Ijtimoiy muhofazaga muhtoj va ish topishda qiynaladigan shaxslarni ishga joylashtirish maqsadida 2013-yil uchun ish oʻrinlarini band qilib qoʻyish toʻgʻrisida. (X-471/9-son)

07.09.2012

Qashqadaryo viloyati Shahrisabz tumani hokimining

Qarori

Oʻzbekiston Respublikasi Vazirlar Mahkamasining 2008-yil 20-avgustdagi 186-sonli qarorida belgilangan vazifalardan kelib chiqib, tuman Bandlikka koʻmaklashish va aholini ijtimoiy muhofaza qilish markazining 2012-yil 5-sentabrdagi 368-sonli aloqa xati, shuningdek tuman hududidagi korxona, tashkilot va muassasalarda ijtimoiy muhofazaga muhtoj va ish topishda qiynaladigan shaxslarni ishga joylashtirish uchun ish oʻrinlarini band qilib qoʻyish maqsadida, Oʻzbekiston Respublikasi “Aholini ish bilan taʼminlash toʻgʻrisida”gi Qonunining 17-moddasi va “Mahalliy davlat hokimiyati toʻgʻrisida”gi Qonunining 6-moddasiga asosan qaror qilaman:

1. Band qilinishi kerak boʻlgan ish oʻrinlari sonini va ularga qoʻyiladigan talablarni belgilash maqsadida maxsus ishchi guruhi 1-ilovaga* muvofiq tasdiqlansin.

*1-ilova berilmaydi.

2. Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish 2-ilovaga muvofiq xodimlar soni 20 va undan ortiq kishini tashkil etadigan korxonalar uchun jami 7 foiz (125 kishi), shundan nogironlar uchun ish oʻrinlarini eng kam soniga muvofiq 3 foiz (4 kishi) miqdorida va 4 (121 kishi) uchun ish joylarini band qilib qoʻyish yoki barpo etish belgilansin.

Jumladan, umumiy band qilib qoʻyilgan yoki barpo etiladigan ish joylariga nisbatan:

yolgʻiz ota, yolgʻiz ona hamda 14 yoshgacha va nogiron bolalari bor koʻp bolali ota-onalar 17 foiz (21 kishi);

oliy va oʻrta-maxsus taʼlim muassasalarini tugatgan yoshlar 66 foiz (83 kishi);

muddatli harbiy xizmatdan boʻshatilgan shaxslar 5 foiz (6 kishi);

nogironlar 3 foiz (4 kishi);

jazoni oʻtash muassasalaridan boʻshatilgan, jazoni oʻtayotgan yoki sud qaroriga koʻra tibbiy xarakterdagi majburiy choralar koʻrilgan shaxslar uchun 2 foiz (2 kishi).

ijtimoiy muhofazaga muhtoj shaxslarning boshqa toifalari 7 foiz (9 kishi)

3. Ish beruvchilar ushbu toifa shaxslar uchun ish oʻrinlari xodimlar tomonidan oʻzlarining mehnat majburiyatlarini toʻsiqlarsiz bajarishini taʼminlaydigan sanitariya-gigiyena normalariga va mehnat sharoitlariga muvofiq boʻlishini taʼminlasin.

Bunda:

nogironlar uchun – mehnat sharoitlari boʻyicha attestatsiyadan oʻtkazilgan hamda xodimga ish jarayonlarini toʻsqinliksiz bajarish imkonini (sogʻligʻining ahvoli va mehnat faoliyatiga nisbatan belgilangan zid koʻrsatgichlarni hisobga olingan holda) beradigan ish oʻrinlari;

taʼlim muassasalarini tugatgan yoshlar uchun – ularning kasb boʻyicha tayyorgarligiga muvofiq boʻlgan ish joylari;

muayyan kasb-hunarga, malakaga ega boʻlmagan shaxslar uchun esa – maxsus malakani talab qilmaydigan ish oʻrinlari.

muddatli harbiy xizmatdan boʻshatilgan shaxslar uchun ularning kasb-hunar tayyorgarligiga muvofiq boʻlgan ish oʻrinlari;

yolgʻiz ota, yolgʻiz ona hamda 14 yoshgacha va nogiron bolalari bor koʻp bolali ota-onalar uchun - bolalarni tarbiyalash va mehnat majburiyatlari boʻyicha vazifalarni uygʻunlashtirish imkonini beradigan, oʻzgaruvchan jadvalga ega boʻlgan ish oʻrinlari;

jazoni ijro etish muassasalaridan boʻshatilgan, jazoni oʻtayotgan yoki sud qarori bilan tibbiy xarakterdagi majburlov choralar koʻrilgan shaxslar uchun – ularning kasb boʻyicha tayyorgarligi hisobga olingan holdagi ish oʻrinlari;

4. Korxona, muassasa va tashkilotlar yil boshlangungacha 10 kundan kechikmay ijtimoiy muhofazaga muhtoj va ish qidirishda qiynalayotgan shaxslarni ishga joylashtirish uchun band qilib qoʻyilgan ish oʻrinlari umumiy sonining kamida 25 (yigirma besh) foizi hajmda ish oʻrinlari band qilib qoʻyilishini va tayyor boʻlishini taʼminlab, bu toʻgʻrida tuman Bandlikka koʻmaklashish va aholini ijtimoiy muhofaza qilish markaziga yil boshlangungacha yozma ravishda axborot berish vazifasi yuklatilsin.

5. Ijtimoiy muhofazaga muhtoj va ish qidirishda qiynalayotgan shaxslar uchun ish oʻrinlarining qolgan qismini band qilib qoʻyish korxona, muassasa, tashkilot (ish beruvchi) tomonidan kalendar yilning birinchi choragi mobaynida taʼminlanib, bu toʻgʻrida tuman Bandlikka koʻmaklashish va aholini ijtimoiy muhofaza qilish markaziga birinchi chorak tugagandan keyin 10 kundan kechikmay yozma ravishda axborot berish yuklatilsin.

6. Ushbu qarorda belgilangan ijtimoiy muhofazaga muhtoj va ish topishda qiynalayotgan shaxslar uchun ish oʻrinlarini band qilib qoʻyish sonidan ortiqcha ish oʻrinlari tashkil etilganda korxona, muassasa va tashkilotlar uchun qoʻyidagi imtiyoz belgilanadi:

tuman hokimi tomonidan belgilangan miqdordan ortiqcha ish oʻrinlari tashkil etgan korxona, muassasa va tashkilotlar mazkur ish oʻrinlarini tashkil etishga sarflangan mablagʻlarning bir qismini tuman Bandlikka koʻmaklashish markazi bilan tuzilgan shartnoma asosida bandlikka koʻmaklashish markazi jamgʻarmasi mablagʻlari hisobidan qoplash huquqiga ega boʻladi.

7. Korxona, muassasa va tashkilotlar har chorakda shahar bandlikka koʻmaklashish va aholini ijtimoiy muhofaza qilish markaziga 3-ilovaga muvofiq axborot berib borish yuklatilsin.

8. Shahar bandlikka koʻmaklashish va aholini ijtimoiy muhofaza qilish markazi direktori (A.Temirov)ga bir hafta muddatda mazkur qarorni ilovalarida koʻrsatilgan korxona, muassasa va tashkilot rahbarlari eʼtiboriga quyidagilar yetkazilsin:

korxona, muassasa va tashkilotlar tomonidan ish oʻrinlarining band qilib qoʻyilishini tahliliy oʻrganish;

qarorning 2-bandida koʻrsatilgan band qilib qoʻyilishi belgilangan ish oʻrinlarini band qilmagan korxona, muassasa va tashkilotlarga jarimalar solish toʻgʻrisida yozma axborotni shahar hokimligiga taqdim etib borish topshirilsin.

9. Mazkur qarorning ijrosini nazorat qilish tuman hokimining oʻrinbosari Z. Xalilov zimmasiga yuklatilsin.

Hokim F. NOROV

Shahrisabz t.,

2012-yil 7-sentabr,

X-471/9-son

Tuman hokimining 2012-yil 7-sentabrdagi X-471/9 -sonli qaroriga 2-ILOVA

Shahrisabz tuman boʻyicha 2013-yil uchun ijtimoiy himoyaga muhtoj, ish topishda qiynaladigan va mehnat bozorida teng sharoitlarda raqobatlashishga qodir boʻlmagan shaxslar uchun eng kam ish joylari belgilangan korxonalar

ROʻYXATI

Tuman hokimining 2012-yil 7-sentabrdagi X-471/9 -sonli qaroriga 3-ILOVA