Mulkchilik shaklidan qatʼi nazar, tumandagi muqobil MTP, korxona, tashkilotlar, fermer xoʻjaliklariga qarashli boʻlgan va fuqarolar qaramogʻidagi xususiy traktorlar, oʻziyurar shassilar, traktor tirkamalari va boshqa turdagi qishloq xoʻjalik texnikalarini yillik majburiy texnika koʻrigini oʻtkazish toʻgʻrisida (145-son)

26.02.2013

Fargʻona viloyati Bagʻdod tumani hokimining

Qarori

Oʻzbekiston Respublikasi Qishloq va suv xoʻjaligi vazirligining 2004-yil 15-noyabrdagi 2008-sonli buyrugʻiga hamda tumandagi mavjud traktor tirkama oʻzi yurar shassilar va boshqa qishloq xoʻjalik texnikalarini ishga yaroqli holda foydalanishini taʼminlash hamda yoʻl harakati texnika xavfsizligi va ekologiya talablariga toʻliq rioya etilishini taʼminlash maqsadida qaror qilaman:

1. Tumandagi mulkchilik shaklidan qatʼi nazar, barcha MMTP, korxona, tashkilot, fermer xoʻjaliklari hamda fuqarolar foydalanishidagi mavjud traktor, tirkama, oʻzi yurar shassilar va boshqa qishloq xoʻjalik texnikalarni 2013-yil 22-fevraldan 31 maygacha majburiy yillik texnika koʻrigidan oʻtkazilsin.

2. Majburiy yillik texnika koʻrigi oʻtkazish ishchi guruhi 1-ilovaga asosan tasdiqlansin.

3. Majburiy yillik texnika koʻrigi oʻtkazish jadvali 2-ilovaga muvofiq tasdiqlansin.

4. Fuqarolarga qarashli xususiy va shaxsiy traktor tirkama oʻzi yurar shassilar va boshqa qishloq xoʻjalik texnikalarini majburiy yillik texnika koʻrigi 2013-yil aprel oyidan boshlab har haftaning dushanba kunlari tuman markaziy MTP OAJda oʻtkazilishi belgilansin.

5. Muqobil MTP, tashkilot, fermer xoʻjaliklari va korxona rahbarlariga majburiy yillik texnika koʻrigini sifatli oʻtkazish uchun quyidagi vazifalar yuklatilsin:

majburiy yillik texnika koʻrigini jadvalda koʻrsatilgan kunda oʻtkazishni taʼminlash;

majburiy yillik texnika koʻrigida yoʻl harakati, texnika xavfsizligi va ekologiya talablariga toʻliq rioya etilishini taʼminlash;

majburiy yillik texnika koʻrigiga barcha injener va texnik xodimlarini toʻliq jalb etish;

mexanizatorlarni tibbiy koʻrikdan oʻtkazib sogʻligʻi haqida tibbiy maʼlumotnomalarni va haydovchilik guvohnomalarini ogohlantirish talonlari hamda texnikalarning hujjatlarini toʻliq taqdim etish;

barcha borliq traktor tirkama oʻzi yurar shassilar va boshqa qishloq xoʻjalik texnikalarini majburiy yillik texnika koʻrigidan oʻtishini taʼminlash;

6. Agrotexservis MTP MChJ direktori F. Musurmonqulov texnikalarni majburiy yillik texnika koʻrigiga tayyorlash uchun zarur boʻlgan ehtiyot qismlar bilan taʼminlash vazifasi yuklatilsin.

7. Majburiy yillik texnika koʻrigi (S. Usmonov)ga har bir muqobil MTP, tashkilot va korxonalarda majburiy yillik texnika koʻrigini qatʼiy jadval asosida sifatli oʻtkazib majburiy yillik texnika koʻrigi yakunlari boʻyicha tuman hokimligiga yozma axborot berish vazifasi topshirilsin.

8. Ushbu qarorning bajarilishini nazorat qilishni tuman hokimi oʻrinbosari Y. Boyigitov zimmasiga yuklatilsin.

Hokim S. ROʻZIBOYEV

Bogʻdod sh.,

2013-yil 26-fevral,

145-son

Tuman hokimining 2013-yil 26-fevraldagi 145-sonli qaroriga 1-ILOVA

Majburiy yillik texnika koʻrigi oʻtkazish ishchi guruhi

Izoh: koʻrikka jalb qilingan MMTP, tashkilot va korxonalar xodimlarining oʻrtacha ish haqlari saqlanishi uqtirib oʻtilsin.

Tuman hokimining 2013-yil 26-fevraldagi 145-sonli qaroriga 2-ILOVA

2013-yilda majburiy muqobil MTP, tashkilot va korxonalarda oʻtkaziladigan majburiy yillik texnika koʻrigi

JADVALI