“OʻzKDB Bank” yopiq aksiyadorlik jamiyati faoliyatining tashkiliy masalalari toʻgʻrisida (73-son)

13.03.2013

Oʻzbekiston Respublikasi Vazirlar Mahkamasining

qarori

“Royal Bank of Scotland Oʼzbekiston MV” yopiq aksiyadorlik jamiyatidagi “Royal Bank of Scotland N.V” (Niderlandiya)ning ulushi Koreya taraqqiyot banki (Koreya Respublikasi) tomonidan sotib olinganligi munosabati bilan, shuningdek Koreya Respublikasi bilan hamkorlikni chuqurlashtirish maqsadida Vazirlar Mahkamasi qaror qiladi:

1. “Royal Bank of Scotland Oʼzbekiston MV” va “OʻzKDB Bank” yopiq aksiyadorlik jamiyatlari aksiyadorlarining umumiy majlislarida:

“Royal Bank of Scotland Oʼzbekiston MV” yopiq aksiyadorlik jamiyatini “OʻzKDB Bank” yopiq aksiyadorlik jamiyatiga birlashtirish shaklida qayta tashkil etish toʻgʻrisida;

“OʻzKDB Bank” yopiq aksiyadorlik jamiyatini “KDB Bank Oʻzbekiston” yopiq aksiyadorlik jamiyati deb qayta nomlash toʻgʻrisida qarorlar qabul qilinganligi maʼlumot uchun qabul qilinsin.

2. Oʻzbekiston Respublikasi Markaziy bankiga birlashtirish va qayta nomlash bilan bogʻliq tashkiliy-tartibot masalalarini hal etishda “KDB Bank Oʻzbekiston” yopiq aksiyadorlik jamiyatiga koʻmaklashish tavsiya etilsin.

3. Quyidagilar:

Vazirlar Mahkamasining “OʻzKDB Bank” yopiq aksiyadorlik jamiyati faoliyatining ayrim tashkiliy masalalari toʻgʻrisida” 2006-yil 5-maydagi 76-son qarori;

Vazirlar Mahkamasining “ABN AMRO Bank Oʻzbekiston MB, H.J.” aksionerlik bankini “Royal Bank of Scotland Oʼzbekiston MB” YoAJ deb qayta nomlash toʻgʻrisida” 2008-yil 13-noyabrdagi 246-son qarori oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Markaziy banki raisi F.M. Mullajonov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2013-yil 13-mart,

73-son