Tumanda 2013-yilda transport vositalarini majburiy texnik koʻrikdan oʻtkazish toʻgʻrisida (X-182/02-son)

08.02.2013

Qashqadaryo viloyati Nishon tumani hokimining

Qarori

Oʻzbekiston Respublikasi Vazirlar Mahkamasining 2003-yil 31-yanvardagi 54-sonli qarori bilan tasdiqlangan “Transport vositalarini majburiy texnik koʻrikdan oʻtkazish tartibi toʻgʻrisida”gi Nizomga muvofiq tumanda 2013-yilda transport vositalarini majburiy texnik koʻrikdan oʻtkazish maqsadida, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga asosan qaror qilaman:

1. Tuman hududida barcha yuridik va jismoniy shaxslarga tegishli boʻlgan transport vositalari Oʻzbekiston Respublikasi Vazirlar Mahkamasining 2003-yil 31-yanvardagi 54-sonli qarori bilan tasdiqlangan “Transport vositalarini majburiy texnik koʻrikdan oʻtkazish tartibi toʻgʻrisida”gi Nizom talablariga muvofiq majburiy texnik koʻrikdan oʻtkazilsin.

2. Majburiy texnik koʻrikdan oʻtkazish boʻyicha tuman komissiyasining tarkibi 1-ilovaga*, texnik koʻrikdan oʻtkazish jadvali 2-ilovaga muvofiq tasdiqlansin.

* 1-ilova berilmaydi.

3. Transport vositalari quyidagi davriylikka muvofiq texnik koʻrikdan oʻtkazilsin:

tijorat asosida yoʻlovchilar tashish uchun foydalaniladigan yengil avtomobillar, avtobuslar va oʻtiriladigan joylar soni 8 ta va undan ortiq boʻlgan, odamlarni muntazam tashish uchun jihozlangan yuk avtomobillari, yirik gabaritli, ogʻir vaznli va xavfli yuklarni tashish uchun maxsus transport vositalari va ularga tirkamalar — bir yilda ikki marta;

ishlab chiqarilganligiga besh yildan koʻp boʻlmagan transport vositalari (mazkur bandning ikkinchi xatboshida koʻrsatilgan transport vositalaridan tashqari) — ikki yilda bir marta;

ishlab chiqarilgan yilini hisobga olgan holda ishlab chiqarilganligiga besh yildan ortiq boʻlgan transport vositalari, shuningdek ishlab chiqarilgan vaqti aniqlanmagan transport vositalari (mazkur bandning ikkinchi xatboshida koʻrsatilgan transport vositalaridan tashqari) — bir yilda bir marta;

tirkamalar koʻrikka transport vositasi — shatakchi uchun belgilangan muddatlarda;

4. Qarorning 3-bandi ikkinchi xatboshida koʻrsatilgan transport vositalarning texnik koʻrigi:

birinchi marta — 1-mart — 30-iyunda;

ikkinchi marta — 1-sentabr — 31-oktabrda oʻtkaziladi.

Yuridik shaxslarga tegishli boʻlgan transport vositalarining texnik koʻrigi 1-mart — 30-iyunda oʻtkaziladi.

Jismoniy shaxslarga tegishli boʻlgan transport vositalarining texnik koʻrigi joriy yilning 31-avgust kuniga qadar oʻtkazilsin.

5. Transport vositalarini majburiy texnik koʻrikdan oʻtkazish tuman komissiyasi rahbari (O. Rajabov) ga:

transport vositalarining texnik holati, ulardan foydalanish normalari va qoidalariga rioya etilishi ustidan samarali nazoratni tashkil etish;

transport vositalarining texnik holati va uskunalari yoʻl harakati xavfsizligi standartlari, qoidalari, normalariga muvofiqligini baholash yuklatilsin.

6. Tumandagi barcha transport vositalari egalari boʻlgan yuridik va jismoniy shaxslarga transport vositalarini texnik pasporti bilan birgalikda texnik koʻrikdan oʻtkazilishini, ularning texnik jihatdan sozligini va oʻz vaqtida reja jadval asosida koʻrikdan oʻtkazish majburiyati yuklatilsin.

7. Vazirlar Mahkamasining 2003-yil 31-yanvardagi 54-sonli “Transport vositalarini majburiy texnik koʻrikdan oʻtkazish tartibi toʻgʻrisida nizomni tasdiqlash toʻgʻrisida”gi qarori 3-bandiga koʻra Oʻzbekiston Respublikasi Mudofaa vazirligi, Ichki ishlar vazirligining ichki va soqchilik qoʻshinlari, Milliy xavfsizlik xizmatining harbiy boʻlinmalari transport vositalari koʻrsatib oʻtilgan idoralar tomonidan belgilangan tartibda majburiy texnik koʻrikdan oʻtkazilishi inobatga olinsin.

8. Transport vositalari texnik koʻrikdan oʻtkazilganligi uchun Vazirlar Mahkamasining 2003-yil 31-yanvardagi 54-sonli qarori bilan tasdiqlangan “Transport vositalarini majburiy texnik koʻrikdan oʻtkazish tartibi toʻgʻrisida”gi Nizomga muvofiq yigʻim undirilsin.

9. Mazkur qaror ijrosini nazorat qilishni oʻz zimmamda qoldiraman.

10. Qaror rasmiy eʼlon qilingan kundan eʼtiboran kuchga kiradi.

Hokim v.b. I. PINNAYEV

Nishon t.,

2013-yil 8-fevral,

X-182/02-son

Nishon tuman hokimining 2013-yil 8-fevraldagi X-182/02-sonli qaroriga 2-ILOVA

Nishon tumanidagi idora va xoʻjaliklarida avtomototransport vositalarini 2013-yil yillik texnika koʻrigini oʻtkazish

JADVALI

Nishon tuman hokimining 2013-yil 8-fevraldagi X-182/02-sonli qaroriga 2a-ILOVA

Nishon tumanidagi idora va xoʻjaliklariga tegishli avtobus-mikroavtobus va maxsus avtomototransport vositalarini 2-bosqich texnik koʻrigini oʻtkazish

JADVALI