Favqulodda holatlarda Oʻzbekiston telekommunikatsiyalar tarmoqlari va resurslarini markazlashgan holda boshqarishning umumiy qoidalariga oʻzgartirishlar kiritish toʻgʻrisida (1742-1-son)

12.08.2013

OʻZBEKISTON RESPUBLIKASI ALOQA, AXBOROTLASHTIRISH VA TELEKOMMUNIKATSIYA TEXNOLOGIYALARI DAVLAT QOʻMITASI OʻZBEKISTON RESPUBLIKASI MUDOFAA VAZIRLIGI OʻZBEKISTON RESPUBLIKASI MILLIY XAVFSIZLIK XIZMATI OʻZBEKISTON RESPUBLIKASI FAVQULODDA VAZIYATLAR VAZIRLIGI OʻZBEKISTON RESPUBLIKASI ICHKI ISHLAR VAZIRLIGINING

Qarori

[Oʻzbekiston Respublikasi Adliya vazirligi tomonidan 2013-yil 12-avgustda roʻyxatdan oʻtkazildi, roʻyxat raqami 1742-1]

Oʻzbekiston Respublikasi Prezidentining 2012-yil 16-oktabrdagi PF–4475-son “Oʻzbekiston Respublikasi aloqa, axborotlashtirish va telekommunikatsiya texnologiyalari davlat qoʻmitasini tashkil etish toʻgʻrisida”gi Farmoni va Oʻzbekiston Respublikasi Vazirlar Mahkamasining 2012-yil 19-dekabrdagi 355-son “Oʻzbekiston Respublikasi aloqa, axborotlashtirish va telekommunikatsiya texnologiyalari davlat qoʻmitasi hamda Aloqa, axborotlashtirish va telekommunikatsiya texnologiyalari sohasida nazorat boʻyicha davlat inspeksiyasi toʻgʻrisidagi nizomlarni tasdiqlash haqida”gi qaroriga (Oʻzbekiston Respublikasi qonun hujjatlari toʻplami, 2012-y., 52-son, 589-modda) muvofiq, Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi, Oʻzbekiston Respublikasi Mudofaa vazirligi, Milliy xavfsizlik xizmati, Favqulodda vaziyatlar vazirligi va Ichki ishlar vazirligi qaror qiladilar:

1. Oʻzbekiston aloqa va axborotlashtirish agentligi, Oʻzbekiston Respublikasi Mudofaa vazirligi, Milliy xavfsizlik xizmati, Vazirlar Mahkamasining Hukumat aloqasi xizmati, Favqulodda vaziyatlar vazirligi va Ichki ishlar vazirligining 2007-yil 31-oktabrdagi 02-8/3189, 15, 132, 8, 206, 17-son qarori (roʻyxat raqami 1742, 2007-yil 27-noyabr) (Oʻzbekiston Respublikasi qonun hujjatlari toʻplami, 2007-y., 48-49-son, 491-modda) bilan tasdiqlangan Favqulodda holatlarda Oʻzbekiston telekommunikatsiyalar tarmoqlari va resurslarini markazlashgan holda boshqarishning umumiy qoidalariga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Aloqa, axborotlashtirish va telekommunikatsiya texnologiyalari davlat qoʻmitasi raisi X. MIRZAXIDOV

Toshkent sh.,

2013-yil 26-iyul,

43-mh-son

Mudofaa vaziri K. BERDIYEV

Toshkent sh.,

2013-yil 26-iyul,

9-son

Milliy xavfsizlik xizmati raisi R. INOYATOV

Toshkent sh.,

2013-yil 26-iyul,

60-son

Favqulodda vaziyatlar vaziri T. XUDAYBERGENOV

Toshkent sh.,

2013-yil 26-iyul,

6-son

Ichki ishlar vaziri B. MATLYUBOV

Toshkent sh.,

2013-yil 26-iyul,

23-son

Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi, Mudofaa vazirligi, Milliy xavfsizlik xizmati, Favqulodda vaziyatlar vazirligi, Ichki ishlar vazirligining 2013-yil 26-iyuldagi 43-mh, 9, 60, 6, 23-son qaroriga ILOVA

Favqulodda holatlarda Oʻzbekiston telekommunikatsiyalar tarmoqlari va resurslarini markazlashgan holda boshqarishning umumiy qoidalariga kiritilayotgan oʻzgartirishlar

1. 1-bandning ikkinchi xatboshisidan “Qurolli kuchlar Birlashgan shtabi,” va “, Oʻzbekiston Respublikasi Vazirlar Mahkamasining Hukumat aloqa xizmati” degan soʻzlar chiqarib tashlansin.

2. 2-banddagi “Oʻzbekiston aloqa va axborotlashtirish agentligining (keyingi oʻrinlarda — Agentlik deb yuritiladi)” degan soʻzlar “Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi (keyingi oʻrinlarda — Davlat qoʻmitasi deb yuritiladi)” degan soʻzlar bilan almashtirilsin.

3. 4-banddagi, 8-bandning ikkinchi xatboshisidagi va 16-banddagi “Agentlik” degan soʻz “Davlat qoʻmitasi” degan soʻzlar bilan almashtirilsin.

4. 6 va 9-bandlardagi “Agentlikning” degan soʻz “Davlat qoʻmitasining” degan soʻzlar bilan almashtirilsin.

5. 12-bandning oltinchi xatboshisidagi “Agentlikka” degan soʻz “Davlat qoʻmitasiga” degan soʻzlar bilan almashtirilsin.

6. 13-banddagi “Agentlik” va “Agentlikning” degan soʻzlar tegishincha “Davlat qoʻmitasi” va “Davlat qoʻmitasining” degan soʻzlar bilan almashtirilsin.