2005-yilgacha boʻlgan davrda Oʻzbekistonda turizmni rivojlantirish davlat dasturi toʻgʻrisida (PF-2286-son)

15.04.1999

Oʻzbekiston Respublikasi Prezidentining

Farmoni

Millatlararo aloqalarni kengaytirish va mustahkamlashga koʻmaklashish hamda xalqaro turizm bozoriga uzviy qoʻshilish, Oʻzbekistonning madaniy-tarixiy va maʼnaviy merosini jahon hamjamiyatida targʻib qilish, shuningdek sayyohlarga xizmat koʻrsatish sifatini jahon andozalari darajasiga yetkazish maqsadida:

1. 2005-yilgacha boʻlgan davrda Oʻzbekistonda turizmni rivojlantirish Dasturi va uni amalga oshirish boʻyicha Muvofiqlashtiruvchi kengash tarkibi, 1, 2-ilovalarga* muvofiq maʼqullansin.

* Ilovalar keltirilmaydi.

2. Mulkchilik shaklidan qatʼi nazar, sayyohlik tashkilotlari chetdan keltiriladigan texnologiya va mehmonxona uskunalari, sayyohlik maqsadlariga moʻljallangan transport vositalari uchun bojxona poshlinalari toʻlashdan 3 yil muddatga ozod qilinsin.

5. “Umid” jamgʻarmasi har yili talabalarni sayyohlik industriyasi mutaxassisliklari boʻyicha yetakchi xorijiy mamlakatlarga taʼlim olish uchun yuborishni koʻzda tutsin.

6. Oʻzbekiston Respublikasi Tashqi ishlar vazirligi, Moliya vazirligi, Madaniyat ishlari vazirligi va “Oʻzbekturizm” Milliy kompaniyasi Oʻzbekiston Respublikasining AQSh, Yaponiya, Buyuk Britaniya, Germaniya, Fransiya va Italiyadagi elchixonalarida madaniyat va turizm masalalari boʻyicha maslahatchi lavozim birliklarini joriy etsinlar.

Maslahatchilar lavozimi taʼminotining 50 foizi “Oʻzbekturizm” Milliy kompaniyasi mablagʻlari hisobidan amalga oshirilishi maʼlumot uchun qabul qilinsin.

7. Oʻzbekiston Respublikasi Adliya vazirligi bir oy muddatda Oʻzbekiston Respublikasi qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida takliflar kiritsin.

8. Mazkur Farmonning bajarilishini nazorat qilish Oʻzbekiston Respublikasi Bosh vaziri Oʻ. Sultonov zimmasiga yuklansin.

Oʻzbekiston Respublikasining Prezidenti I. KARIMOV

Toshkent sh.,

1999-yil 15-aprel,

PF-2286-son