2013-yilda tumanda moliyalashning barcha manbalari hisobidan yaratiladigan yangi ish oʻrinlarining parametrlari toʻgʻrisida (59-15/4-son)

19.07.2012

Qashqadaryo viloyati Xalq deputatlari Kitob tuman Kengashining

Qarori

Tumanda aholini ish bilan taʼminlash va yangi ish oʻrinlari yaratish borasida ishlab chiqarilgan aniq va manzilli dastur asosida 2012-yilning oʻtgan davrida tumandagi korxona va tashkilotlarda yangi ish joylarini tashkil etish va aholi bandligini taʼminlash, tadbirkorlik, kichik biznes, kasanachilik va bandlikning boshqa samarali shakllarini rivojlantirish boʻyicha muayyan ishlar amalga oshirildi.Oʻtgan 6 oy davomida iqtisodiyot tarmoqlarida turli moliyaviy manbalar hisobidan jami 3293 ta yangi ish oʻrinlari yaratilishi (dasturga nisbatan 108,8 foiz)

Tahlillar yangi ish oʻrinlarini yaratish yuzasidan yillik dastur barcha parametrlari ortigʻi bilan bajarilishini koʻrsatmoqda.

Endigi asosiy vazifalardan biri 2013-yilda aholi bandligini taʼminlash va yangi ish oʻrinlarini yaratish boʻyicha barcha imkoniyatlarni inobatga olgan holda aniq va manzilli dastur ishlab chiqilishini taʼminlashdan iboratdir.

Oʻzbekiston Respublikasi Prezidenti va Hukumati tomonidan aholini ish bilan taʼminlashni yaxshilash va uning turmush farovonligini oshirish mamlakatning ijtimoiy-iqtisodiy rivojlantirishning eng muhim ustuvor yoʻnalishlaridan biri qilib belgilab berilgan.

Aholini ish bilan taʼminlash va yangi ish oʻrinlarining 2013-yilda ham eng ustuvor masalalardan biri boʻlishini chuqur his qilgan holda tumandagi korxona va tashkilotlar, fuqarolarni oʻzini-oʻzi boshqarish organlari bilan hamkorlikda tumanda aholi bandligini taʼminlash va yangi ish oʻrinlari yaratish dasturining loyihasini tayyorlash boʻyicha ishlar olib borilmoqda.

Tumanda 2013-yilda ish joylariga boʻlgan ehtiyoj va qoʻshimcha yangi ish oʻrinlari tashkil etish boʻyicha takliflar oʻrganib chiqilganda yangi ish joylariga boʻlgan ehtiyoj jami 8160 tani, jumladan ishga joylashishga muhtojlar 4681 tani, mehnat resurslarining iqtisodiy faol qismi oʻsishi 4041 tani, shundan kasb-hunar kolleji bitiruvchilari 3477 tani, mehnat resurslarining iqtisodiy faol aholi qismi kamayishi (pensiyaga chiqqanlar, vafot etganlar va boshqalar) hisobiga 1001 tani, tashqi mehnat migratsiyasidan qaytganlar hisobiga 439 tani tashkil etmoqda.

2013-yilda tashkil qilinadigan yangi ish oʻrinlari 6099 tani yaʼni, yangi ish joylariga boʻlgan ehtiyojni qondirish darajasi 74,7 foizni, mavjud boʻsh va vakant ish joylariga ishga joylashtirish 256 taga toʻgʻri kelmoqda.

Bundan tashqari tuman hokimligi tomonidan har bir fuqaroning oʻzini-oʻzi boshqarish organlari va aholi punktlaridagi mavjud imkoniyatlar, joylarda ijtimoiy-iqtisodiy rivojlantirish, dasturlariga kiritilgan obyektlar hamda tadbirkorlik subyektlarining rejalari inobatga olinib, fuqarolarning oʻzini-oʻzi boshqarish organlari kesimida aniq va manzilli dasturlar tayyorlanmoqda. Shuningdek, moliyaviy mablagʻ miqdori va manbalari aniq hisob-kitob qilinmoqda.

Bundan tashqari, ijtimoiy obyektlarni foydalanishga topshirish, “Sanoat korxonalarini kengaytirish, texnik qayta qurollantirish va modernizatsiya qilish chora-tadbirlari” dasturi va boshqa yangi ish oʻrinlari yaratish koʻzda tutilgan dasturlardagi koʻrsatkichlar ham olib chiqilib, ish oʻrinlari yaratish dasturiga kiritilmoqda.

Shuningdek, tumandagi tijorat banklari va ularning joylardagi boʻlinmalarining kredit portfelidan kelib chiqib, aholiga va tadbirkorlik subyektlariga beriladigan imtiyozli kreditlari hisobiga yaratiladigan ish oʻrinlari ham inobatga olinmoqda. Shuningdek, Oʻzbekiston Respublikasi “Aholini ish bilan taʼminlash toʻgʻrisida”gi Qonunining 17—23-moddalari xamda “Mahalliy davlat hokimiyati toʻgʻrisida”gi Qonunining 6-moddasiga asosan qaror qiladi:

1. 2013-yil davomida tumanda yaratiladigan yangi ish oʻrinlarining parametrlari 1-ilovaga, hamda tuman Ishchi komissiyasi 2-ilovaga muvofiq tasdiqlansin.

2. Tumanda 2013-yilda yangi ish joylari yaratish hududiy dasturlari parametrlari Oʻzbekiston Respublikasi Prezidentining 2008-yil 28-noyabrdagi PF-4058-sonli Farmoni bilan tasdiqlangan moliyaviy inqirozga qarshi kurash choralari doirasida shakllantirilganligi maʼqullansin.

Ishchi komissiyasining hududlarga biriktirilgan aʼzolari:

har oyda biriktirilgan hududga chiqqan holda 2013-yilda yangi ish oʻrinlari yaratish va aholi bandligini taʼminlash dasturi ijrosini tanqidiy oʻrganib, mutasaddi tashkilotlar ishtirokida muhokama etib borsinlar;

hududiy dasturlarni amalga oshirishda yoʻl qoʻyilayotgan qoloqlik va muammolarni aniqlab ularni bartaraf qilish yuzasidan tegishli choralarini koʻrsinlar;

belgilangan vazifalarni talab darajasida bajarmagan tarmoqlar, tijorat banklari va korxonalar rahbarlarining masʼuliyatini koʻrib chiqish yuzasidan tuman Ishchi komissiyasiga takliflar kiritib borsinlar;

hududiy dasturlarga kiritilgan obyektlarning oʻz vaqtida ishga tushirilishi, dastur parametrlarining toʻliq va sifatli bajarilishi ustidan qatʼiy nazorat oʻrnatsinlar.

3. Tuman Iqtisodiyot boʻlimi boshligʻi (S. Qayumov):

ushbu parametrlar boʻyicha hokimlik ishchi komissiyasi bilan kelishgan holda 2013-yilda xar bir hududda yaratiladigan yangi ish oʻrinlari parametrlarini yana bir marotaba tahlil qilib, tuman hokimligiga taqdim etsin;

2013-yilda yangi ish joylari yaratish va aholi bandligini taʼminlash dasturining ijrosi monitoringini yuritishda investitsiya, lokalizatsiya, tarmoqlar, hududlarni, ishlab chiqarish va ijtimoiy infratuzilmani rivojlantirish va boshqa maqsadli dasturlar ijrosiga alohida eʼtibor qaratsin.

4. Tuman savdo-sanoat palatasi (Gʻ. Uzoqov):

tuman hokimligi bilan birgalikda moliyaviy sogʻlomlashtirish choralari qoʻllanilgan sharoitda ish joylarini tiklash, ulardagi boʻsh ish joylari va ishlab chiqarish quvvatlaridan foydalanish darajasini oshirish imkoniyati boʻlgan iqtisodiy nochor korxonalar hisobiga yaratiladigan yangi ish oʻrinlariga aniqlik kiritsin.

5. Tuman tijorat banklari, tuman A. T. Mikrokreditbank (X. Suyunov), Agrobank (S. Negmatov ), Xalq banki (M. Qosimov):

xususiy tadbirkorlik, kichik biznes va xizmatlar sohasini rivojlantirish, ularga qulay shart-sharoitlar yaratib berish xamda sohada yangi ish oʻrinlarini yaratishga asosiy masʼul etib belgilash;

kichik biznes subyektlarining tashkil etilishi va faoliyat koʻrsatilishi uchun zarur shart-sharoitlar yaratilishini joylarga chiqib oʻrgansin hamda mavjud muammolarni hal etish boʻyicha zaruriy choralarni koʻrish tavsiya etilsin.

6. Tuman Savdo-sanoat palatasi (Gʻ.Uzoqov):

iqtisodiy nochor va ishlamasdan turgan korxonalar faoliyatini qayta tiklash va ularga yangi ish oʻrinlari yaratish chora-tadbirlariga asosiy masʼul etib belgilansin;

iqtisodiy nochor va ishlamasdan turgan korxonalar faoliyatini qayta tiklash va ularga yangi ish oʻrinlari yaratishning prognoz parametrlari ijrosining taʼminlanishini qatʼiy nazoratga olsin.

8. Moliya boʻlimi (F. Uzoqov) sugʻurta boʻlimi bilan birgalikda sugʻurta tarmogʻini kengaytirishning qoʻshimcha chora-tadbirlarini ishlab chiqsin va tuman kesimida 2013-yilda yangidan tashkil etiladigan obyektlarning manzilli roʻyxatlarini tasdiqlasin.

9.Tuman Soliq inspeksiyasi (T. Nazarov):

norasmiy tarzda tadbirkorlik faoliyati bilan shugʻullanayotgan fuqarolarni aniqlab, ularni rasmiylashtirsin va yangidan tashkil etish ishtiyoqida boʻlgan fuqarolarni har tomonlama qoʻllab-quvvatlasin.

10. Tuman Bandlikka koʻmaklashish va aholini ijtimoiy muhofaza qilish markazi (E. Sultonov) Iqtisodiyot boʻlimi (S. Qayumov) bilan birgalikda 2013-yilda yangi ish oʻrinlari yaratish va aholi bandligini taʼminlash dasturi ijrosining har oylik tizimli monitoringini hududlar va tarmoqlar kesimida amalga oshirsin, dastur ijrosi haqida umumlashgan maʼlumotlarni tuman hokimligiga har oy (hisobot oyning 10-sanasiga) kiritib borsin, dastur ijrosini taʼminlash yuzasidan hududlar, tarmoq va korxonalar boʻyicha aniq takliflar kiritib borsin.

12. Tuman Statistika boʻlimi (Gʻ. Murodov), Tuman Bandlikka koʻmaklashish va aholini ijtimoiy muhofaza qilish markazi (E. Sultonov) bilan birgalikda barcha chora-tadbirlar hisobiga yaratilayotgan yangi ish joylarining hisobining yuritilishini taʼminlasin.

13. Mazkur qarorning ijrosini nazorat qilish Xalq deputatlari tuman Kengashining doimiy komissiyalari raislari zimmasiga yuklatilsin.

Xalq deputatlari tuman Kengashining raisi U. XUDOYQULOV

Kitob sh.,

2012-yil 19-iyul,

59-15/4-son

Xalq deputatlari Kitob tuman Kengashining 2012-yil 19-iyuldagi 59-15/4-sonli qaroriga 1-ILOVA

Xalq deputatlari Kitob tuman Kengashining 2012-yil 19-iyuldagi 59-15/4-sonli qaroriga 2-ILOVA

Hududiy ishchi komissiya

Tarkibi