Oʻzbekistonda turizm sohasi uchun malakali kadrlar tayyorlash toʻgʻrisida (PF-2332-son)

30.06.1999

Oʻzbekiston Respublikasi Prezidentining

Farmoni

Respublikada turizm sohasi boʻyicha yuqori malakali mutaxassis kadrlar tayyorlash, qayta tayyorlash va malakasini oshirish, turizmning iqtisodiy salohiyatini mustahkamlash va uning samaradorligini yanada oshirish maqsadida:

1. 1999-2000 oʻquv yilidan boshlab turizm sohasi boʻyicha oliy maʼlumotli kadrlar tayyorlash Toshkent davlat iqtisodiyot universitetida mujassamlashtirilsin.

2. Oʻzbekiston Respublikasi Prezidentining 1999-yil 15-apreldagi “2005-yilgacha boʻlgan davrda Oʻzbekistonda turizmni rivojlantirish Davlat dasturi toʻgʻrisida”gi Farmonining 4-bandi oʻz kuchini yoʻqotgan deb hisoblansin.

3. Oʻzbekiston Respublikasi Vazirlar Mahkamasi bir hafta muddat ichida mazkur Farmon yuzasidan qaror qabul qilsin.

Oʻzbekiston Respublikasining Prezidenti I. KARIMOV

Toshkent sh.,

1999-yil 30-iyun,

PF-2332-son