Oʻzbekiston Respublikasi Davlat statistika qoʻmitasi tuzilmasiga oʻzgartirishlar kiritish toʻgʻrisida (36-son)

13.02.2013

Oʻzbekiston Respublikasi Vazirlar Mahkamasining

qarori

Statistika ishlarini tashkil etishni boshqarish tuzilmasini yanada takomillashtirish, davlat statistika organlariga axborot-kommunikatsiya tizimlarini keng joriy etishni va tizimlarning samarali ishlashini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Davlat statistika qoʻmitasi raisining rejim boʻyicha oʻrinbosari lavozimini tugatib, raisning axborot-kommunikatsiya texnologiyalarini joriy etish va axborot xavfsizligini taʼminlash masalalari boʻyicha oʻrinbosari lavozimi joriy etilsin.

2. Oʻzbekiston Respublikasi Davlat statistika qoʻmitasi markaziy apparatining 1-ilovaga muvofiq yangi tuzilmasi tasdiqlansin.

3. Oʻzbekiston Respublikasi Vazirlar Mahkamasining “Oʻzbekiston Respublikasi Davlat statistika qoʻmitasi faoliyatini tashkil etish toʻgʻrisida” 2003-yil 8-yanvardagi 8-son qaroriga 2-ilovaga muvofiq oʻzgartirishlar kiritilsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2013-yil 13-fevral,

36-son

Vazirlar Mahkamasining 2013-yil 13-fevraldagi 36-son qaroriga 1-ILOVA

Oʻzbekiston Respublikasi Davlat statistika qoʻmitasi markaziy apparatining

tuzilmasi

Vazirlar Mahkamasining 2013-yil 13-fevraldagi 36-son qaroriga 2-ILOVA

Vazirlar Mahkamasining “Oʻzbekiston Respublikasi Davlat statistika qoʻmitasi faoliyatini tashkil etish toʻgʻrisida” 2003-yil 8-yanvardagi 8-son qaroriga kiritilayotgan oʻzgartirishlar

1. 1-bandning uchinchi xatboshi va qarorga 2-ilova oʻz kuchini yoʻqotgan deb hisoblansin.

2. 2-bandda:

birinchi xatboshi chiqarib tashlansin;

ikkinchi, uchinchi va toʻrtinchi xatboshilar tegishli ravishda birinchi, ikkinchi va uchinchi xatboshilar deb hisoblansin.