Viloyat hududida joriy qilingan mahalliy soliqlar va yigʻimlarni undirish tartibi hamda stavkalari toʻgʻrisida (97-son)

10.03.2012

Namangan viloyat hokimining

Qarori

Oʻzbekiston Respublikasining Soliq kodeksi, Oʻzbekiston Respublikasi Prezidentining “Oʻzbekiston Respublikasining 2012-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” 2011-yil 30-dekabrdagi PQ-1675-sonli qaroriga hamda Oʻzbekiston Respublikasining “Mahalliy davlat hokimiyati toʻgʻrisida”gi Qonunining 24-moddasi asosan qaror qilaman:

1. Viloyat hududida 2012-yil 1-yanvardan yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar daromadiga solinadigan qatʼiy soliq stavkalari 1-ilovaga muvofiq, yuridik va jismoniy shaxslarning tadbirkorlik faoliyatining ayrim turlari boʻyicha qatʼiy belgilangan soliq stavkalari 2-ilovaga muvofiq tasdiqlansin.

2. Viloyat hududidagi mahalliy soliq va yigʻimlarning stavkalari quyidagicha belgilansin:

yuridik shaxslarni va tadbirkorlik faoliyati bilan shugʻullanuvchi jismoniy shaxslarni davlat roʻyxatiga olganlik, shuningdek, tijorat faoliyati uchun moʻljallangan tovarlarni chetdan olib keluvchi yuridik shaxs boʻlmagan yakka tartibdagi tadbirkorlarni davlat soliq xizmati organlarida davlat roʻyxatiga olganlik'uchun — eng kam oylik ish haqining I (bir) barobari miqdorida,

obodonlashtirish va ijtimoiy infratuzilmani rivojlantirish soligʻi stavkasi korxonalar ixtiyorida qoladigan sof foydaning 8 foizi miqdorida;

alkogolli mahsulotlar bilan chakana savdo qilish huquqini beradigan ruxsat guvohnomasi yigʻimining oylik stavkasi alkogolli mahsulotlar bilan savdo qilishga ixtisoslashgan ulgurji sharob savdo bazalariga qarashli savdo doʻkonlari uchun eng kam oylik ish haqining 5 (besh) barobari, Namangan shahrida alkogolli mahsulotlar bilan savdo qiluvchi yuridik shaxslar uchun 4 (toʻrt) barobari, viloyatning qolgan hududlarida 2 (ikki) barobari miqdorida;

avtotransport vositalarini vaqtincha saqlash boʻyicha pulli xizmatlarni koʻrsatish huquqi uchun yigim har bir oy uchun Namangan shahrida eng kam ish haqining 3 (uch) barobari, boshqa aholi punktlarida eng kam ish haqining 2 (ikki) barobari miqdorida.

3. Ruxsat guvohnomasi uchun toʻlanadigan yigʻimlar yigim toʻlovchi tomonidan ikkiga boʻlib, yigimning 95 foizi savdo tarmogʻi joylashgan shahar, tuman mahalliy budjetiga, 5 foizi esa vakolatli idora hisobiga blanklarni tayyorlash, saqlash va hisobini olib borishga ketgan xarajatlarni qoplash uchun oʻtkazib beriladi.

4. Namangan shahar va tuman hokimliklariga mazkur qaror asosida oʻz hududlarida tushumlarni toʻliq va oʻz vaqtida undirilishini nazorat qilish vazifasi yuklatilsin.

5. Viloyat Davlat soliq boshqarmasi (A.Valiyev)ga viloyat hududida joriy qilingan mahalliy soliqlar va yigʻimlarni hisoblanishi, toʻlanishi shuningdek, tegishli ruxsat guvohnomalarisiz faoliyat yuritilishini oldini olish boʻyicha zarur chora-tadbirlarni amalga oshirish topshirilsin.

6. Viloyat hokimining 2011-yil 19-fevraldagi “Viloyat hududida joriy qilingan mahalliy soliqlar va yigʻimlarni undirish tartibi toʻgʻrisidagi Nizomlarning yangi tahriri hamda stavkalari toʻgʻrisida”gi 54-sonli qarori 2012-yil 1-yanvardan oʻz kuchini yoʻqotgan deb hisoblansin.

7. Mazkur qaror Xalq deputatlari viloyat Kengashining navbatdagi sessiyasi tasdigʻiga kiritilsin.

8. Mazkur qaror “Namangan haqiqati” va “Namanganskaya pravda” gazetalarida rasman eʼlon qilinsin.

9. Ushbu qarorning bajarilishini nazorat qilish viloyat hokimining oʻrinbosari Sh.Shukurov zimmasiga yuklansin.

Hokim B.T YUSUPOV

Namangan sh;

2012-yil 10-mart,

97-son

Viloyat hokimining 2012-yil 10-martdagi 97-sonli qaroriga 1-ilova

Yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar daromadiga solinadigan qatʼiy soliq stavkalari

*Dehqon xoʻjalikda yetishtirilgan chorva mollari, nutriya, baliq, parranda (tirik xolda eki ularning soʻyilgan xoldagi xom va qayta ishlangan mahsulotlari). shuningdek tabiiy va qayta ishlangan xoldagi asalarichilik va dehqonchilik (gulchilikdan tashqari) mahsulotlari bilan savdo qilish bundan mustasno.

Dehqon xoʻjaligi fuqarosidagi mavjud mahsulotlar mahalliy davlat hokimiyati organlari yoki fuqarolarning oʻzini-oʻzi boshqarish organlari tomonidan berilgan belgilangan namunadagi maʼlumotnoma bilan tasdiqlanadi.

Izoh:

1. Jismoniy shaxs:

a) bir necha faoliyat turi bilan shugʻullansa, har bir faoliyat turi uchun alohida soliq toʻlaydi;

b) tadbirkorlik faoliyatini ijaraga olingan uskunalar va binoda amalga oshirsa, yashash joyidagi davlat soliq xizmati organiga ijaraga beruvchi toʻgʻrisidagi maʼlumotnoma (axborot) taqdim etishi shart.

v) davlat roʻyxatidan oʻtkazilmagan joyda tadbirkorlik faoliyatini amalga oshirsa, soliqni stavkalardagi musbat farqni hisobga olib toʻlaydi. Bunda musbat farq jismoniy shaxs roʻyxatga olingan joyda undiriladi.

2. Jismoniy shaxslar tomonidan yakka tartibdagi tadbirkor sifatida davlat roʻyxatidan oʻtmasdan faoliyat koʻrsatish holatlari aniqlangan taqdirda davlat soliq xizmati organlariga tegishli faoliyat turi boʻyicha bir yil uchun hisoblangan qatʼiy belgilangan soliq undiriladi.

3. Oʻzbekiston Respublikasi Prezidentining 2011-yil 30-dekabrdagi “Ommaviy axborot vositalarini yanada rivojlantirish uchun qoʻshimcha soliq imtiyozlari va afzalliklar berish toʻgʻrisida”gi PQ-1672-sonli qaroriga asosan gazeta. jurnal va kitob mahsulotlarini chakana sotishga ixtisoslashgan yakka tartibdagi tadbirkorlar uchun qatʼiy belgilangan soliq stavkasi oʻrta hisobda 2 barobarga pasaytirilgan;

4. Jismoniy shaxslarning mol-mulkini ijaraga berishdan olgan daromadlariga. Oʻzbekiston Respublikasi Prezidentining 2011-yil 30-dekabrdagi “Oʻzbekiston Respublikasining 2011-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi 1675-sonli qarorining 8-ilovasiga asosan soliq solinadi.

Viloyat hokimining 2012-yil 10-martdagi 97-sonli qaroriga 2-ilova

Yuridik va jismoniy shaxslarning tadbirkorlik faoliyati ayrim turlari boʻyicha qatʼiy belgilangan soliq stavkalari

Izoh:

* Taqdim etilgan qatʼiy belgilangan soliq hisob-kitobida hisobga olinmagan fizik koʻrsatkichlar aniqlangan holatda bu xol soliqqa tortish obyektini yashirish sifatida koʻrib chiqiladi.