Qon ishlatish bilan bogʻliq boʻlgan koʻp marotaba qoʻllanilishi taqiqlangan tibbiy jihozlar roʻyxatini tasdiqlash toʻgʻrisida (2422-son)

05.02.2013

Oʻzbekiston Respublikasi Sogʻliqni saqlash vazirining

buyrugʻi

[Oʻzbekiston Respublikasi Adliya vazirligi tomonidan 2013-yil 5-fevralda roʻyxatdan oʻtkazildi, roʻyxat raqami 2422]

Oʻzbekiston Respublikasi Prezidentining 2007-yil 19-sentabrdagi PF–3923-son “Sogʻliqni saqlash tizimini isloh qilishni yanada chuqurlashtirish va uni rivojlantirish davlat dasturini amalga oshirishning asosiy yoʻnalishlari toʻgʻrisida”gi Farmoni (Oʻzbekiston Respublikasi qonun hujjatlari toʻplami, 2007-y., 37-38-son, 382-modda) va Oʻzbekiston Respublikasi Prezidentining 2007-yil 2-oktabrdagi PQ–700-son “Respublika tibbiyot muassasalari faoliyatini tashkil etishni takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2007-y., 40-son, 413-modda) muvofiq buyuraman:

1. Qon ishlatish bilan bogʻliq boʻlgan koʻp marotaba qoʻllanilishi taqiqlangan tibbiy jihozlar roʻyxati ilovaga muvofiq tasdiqlansin.

2. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Sogʻliqni saqlash vazirining 2008-yil 4-martdagi 91-son “Qon bilan bogʻliq boʻlgan koʻp marotaba qoʻllanilishi taqiqlangan tibbiy anjom va uskunalar roʻyxatini tasdiqlash toʻgʻrisida”gi buyrugʻi (roʻyxat raqami 1784, 2008-yil 4-aprel) (Oʻzbekiston Respublikasi qonun hujjatlari toʻplami, 2008-y., 14-15-son, 107-modda);

Oʻzbekiston Respublikasi Sogʻliqni saqlash vazirining 2009-yil 9-oktabrdagi 299-son “Qon bilan bogʻliq boʻlgan koʻp marotaba qoʻllanilishi taqiqlangan tibbiy anjom va uskunalar roʻyxatiga qoʻshimchalar kiritish toʻgʻrisida”gi buyrugʻi (roʻyxat raqami 1784-1, 2009-yil 23-oktabr) (Oʻzbekiston Respublikasi qonun hujjatlari toʻplami, 2009-y., 44-son, 471-modda).

3. Mazkur buyruq rasmiy eʼlon qilingan kundan eʼtiboran kuchga kiradi.

Vazir A. ALIMOV

Toshkent sh.,

2013-yil 28-yanvar,

16-son

Oʻzbekiston Respublikasi Sogʻliqni saqlash vazirining 2013-yil 28-yanvardagi 16 son buyrugʻiga ILOVA

Qon ishlatish bilan bogʻliq boʻlgan koʻp marotaba qoʻllanilishi taqiqlangan tibbiy jihozlar

ROʻYXATI

T/r.‎Tibbiy jihozlar nomi ‎1.‎Milk elektrodlari*‎2.‎Oʻt yoʻllarini drenajlash uchun naychalar‎3.‎Oddiy drenaj naychalar‎4.‎Nafas filtrlari‎5.‎Nafas shlanglari*‎6.‎Blekmor zondlari‎7.‎Oshqozon zondlari ‎8.‎Ichak intubatsiyasi uchun Ebbot naychalari‎9.‎Koronarografiya uchun kateterlar ‎10.‎Siydik kateterlari‎11.‎Turli xildagi kateterlar (periferik vena, yoʻnaltiruvchi va boshqalar), angiokatlar‎12.‎Endoxirurgiya uchun klipsalar (upakovka)‎13.‎Qolip olish uchun plastmassa qoshiqlar ‎14.‎Stomatologik koʻrish nabori (plastik)‎15.‎Ginekologik koʻrish nabori, vaginal oyna (plastik)‎16.‎Koronar oʻtkazgichlar‎17.‎Joʻmraklar (sarflov materiallari)‎18.‎Anesteziya qilish uchun nabor (spinal) ‎19.‎Transdermal (teri orqali) drenajlash uchun toʻplam‎20.‎Plazmafiltrlar‎21.‎Barcha turdagi pulpaekstraktorlar‎22.‎Rimerlar (ildiz kanallariga ishlov berish uchun)*‎23.‎Qon tayyorlash uchun shisha idishlar‎24.‎Nafas yoʻllari sanatorlari‎25.‎Skarifikatorlar‎26.‎Stomatologik karpul ignalari‎27.‎Fayllar (ildiz kanallariga ishlov berish uchun)*‎28.‎Endotraxeal trubkalar oʻtkazgich bilan‎29.‎Koʻp marotaba qoʻllaniladigan shpritslar‎30.‎Dializator**‎31.‎Arterial qon oʻtkazuvchi magistral**‎32.‎Vena qon oʻtkazuvchi magistral**‎33.‎Arterial dializ ignasi**‎34.‎Vena dializ ignasi**‎35.‎Dializ kateteri**‎36.‎Steril tibbiy rezina qoʻlqoplar ‎37.‎Nosteril tibbiy rezina qoʻlqoplar ‎

* oʻrnatilgan tartibda sterilizatsiya (bugʻ va quruq havo yordamida sterilizatsiya qilishdan tashqari) qoidalariga rioya qilgan holda qayta ishlatish mumkin.

** har bir bemor uchun individual ishlatiladi