Viloyatda ijara munosabatlarini tartibga solish hamda qoʻllaniladigan ijara haqining yagona eng kam stavkalarini tasdiqlash toʻgʻrisida (260-son)

28.12.2012

Fargʻona viloyat hokimining

Qarori

Oʻzbekiston Respublikasi Vazirlar Mahkamasining 2009-yil 8-apreldagi “Davlat mulkini ijaraga berish tartibini takomillashtirish chora-tadbirlari toʻgʻrisida”gi 102-sonli qaroriga asosan hamda Oʻzbekiston Respublikasining xususiylashtirish, monopoliyadan chiqarish va raqobatni rivojlantirish davlat qoʻmitasining 2012-yil 11-dekabrdagi 02/14-3577-sonli xatiga muvofiq qaror qilaman:

1. Oʻzbekiston Respublikasining xususiylashtirish, monopoliyadan chiqarish va raqobatni rivojlantirish davlat qoʻmitasi, Moliya vazirligi va Iqtisodiyot vazirligi tomonidan 2012-yil 10-dekabrda tasdiqlangan tartib hamda faoliyat turlariga nisbatan davlat mulkidan foydalanish boʻyicha 2013-yil uchun belgilangan ijara haqining eng kam stavkalari amalda foydalanish uchun qabul qilinsin.

2. Faoliyat turlariga nisbatan davlat mulkidan foydalanganlik uchun belgilangan ijara haqining eng kam stavkalari 1-ilovaga muvofiq tasdiqlansin.

Viloyat “Davlat mulkini ijaraga berish markazi” davlat unitar korxonasi mazkur ilovada koʻrsatilgan yagona eng kam miqdordagi ijara stavkalaridan ijara haqining shartnoma qiymatini belgilashda tayanch sifatida foydalansin.

3. Davlat koʻchmas mulkidan foydalanganlik uchun ijara toʻlovining eng kam stavkalariga qoʻllaniladigan oshiruvchi koeffitsiyentlar 2-ilovaga muvofiq tasdiqlansin.

4. Chekka hududlarda joylashgan qishloq va togʻlik hududlar roʻyxati 3-ilovaga muvofiq tasdiqlansin.

5. Oʻzbekiston Respublikasi Vazirlar Mahkamasining 2011-yil 30-noyabrdagi 315-sonli qaroriga asosan davlat mulki boʻlgan binolar va xonalarda joylashgan budjet tashkilotlari uchun ijara toʻlovining nol stavkasi belgilansin.

6. Shahar va tuman hokimliklariga:

6.1. Hududlaridagi korxona va tashkilotlar tasarrufida boʻlgan foydalanilmay boʻsh turgan davlat obyektlarini doimiy xatlovdan oʻtkazib borish hamda oʻtkazilgan xatlov natijalari boʻyicha maʼlumotlarni Davlat mulkini ijaraga berish markaziga muntazam taqdim etib borishi belgilansin.

6.2. Balansida saqlovchilarning mansabdor shaxslari ularning tasarrufida boʻlgan foydalanmayotgan hamda ijaraga berilayotgan davlat mulki toʻgʻrisidagi maʼlumotlarni Davlat mulkini ijaraga berish markaziga oʻz vaqtida, toʻliq va ishonchli berilishi uchun shaxsan javob beradilar.

7. Viloyat Sogʻliqni saqlash boshqarmasi (M. Sadiqov), viloyat Moliya boshqarmasi (N. Xodjayev), viloyat Xalq taʼlimi boshqarmasi (Z. Teshaboyev), viloyat oʻrta maxsus, kasb-hunar taʼlimi hududiy boshqarmasi (I. Nosirov) xamda viloyatdagi davlat muassasalari oʻz tizimlari va tasarruflarida boʻlgan foydalanilmay boʻsh turgan noturar obyektlarini viloyat “Davlat mulkini ijaraga berish markazi” DUK bilan birgalikda xatlovdan oʻtkazib borish hamda ijaraga berilgan mulklarni doimiy monitoring qilib borsin.

8. Viloyat “Davlat mulkini ijaraga berish markazi” davlat unitar korxonasi (Sh. Egitaliyev) xatlov natijasida aniqlangan foydalanilmay boʻsh turgan obyektlarni belgilangan tartibda tadbirkorlik subyektlariga ijaraga berish ishlarini jadallashtirsin.

9. Mazkur qarordan kelib chiqqan xolda viloyat hokimining 2011-yil 23-dekabrdagi 257-sonli qarorining 1 va 2-ilovasi oʻz kuchini yoʻqotgan deb hisoblansin.

10.Ushbu qarorning bajarilishini nazorat qilish viloyat hokimining oʻrinbosari A. Poʻlatov zimmasiga yuklatilsin.

Hokim Sh. GʻANIYEV

Viloyat hokimining 2012-yil 28-dekabrdagi 260-sonli qaroriga 1-ILOVA

Fargʻona viloyatida noturar binolar va ularni ijaraga berilgan maydonlar uchun qoʻllaniladigan ijara haqining yagona eng kam miqdordagi stavkalari

Izoh:

* Chekka hududlarda joylashgan qishloq va togʻlik hududdagi tumanlarda (qarorning 3-ilovasi bilan tasdiqlangan roʻyxat boʻyicha) joylashgan davlat koʻchmas mulkidan foydalanganlik uchun ijara toʻlovining eng kam stavkasi 25 foizga kamaytirilgan xolda ijara haqi hisoblanadi.

** Oʻzbekiston Respublikasi Vazirlar Mahkamasining 30.06.2009-yildagi 07/10-41-sonli yigʻilish qarorini 11-bandiga asosan mulkchilik shaklidan qatʼi nazar, QVP-larda ochilgan dorixona shoxobchalari ijara xaqi toʻlashdan ozod etilgan.

*** Oʻzbekiston Respublikasi Vazirlar Mahkamasining 22.11.2012-yildagi № 02/1-74-sonli topshirigʻiga asosan Oʻzbekiston Respublikasi Mudofaa vazirligi Savdo boshqarmasi tizimi boʻlimlariga qarashli yopiq harbiy shaharcha va uzoq garnizonlarda joylashgan davlat koʻchmas mulkini ijaraga berishda ijara haqining “0” stavkasi qoʻllaniladi.

Viloyat hokimining 2012-yil 28-dekabrdagi 260-sonli qaroriga 2-ILOVA

Ijara haqi stavkalariga qoʻllaniladigan oshiruvchi koeffitsiyentlar

Binolar va inshootlar boʻyicha ijara toʻlovini (ijara toʻlovining tayanch stavkasi) hisoblab chiqish quyidagi tarzda aniqlanadi:

Ts = Es * Kz * (Kq * Kh * Ko)

Bunda:

Ts — bir yilga bir kv.m uchun ijara toʻlovining tayanch stavkasi:

Es — bir yilga bir kv.m uchun eng kam ijara stavkasi.

Viloyat hokimining 2012-yil 28-dekabrdagi 260-sonli qaroriga 3-ILOVA

Chekka hududlarda joylashgan qishloq va togʻlik hududdagi tumanlar roʻyxati

1. Togʻlik hududlar:

1.1. Soʻx tumani (tuman markazidan tashqari);

1.2. Fargʻona tumanidagi Shoximardon va Yordon qishloqlari.

2. Chekka hududlarda joylashgan qishloqlar:

2.1. Yozyovon tumanidagi Yangiobod KFY;

2.2. Bogʻdod tumanidagi Uch-uy va Karimbobo qishloqlari;

2.3. Rishton tumanidagi Yoyilma va Mehnatobod qishloqlari;

2.4. Beshariq tumani Shodoqoziq va Eshon qishloqlari;

2.5. Dangʻara tumanidagi Abdusamat va Oq-jar qishloqlari;

2.6. Oʻzbekiston tumanidagi Begobod, Shoʻrsuv va Oʻqchi qishloqlari.

Izoh: chekka hududlarda joylashgan qishloq va togʻlik hududdagi tumanlarda joylashgan davlat koʻchmas mulkidan foydalanganlik uchun ijara toʻlovining eng kam stavkasi 25 foizga kamaytirilgan holda ijara haqi hisoblanadi.