta maxsus taʼlim vazirligi, Fan va texnologiyalarni rivojlantirishni muvofiqlashtirish qoʻmitasi Bajaruvchilar mablagʻlari 1. Xalqaro tajribani oʻrganish. 2. Sportchilarning jismoniy holatiga dori-darmonlar, ovqatlanish rejimi va ratsionining taʼsiri boʻyicha ilmiy tadqiqotlar oʻtkazish. 3. Sport turlari boʻyicha sportchilarni tayyorlashning yakka tartibdagi dasturlarini ishlab chiqish. 19. Zamonaviy farmakologiya yutuqlaridan foydalangan holda sportchilarning jismoniy holatini oshirishning dopingsiz vositalaridan foydalanish va ularni yaratish dasturlarini ishlab chiqish. Doimo MOQ, Sport tibbiyoti markazi, SSV, “Oʻzfarmsanoat” konserni Bajaruvchilar mablagʻlari Mahalliy farmakologiya yutuqlari va mahalliy oʻsimlik xom ashyosidan ustuvor foydalangan holda sportchilarning jismoniy holatini oshirishning dopingsiz vositalaridan foydalanish va ularni yaratish dasturlarini tasdiqlash va amalga oshirish. 20. Sport tibbiyoti sohasida oʻzaro hamkorlikning yagona strategiyasini ishlab chiqish maqsadida vrach mutaxassislar, sportchilar va murabbiylar ishtirokida ilmiy-amaliy seminarlar, konferensiyalar oʻtkazish. Yiliga ikki marta Sport tibbiyoti markazi, MOQ, Jismoniy tarbiya va sport vazirligi, SSV Bajaruvchilar mablagʻlari Ilmiy-amaliy seminarlar, konferensiyalar mavzularini ishlab chiqish va tasdiqlash. 21. Sport xususiyatlarini hisobga oladigan, kursni tugatish boʻyicha sertifikat beriladigan dolzarb kurslar tashkil etish. Uch yilda bir marta Sport tibbiyoti markazi, SSV Bajaruvchilar mablagʻlari Vrachlarni keyinchalik sertifikatsiyalagan holda oʻquv kurslari oʻtkazishni taʼminlash. 22. Zamonaviy jahon sport tendensiyalari toʻgʻrisida sportchilar, tibbiy xodimlarni xabardor qilish. Har chorakda Sport tibbiyoti markazi, SSV Bajaruvchilar mablagʻlari Sport tibbiyotini rivojlantirishning muhim masalalari aks ettiriladigan choraklik ilmiy-amaliy jurnal nashr etish. V. Sport patologiyalari va jarohatlarini profilaktika qilish, barvaqt diagnostika qilish, davolash va reabilitatsiya qilish samaradorligini takomillashtirish 23. Sport patologiyasi va jarohatlarini barvaqt aniqlash, sportchilarni profilaktik kuzatuv va sogʻlomlashtirish usullarini takomillashtirish. 2014-yil sentabr 2014-yil oktabr Doimo Sport tibbiyoti markazi, SSV Bajaruvchilar mablagʻlari 1. Sportchilarni jarohat va kasallikdan keyin reabilitatsiya qilish hamda travmatizm profilaktikasi standartlarini tasdiqlash. 2. Sportchilarni jarohat va kasallikdan keyin reabilitatsiya qilish standartlarini amaliyotga joriy etish. 3. Markaz mutaxassislarining sport federatsiyalari, komandalari va klublarining tibbiyot xodimlari bilan oʻzaro hamkorligi mexanizmini takomillashtirish. 24. Sportchilarni xalqaro musobaqalarda qatnashishga psixologik jihatdan tayyorlash, shuningdek sportchilar sogʻligʻini zarur psixologik korreksiya qilish. 2014-yil oktabr Doimo 2014-yil noyabr Sport tibbiyoti markazi, sport federatsiyalari, Jismoniy tarbiya va sport vazirligi, SSV Budjet mablagʻlari doirasida 1. Chora-tadbirlar kompleksini ishlab chiqish va tasdiqlash. 2. Sport turlari boʻyicha sport federatsiyalari, klublari va komandalarida sport psixologlari ishlarini tashkil etish. 3. Respublikaning, yaqin va uzoq xorijiy davlatlarning ixtisoslashgan yetakchi muassasalarida sport psixologlarining malaka oshirish tizimini yaratish. 25. Sportchilarni sport musobaqalariga tayyorlashning turli bosqichlarida ovqatlanish ratsionini yaxshilash. 2014-yil noyabr Doimo Tasdiqlangan jadvalga muvofiq Tasdiqlangan jadvalga muvofiq Sport tibbiyoti markazi, sport federatsiyalari, Jismoniy tarbiya va sport vazirligi, SSV Ajratilgan mablagʻlar doirasida 1. Jismoniy yuklamaning intensivligiga qarab sportchilarning ovqatlanish ratsioni boʻyicha metodik tavsiyalarni ishlab chiqish va joriy etish. 2. Sport turlari boʻyicha sportchilar uchun sport oziq-ovqatlari xarid qilish. 3. Musobaqalarga tayyorgarlik koʻrish va qatnashish davrlarida sportchilarni sifatli sport oziq-ovqatlari bilan taʼminlash. 4. Sport federatsiyalari, klublari va komandalari trenerlari, sportchilari va tibbiyot xodimlari uchun sport oziq-ovqatlari masalalari boʻyicha seminarlar oʻtkazish. 26. Sportchilarning ish qobiliyatini va sport faoliyatini jadal tiklash maqsadida ularga yuqori malakali tibbiy yordam koʻrsatish mexanizmini takomillashtirish. 2014-yil noyabr 2014-yil noyabr 2014-yil noyabr Sport tibbiyoti markazi, SSV Budjet mablagʻlari doirasida 1. Koʻproq uchraydigan sport jarohatlarini va sportchilar kasalliklarini diagnostika qilish va davolash standartlarini ishlab chiqish va joriy etish. 2. Anʼanaviy va noanʼanaviy (xalq tabobati) tibbiyot yutuqlaridan foydalanish asosida farmakologik korreksiyaning samarali usullarini ishlab chiqish va joriy etish. 3. Sport tibbiyoti markazi va respublikaning ixtisoslashtirilgan boshqa tibbiyot muassasalarining oʻzaro samarali hamkorligi boʻyicha qoʻshma qaror qabul qilish. VII. Xalqaro hamkorlikni kengaytirish 33. Zamonaviy jahon tajribasini, ilmiy ishlanmalarni mamlakatimiz amaliyotiga joriy etish maqsadida sport tibbiyoti boʻyicha xalqaro tashkilotlar va yetakchi ilmiy markazlar bilan hamkorlikni mustahkamlash. Doimo MOQ, Sport tibbiyoti markazi, SSV Bajaruvchilar mablagʻlari 1. Sport tibbiyoti sohasida xalqaro tajribani oʻrganish va yetakchi ilmiy markazlarni aniqlash. 2. Hamkorlik toʻgʻrisida bitimlar tuzish. 3. Xalqaro kongresslar, anjumanlar, seminarlar va “davra suhbatlari”da qatnashish. 34. Sport �ibbiyoti, farmakologiya va diyetologiya boʻyicha birgalikda trening-seminarlar, kurslar, konferensiyalar oʻtkazish maqsadida jahon yetakchi sport vrachlari bilan hamkorlik aloqalari oʻrnatish. Doimo MOQ, Sport tibbiyoti markazi, SSV Bajaruvchilar mablagʻlari Sport turlari boʻyicha sport vrachlari uchun trening-seminarl�r, sayyor kurslar, konferensiyalar oʻtk�zish yoʻli bilan tajriba almashishni taʼminlash.