Oʻzbekiston Respublikasi budjet tasnifini qoʻllash boʻyicha yoʻriqnomaga oʻzgartirish va qoʻshimchalar kiritish haqida (2146-2-son)

01.04.2013

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2013-yil 1-aprelda roʻyxatdan oʻtkazildi, roʻyxat raqami 2146-2]

Oʻzbekiston Respublikasi Prezidentining 2012-yil 10-apreldagi PF–4435-son “Davlat boshqaruvi sohasidagi kadrlarni tayyorlashni yanada takomillashtirish chora-tadbirlari toʻgʻrisida”gi, 2012-yil 13-noyabrdagi PF–4483-son “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasini tashkil etish toʻgʻrisida”gi (Oʻzbekiston Respublikasi qonun hujjatlari toʻplami, 2012-yil, 46-47-son, 521-modda), 2012-yil 26-dekabrdagi PF–4491-son “Oʻzbekiston Respublikasi Prezidentining ayrim farmonlariga oʻzgartish va qoʻshimchalar kiritish toʻgʻrisida”gi (Oʻzbekiston Respublikasi qonun hujjatlari toʻplami, 2012-yil, 52-son, 586-modda) farmonlariga, Oʻzbekiston Respublikasi Prezidentining 2012-yil 5-iyuldagi PQ–1783-son “Oʻzagrosugʻurta” davlat-aksiyadorlik sugʻurta kompaniyasini kapitallashtirish darajasini yanada oshirish chora-tadbirlari toʻgʻrisida”gi, 2012-yil 23-oktabrdagi PQ–1836-son “Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi faoliyatini tashkil etish toʻgʻrisida”gi, 2012-yil 25-dekabrdagi PQ–1887-son “Oʻzbekiston Respublikasining 2013-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi (Oʻzbekiston Respublikasi qonun hujjatlari toʻplami, 2012-yil, 52-son, 587-modda) qarorlari hamda Oʻzbekiston Respublikasi Vazirlar Mahkamasining 2012-yil 12-iyundagi 169-son “Xorijiy kinokompaniyalar tomonidan Oʻzbekiston Respublikasi hududida badiiy filmlarni kino va video tasvirga olish tartibi toʻgʻrisida”gi qaroriga (Oʻzbekiston Respublikasi Hukumatining qarorlari toʻplami, 2012-yil, 6-son, 41-modda) muvofiq buyuraman:

1. Oʻzbekiston Respublikasi moliya vazirining 2010-yil 20-avgustdagi 65-son buyrugʻi (roʻyxat raqami 2146, 2010-yil 11-oktabr) (Oʻzbekiston Respublikasi qonun hujjatlari toʻplami, 2010-y., 40-41-son, 356-modda) bilan tasdiqlangan Oʻzbekiston Respublikasi budjet tasnifini qoʻllash boʻyicha yoʻriqnomaga ilovaga muvofiq oʻzgartirish va qoʻshimchalar kiritilsin.

2. Ushbu buyruq rasmiy eʼlon qilingan kundan eʼtiboran kuchga kiradi.

Vazir R. AZIMOV

Toshkent sh.,

2013-yil 25-fevral,

18-son

Oʻzbekiston Respublikasi moliya vazirining 2013-yil 25-fevraldagi 18-son buyrugʻiga ILOVA

Oʻzbekiston Respublikasi budjet tasnifini qoʻllash boʻyicha yoʻriqnomaga kiritilayotgan oʻzgartirish va qoʻshimchalar

1. 31-banddagi “Davlat mulk qoʻmitasining” degan soʻzlar “Xususiylashtirish, monopoliyadan chiqarish va raqobatni rivojlantirish davlat qoʻmitasining” degan soʻzlar bilan almashtirilsin.

2. 60-band quyidagi mazmundagi xatboshilar bilan toʻldirilsin:

“prognozdan ortiqcha tushgan mablagʻlar hisobidan tumanlar va shaharlar budjetlariga beriladigan mablagʻlar;

prognozdan ortiqcha tushgan mablagʻlar hisobidan Qoraqalpogʻiston Respublikasi budjetiga, viloyatlar va Toshkent shahar budjetlariga beriladigan mablagʻlar.”.

3. 62-banddagi “respublika markazi xarajatlari” degan soʻzlardan keyin “, moliyaviy tashkilotlar kapitalida ishtirok etish bilan bogʻliq xarajatlar” degan soʻzlar bilan toʻldirilsin.

4. 79-banddagi “Davlat mulk qoʻmitasini, Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazini, Monopoliyadan chiqarish va raqobatni rivojlantirish davlat qoʻmitasini va ularning hududiy boʻlinmalarini” degan soʻzlar “Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasini va uning hududiy boshqarmalarini, Qimmatli qogʻozlar bozorini muvofiqlashtirish va rivojlantirish markazini” degan soʻzlar bilan almashtirilsin.

5. 84-banddagi “Oʻzbekiston Respublikasi Aloqa va axborotlashtirish agentligi xarajatlari” degan soʻzlar “Oʻzbekiston Respublikasining Aloqa, axborotlashtirish va telekommunikatsiya texnologiyalari davlat qoʻmitasi xarajatlari” degan soʻzlar bilan almashtirilsin.

6. 116-banddagi “Oʻzbekiston Respublikasi Prezidenti huzuridagi Davlat va jamiyat qurilishi akademiyasi qoshidagi Oliy biznes maktabini saqlash xarajatlari” degan soʻzlar “Oliy biznes maktabini saqlash xarajatlari” degan soʻzlar bilan almashtirilsin.

7. 124-banddagi “18 yoshgacha bolasi boʻlgan oilalarga har oylik nafaqalar” degan soʻzlar “14 yoshgacha voyaga yetmagan bolalari boʻlgan oilalarga har oylik nafaqalar” degan soʻzlar bilan almashtirilsin.

8. 200-bandning toʻqqizinchi xatboshisi quyidagi tahrirda bayon etilsin:

“508 ”Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasining maxsus hisobvaragʻi mablagʻlari”;”.

9. 1-ilovadagi 2 004 0 0 qatorning nomi quyidagi tahrirda bayon etilsin:

“Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasining maxsus hisobvaragʻi”.

10. 2-ilovada:

a) 3 111 200 va 3 111 300 qatorlar nomi tegishincha quyidagi tahrirda bayon etilsin:

“Toʻlov manbaida ushlab qolingan, jismoniy shaxslarning dividend va foizlar koʻrinishida oladigan daromadlariga solinadigan soliq”;

“Toʻlov manbaida ushlab qolingan, jismoniy shaxslarning mol-mulkini ijaraga berishdan oladigan daromadiga solinadigan soliq”;

b) 3 111 500 qatordan keyin quyidagi mazmundagi qator bilan toʻldirilsin:

“3 111 600 “Deklaratsiya asosida jismoniy shaxslar tomonidan toʻlanadigan daromad soligʻi”;

v) 3 112 107 qatorning nomi quyidagi tahrirda bayon etilsin:

“Gastrol-konsert faoliyati bilan shugʻullanish litsenziyasiga ega boʻlgan yuridik va jismoniy shaxslarni (jumladan norezidentlarni) jalb etish yoʻli bilan ommaviy tomosha tadbirlarini tashkil etishdan daromad oladigan korxonalar”;

g) 3 112 504 qatorning nomi quyidagi tahrirda bayon etilsin:

“Gastrol-konsert faoliyati bilan shugʻullanish litsenziyasiga ega boʻlgan yuridik va jismoniy shaxslarni (jumladan norezidentlarni) jalb etish yoʻli bilan ommaviy tomosha tadbirlarini tashkil etishdan daromad oladigan korxonalar tomonidan toʻlangan yagona soliq toʻlovidan Davlat budjetiga ajratmalar”;

d) 3 112 507 qatorning nomi quyidagi tahrirda bayon etilsin:

“Tayyorlov tashkilotlari, brokerlik idoralari (qimmatli qogʻozlar bozorida brokerlik faoliyati bilan shugʻullanuvchilardan tashqari), shuningdek vositachilik (topshiriq) shartnomasi asosida vositachilik xizmati koʻrsatuvchi tashkilotlar tomonidan toʻlangan yagona soliq toʻlovidan Davlat budjetiga ajratmalar”;

e) 3 112 604 qatorning nomi quyidagi tahrirda bayon etilsin:

“Gastrol-konsert faoliyati bilan shugʻullanish litsenziyasiga ega boʻlgan yuridik va jismoniy shaxslarni (jumladan norezidentlarni) jalb etish yoʻli bilan ommaviy tomosha tadbirlarini tashkil etishdan daromad oladigan korxonalar tomonidan toʻlangan yagona soliq toʻlovidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga ajratmalar”;

j) 3 112 607 qatorning nomi quyidagi tahrirda bayon etilsin:

“Tayyorlov tashkilotlari, brokerlik idoralari (qimmatli qogʻozlar bozorida brokerlik faoliyati bilan shugʻullanuvchilardan tashqari), shuningdek vositachilik (topshiriq) shartnomasi asosida vositachilik xizmati koʻrsatuvchi tashkilotlar tomonidan toʻlangan yagona soliq toʻlovidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga ajratmalar”;

z) 3 112 704 qatorning nomi quyidagi tahrirda bayon etilsin:

“Gastrol-konsert faoliyati bilan shugʻullanish litsenziyasiga ega boʻlgan yuridik va jismoniy shaxslarni (jumladan norezidentlarni) jalb etish yoʻli bilan ommaviy tomosha tadbirlarini tashkil etishdan daromad oladigan korxonalar tomonidan toʻlangan yagona soliq toʻlovidan Oʻzbekiston Respublikasi Moliya vazirligi huzuridagi Maktab taʼlimi jamgʻarmasiga ajratmalar”;

i) 3 112 707 qatorning nomi quyidagi tahrirda bayon etilsin:

“Tayyorlov tashkilotlari, brokerlik idoralari (qimmatli qogʻozlar bozorida brokerlik faoliyati bilan shugʻullanuvchilardan tashqari), shuningdek vositachilik (topshiriq) shartnomasi asosida vositachilik xizmati koʻrsatuvchi tashkilotlar tomonidan toʻlangan yagona soliq toʻlovidan Taʼlim va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasiga ajratmalar”;

k) 3 112 804 qatorning nomi quyidagi tahrirda bayon etilsin:

“Gastrol-konsert faoliyati bilan shugʻullanish litsenziyasiga ega boʻlgan yuridik va jismoniy shaxslarni (jumladan norezidentlarni) jalb etish yoʻli bilan ommaviy tomosha tadbirlarini tashkil etishdan daromad oladigan korxonalar tomonidan toʻlangan yagona soliq toʻlovidan Oʻzbekiston Respublikasi Moliya vazirligi huzuridagi Respublika yoʻl jamgʻarmasiga ajratmalar”;

l) 3 112 807 qatorning nomi quyidagi tahrirda bayon etilsin:

“Tayyorlov tashkilotlari, brokerlik idoralari (qimmatli qogʻozlar bozorida brokerlik faoliyati bilan shugʻullanuvchilardan tashqari), shuningdek vositachilik (topshiriq) shartnomasi asosida vositachilik xizmati koʻrsatuvchi tashkilotlar tomonidan toʻlangan yagona soliq toʻlovidan Oʻzbekiston Respublikasi Moliya vazirligi huzuridagi Respublika yoʻl jamgʻarmasiga ajratmalar”;

m) 3 331 219 qatordan keyin quyidagi mazmundagi qatorlar bilan toʻldirilsin:

“3 331 220 “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining hududiy boshqarmalari tomonidan olingan subvensiyalar”;

3 331 221 “Ijtimoiy nafaqalar uchun olingan subvensiyalar”;

3 331 222 “Ishlamaydigan pensionerlarga pensiya va nafaqalar uchun olingan subvensiyalar”;

3 331 223 “Ishlovchi pensionerlarga pensiya va nafaqalar uchun olingan subvensiyalar”;

3 331 224 “Pochta xizmatlari uchun olingan subvensiyalar”;

3 331 230 “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tuman (shahar) boʻlimlari tomonidan olingan subvensiyalar”;

3 331 231 “Ishlamaydigan pensionerlarga pensiya va nafaqalar uchun olingan subvensiyalar”;

3 331 232 “Ishlovchi pensionerlarga pensiya va nafaqalar uchun olingan subvensiyalar”;

3 331 233 “Bolalikdan nogironlarga beriladigan nafaqa uchun olingan subvensiyalar”;

3 331 234 “Ishlamaydigan fuqarolarga uy-joy-kommunal xizmatlar haqini toʻlash boʻyicha kompensatsiya pul toʻlovlari uchun olingan subvensiyalar”;

3 331 235 “Ishlovchi fuqarolarga uy-joy-kommunal xizmatlar haqini toʻlash boʻyicha kompensatsiya pul toʻlovlari uchun olingan subvensiyalar”;

3 331 236 “Ishlamaydigan fuqarolarga bola tugʻilganda beriladigan bir martalik nafaqa toʻlovlari uchun olingan subvensiyalar”;

3 331 237 “Ishlovchi fuqarolarga bola tugʻilganda beriladigan bir martalik nafaqa toʻlovlari uchun olingan subvensiyalar”;

n) 3 422 216 va 3 430 106 qatorlar chiqarib tashlansin.

o) 3 430 112 qatorning nomi quyidagi tahrirda bayon etilsin:

“Bojxona qonunchiligini buzganlik uchun jarimalar”;

p) 3 450 403, 3 450 404 va 3 450 405 qatorlarning nomi tegishincha quyidagi tahrirda bayon etilsin:

“Qoraqalpogʻiston Respublikasi, viloyatlar va Toshkent shahar budjetiga undiriladigan ijara toʻlovlari”;

“Tuman va shaharlar budjetiga undiriladigan ijara toʻlovlari”;

“Respublika budjetiga undiriladigan ijara toʻlovlari”;

r) 3 450 406 qator chiqarib tashlansin;

s) 3 450 407 qatordan keyin quyidagi mazmundagi qator bilan toʻldirilsin:

“3 450 408 “Yoʻqotilgan yoki keyinchalik foydalanishga yaroqsiz holatga keltirilgan darsliklar va oʻquv-metodik qoʻllanmalar uchun Oʻzbekiston Respublikasi Moliya vazirligi huzuridagi budjetdan tashqari Respublika maqsadli kitob jamgʻarmasiga toʻlovlar”;

t) 3 450 505 qatordan keyin quyidagi mazmundagi qatorlar bilan toʻldirilsin:

“3 450 506 “Vakolatli organlar (bojxona organlaridan tashqari) tomonidan musodara qilingan xorijiy valyutani sotishdan tushgan tushum”;

3 450 507 “Bojxona organlari tomonidan musodara qilingan xorijiy valyutani sotishdan tushgan tushum”;

u) 3 450 922 qatordan keyin quyidagi mazmundagi qator bilan toʻldirilsin:

“3 450 923 “Oʻzbekiston Respublikasi hududida kino va video tasvirga olish uchun ariza beruvchining huquqini tasdiqlaydigan hujjat berish uchun toʻlov”.

11. 4-ilovada:

a) 7 011 350, 7 011 354 va 7 011 359 qatorlardagi “Davlat mulk qoʻmitasining” degan soʻzlar “Xususiylashtirish, monopoliyadan chiqarish va raqobatni rivojlantirish davlat qoʻmitasining” degan soʻzlar bilan almashtirilsin;

b) 7 018 518 qatordan keyin quyidagi mazmundagi qatorlar bilan toʻldirilsin:

“7 018 519 “Prognozdan ortiqcha tushgan mablagʻlar hisobidan tumanlar va shaharlar budjetlariga beriladigan mablagʻlar”;

7 018 520 “Prognozdan ortiqcha tushgan mablagʻlar hisobidan Qoraqalpogʻiston Respublikasi budjetiga, viloyatlar va Toshkent shahar budjetlariga beriladigan mablagʻlar”;

v) 7 019 400 qatordan keyin quyidagi mazmundagi qatorlar bilan toʻldirilsin:

“7 019 500 “Taʼlim va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasiga ajratiladigan mablagʻlar”;

7 019 600 “Moliyaviy tashkilotlar kapitalida ishtirok etish bilan bogʻliq xarajatlar”;

g) 7 029 904 qatordagi “Aloqa va axborotlashtirish agentligining” degan soʻzlar Respublikasi Aloqa, axborotlashtirish va telekommunikatsiya texnologiyalari davlat qoʻmitasining” degan soʻzlar bilan almashtirilsin.

d) 7 041 130, 7 041 140, 7 041 150 va 7 041 160 qatorlarning nomi tegishincha quyidagi tahrirda bayon etilsin:

“Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasini saqlash xarajatlari”;

“Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasining hududiy boshqarmalarini saqlash xarajatlari”;

“Qimmatli qogʻozlar bozorini muvofiqlashtirish va rivojlantirish markazini saqlash xarajatlari”;

“Qimmatli qogʻozlar bozorini muvofiqlashtirish va rivojlantirish markazining hududiy boʻlinmalarini saqlash xarajatlari”;

e) 7 041 170 va 7 041 180 qatorlar chiqarib tashlansin;

j) 7 042 940 qatordan keyin quyidagi mazmundagi qatorlar bilan toʻldirilsin:

“7 042 950 “Oʻzbekiston Respublikasi Qishloq va suv xoʻjaligi vazirligini saqlash xarajatlari”;

7 042 960 “Oʻzbekiston Respublikasi Qishloq va suv xoʻjaligi vazirligining hududiy boʻlinmalarini saqlash xarajatlari”;

z) 7 046 101 qatorning nomi quyidagi tahrirda bayon etilsin:

“Oʻzbekiston Respublikasining Aloqa, axborotlashtirish va telekommunikatsiya texnologiyalari davlat qoʻmitasini saqlash xarajatlari”;

i) 7 046 101 qatordan keyin quyidagi mazmundagi qatorlar bilan toʻldirilsin:

“7 046 102 “Oʻzbekiston Respublikasining Aloqa, axborotlashtirish va telekommunikatsiya texnologiyalari davlat qoʻmitasining boʻlinmalarini saqlash xarajatlari”;

k) 7 094 200 qatorning nomi quyidagi tahrirda bayon etilsin:

“Oliy biznes maktabi”;

l) 7 096 411, 7 096 412, 7 096 413, 7 096 414 va 7 096 415 qatorlarning nomi tegishincha quyidagi tahrirda bayon etilsin:

“Birinchi sinf oʻquvchilarini darsliklar bilan bepul taʼminlash xarajatlari”;

“Mehribonlik uylari, maxsus maktab va maktab-internatlar tarbiyalanuvchilari boʻlgan oʻquvchilarni darsliklar bilan taʼminlash xarajatlari”;

“Umumiy oʻrta taʼlim muassasalarining ijtimoiy yordamga muhtoj boʻlgan oilalardagi oʻquvchilarini darsliklar bilan taʼminlash xarajatlari”;

“Umumiy oʻrta taʼlim muassasalarini ijara tizimini darsliklar bilan birlamchi taʼminlash boʻyicha xarajatlar”;

“Budjet mablagʻlari hisobidan umumiy oʻrta taʼlim muassasalariga darsliklar va oʻquv-uslubiy qoʻllanmalarni yetkazib berish boʻyicha xarajatlar”;

m) 7 096 415 qatordan keyin quyidagi mazmundagi qator bilan toʻldirilsin:

“7 096 416 “Umumiy oʻrta taʼlim muassasalari uchun oʻquv-uslubiy qoʻllanmalarni xarid qilish xarajatlari”;

n) 7 096 421 va 7 096 422 qatorlarning nomi quyidagi tahrirda bayon etilsin:

“Ijara toʻlovlari hisobidan umumiy oʻrta taʼlim muassasalari uchun darsliklarni xarid qilish xarajatlari”;

“Ijara toʻlovlari hisobidan umumiy oʻrta taʼlim muassasalari uchun darsliklarni yetkazib berish boʻyicha xarajatlar”;

o) 7 096 422 qatordan keyin quyidagi mazmundagi qatorlar bilan toʻldirilsin:

“7 096 423 “Umumiy oʻrta taʼlim muassasalari oʻquvchilari va oʻqituvchilari uchun chet tillar boʻyicha darsliklar va oʻquv-uslubiy qoʻllanmalarni xarid qilish xarajatlari”;

7 096 424 “Umumiy oʻrta taʼlim muassasalarining oʻquvchilari va oʻqituvchilari uchun chet tillar boʻyicha darsliklar va oʻquv-uslubiy qoʻllanmalarni yetkazib berish boʻyicha xarajatlar”;

7 096 425 “Oʻrta maxsus, kasb-hunar taʼlimi muassasalari oʻquvchilari va oʻqituvchilari uchun chet tillar boʻyicha darsliklar va oʻquv-uslubiy qoʻllanmalarni xarid qilish xarajatlari”;

7 096 426 “Oʻrta maxsus, kasb-hunar taʼlimi muassasalari oʻquvchilari va oʻqituvchilari uchun chet tillar boʻyicha darsliklar va oʻquv-uslubiy qoʻllanmalarni yetkazib berish boʻyicha xarajatlar”;

p) 7 103 100 qatorning nomi quyidagi tahrirda bayon etilsin:

“14 yoshgacha voyaga yetmagan bolalari boʻlgan oilalarga har oylik nafaqalar”;

r) 7 106 210 qatordan keyin quyidagi mazmundagi qatorlar bilan toʻldirilsin:

“7 106 211 “Ishlamaydigan fuqarolarga Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasidan beriladigan uy-joy-kommunal xizmatlar haqini toʻlash boʻyicha kompensatsiya pul toʻlovlari”;

7 106 212 “Ishlovchi fuqarolarga Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasidan beriladigan uy-joy-kommunal xizmatlar haqini toʻlash boʻyicha kompensatsiya pul toʻlovlari”;

s) 7 106 320 qatordan keyin quyidagi mazmundagi qatorlar bilan toʻldirilsin:

“7 106 321 “Ishlamaydigan fuqarolarga Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasidan bola tugʻilganda beriladigan bir martalik nafaqa toʻlovlari”;

7 106 322 “Ishlovchi fuqarolarga Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasidan bola tugʻilganda beriladigan bir martalik nafaqa toʻlovlari”.

12. 6-ilovadagi 50-boʻlimning 8-paragrafi quyidagi tahrirda bayon etilsin:

“Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasining maxsus hisobvaragʻi mablagʻlari”.