Oʻzbekiston Respublikasi taʼlim muassasalariga qabul qilish boʻyicha Davlat komissiyasi tomonidan tasdiqlangan ayrim normativ-huquqiy hujjatlarni oʻz kuchini yoʻqotgan deb hisoblash toʻgʻrisida (2432-son)

26.02.2013

Oʻzbekiston Respublikasi taʼlim muassasalariga qabul qilish boʻyicha Davlat komissiyasining

Qarori

[Oʻzbekiston Respublikasi Adliya vazirligi tomonidan 2013-yil 26-fevralda roʻyxatdan oʻtkazildi, roʻyxat raqami 2432]

[Koʻchirma]

1. Oʻzbekiston Respublikasi taʼlim muassasalariga qabul qilish boʻyicha Davlat komissiyasi tomonidan 1999-yil 24-iyulda 3-son bilan tasdiqlangan Oʻzbekiston Respublikasi taʼlim muassasalari talabalari (oʻquvchilari) oʻqishini koʻchirish, qayta tiklash va oʻqishdan chetlashtirish tartibi va qoidalari toʻgʻrisidagi nizom (roʻyxat raqami 793, 1999-yil 6-avgust), Oʻzbekiston Respublikasi taʼlim muassasalarida ikkinchi taʼlimni olish tartibi toʻgʻrisidagi nizom (roʻyxat raqami 794, 1999-yil 6-avgust) va Oʻzbekiston Respublikasi taʼlim muassasalarida oʻqitishning toʻlov-kontrakt shakli va tushgan mablagʻlarni taqsimlash tartibi toʻgʻrisidagi nizom (roʻyxat raqami 795, 1999-yil 6-avgust) hamda Oʻzbekiston Respublikasi oliy va oʻrta maxsus taʼlim vazirining 2005-yil 14-noyabrdagi 248-son “Oʻzbekiston Respublikasi taʼlim muassasalarida oʻqitishning toʻlov-kontrakt shakli va tushgan mablagʻlarni taqsimlash tartibi toʻgʻrisidagi nizomga oʻzgartirish kiritish haqida”gi buyrugʻi (roʻyxat raqami 795-1, 2005-yil 28-dekabr) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Bosh vazir oʻrinbosari, Davlat komissiyasining raisi A. IKRAMOV

Toshkent sh.,

2012-yil 28-dekabr,

9-son