Noturarjoy bino va inshootlarga nisbatan qoʻllaniladigan eng kam miqdordagi ijara haqi stavkalari haqida (85-Q-son)

06.04.2009

Navoiy viloyati hokimining

Qarori

Oʻzbekiston Respublikasi Prezidentining 2008-yil 28-noyabrdagi PF-4058-sonli “Iqtisodiyotning real sektori korxonalarini koʻllab-quvvatlash, ularning barqaror ishlashini taʼminlash va eksport salohiyatini oshirish chora-tadbirlari dasturi toʻgʻrisida”gi Farmoni ijrosini taʼminlash hamda Oʻzbekiston Respublikasi Prezidentining 2009-yil 13-fevral kuni Vazirlar Mahkamasida boʻlib oʻtgan majlisdagi maʼruzasida belgilangan ustuvor vazifalardan kelib chiqib, Oʻzbekiston Respublikasi Vazirlar Mahkamasining 1999-yil 3-sentabrdagi 414-sonli Qarori va Oʻzbekiston Respublikasi Adliya vazirligi tomonidan 2000-yil 7-yanvarda 869-son bilan davlat roʻyxatidan oʻtkazilgan “Vaqtincha foydalanilmayotgan davlat mulkini budjet tashkilotlari tomonidan boshqa korxona va tashkilotlarga ijaraga berish tartibi toʻgʻrisida”gi Nizomga asosan qaror qilaman:

1. Budjet tashkilotlari tomonidan vaqtincha foydalanilmayotgan davlat mulki hisobidagi noturar joy bino va inshootlarni ijaraga berish uchun qoʻllaniladigan eng kam miqdordagi ijara haqi stavkalari ilovaga muvofiq tasdiqlansin.

2. Mazkur ijara haqi stavkalari noturar joy bino va inshootlar boʻyicha shartnoma qiymatini belgilashda boshlangʻich narx sifatida foydalanilishi koʻrsatib oʻtilsin.

3. Budjet tashkilotlari vaqtincha foydalanilmayotgan davlat mulki hisobidagi noturar joy bino va inshootlarni ijaraga berishdan tushadigan mablagʻlarning 50 foizi mahalliy budjetga, 50 foizi budjet tashkilotlarini rivojlantirish fondiga yoʻnaltirilsin.

4. Belgilab qoʻyilsinki, ijara haqidan toʻlanadigan toʻlovlarni oʻz vaqtida oʻtkazilishi boʻyicha budjet tashkilotlari rahbarlari shaxsan masʼul hisoblanadi.

5. Viloyat Davlat mulkini boshqarish hamda Statistika boshqarmalari budjet tashkilotlarining boʻsh turgan noturar joy bino va inshootlarini muntazam ravishda xatlovdan oʻtkazib, ularni tadbirkorlik subyektlariga ijaraga berilishini hamda ijara shartnomalarini tayyorlash, ijara munosabatlariga doir konsalting xizmatlari koʻrsatilishini tashkil etsin.

6. Viloyat Er resurslari va davlat kadastri boshqarmasi noturar joy bino va inshootlarni ijara shartnomalarini davlat roʻyxatidan oʻtkazilishini va yagona reyestr asosida hisobi yuritilishini taʼminlasin.

7. Viloyat Moliya boshqarmasi budjet tashkilotlarining vaqtincha foydalanilmayotgan davlat mulki hisobidagi noturar joy bino va inshootlarni ijaraga berishdan olingan mablagʻlarni mahalliy budjet va budjet tashkilotlarining rivojlantirish fondiga oʻtkazilishi ustidan doimiy nazorat oʻrnatsin hamda muntazam ravishda viloyat hokimligiga axborot berib borsin.

8. Viloyat hokimining 1999-yil 7-oktabrdagi 338-Q-sonli qarori oʻz kuchini yoʻqotgan deb hisoblansin.

9. Ushbu qarorning bajarilishini nazorat qilish viloyat hokimining oʻrinbosari S. Samadov zimmasiga yuklatilsin.

Hokim E. TURDIMOV

Navoiy sh.,

2009-yil 6-aprel,

85-Q-son

Viloyat hokimining 2009-yil 6-apreldagi 85-q-sonli qaroriga ILOVA

Budjet tashkilotlari tomonidan vaqtincha foydalanilmayotgan davlat mulki hisobidagi noturarjoy bino va inshootlarni ijaraga berish uchun qoʻllaniladigan eng kam miqdordagi ijara haqi

stavkalari

*Izoh:

a) noturar joy bino va inshootlarga nisbatan qoʻllaniladigan ijara haqi miqdoriga bino, inshootning ekspluatatsion va kommunal xizmatlari xarajatlari kiritilmaydi.

Ijaraga oluvchi tomonidan ijaraga beruvchiga (mulk egasiga) bino, inshootning ekspluatatsion va kommunal xizmatlar xarajatlarini qoplash Oʻzbekiston Respublikasi Adliya vazirligi tomonidan 2000-yil 7-yanvarda 869-son bilan davlat roʻyxatidan oʻtkazilgan “Vaqtincha foydalanilmayotgan davlat mulkini budjet tashkilotlari tomonidan boshqa korxona va tashkilotlarga ijaraga berish tartibi toʻgʻrisida”gi Nizomda belgilangan tartibda amalga oshiriladi.

b) eng kam miqdordagi oylik maoshining oʻzgarishi bilan ijara haqi miqdori oʻz-oʻzidan oʻzgaradi.

v) ijaraga olingan binolarning ijara haqi summasiga Oʻzbekiston Respublikasi qonunchiligiga asosan toʻlanadigan qoʻshimcha qiymat va yer soligʻi kiritilmagan.

g) koʻrsatilgan ijara haqi miqdoriga yuqori koeffitsiyentlarning 1,2 dan 2,0 gacha miqdorda qoʻllanilishi binoning qayerda joylashganligi, ijaraga beriladigan vaqtidagi holati, qurilish holati, savdo maqsadida ishlatilishi uchun qulayligiga bogʻliq boʻladi.